يا جماعة، أنا بكتب الكلام ده وقلبي تقيل جداً.. أنا النهاردة حاسس بالرفض، بس المرة دي الرفض مش ظلم من حد، المرة دي أنا اللي وصلت نفسي لهنا. ​أنا خسرت ناس كانوا بيحبوني بجد، ناس كانوا شايفين فيا 'راجل' وسند، بس للأسف خسرتهم بسبب أسلوبي الوحش وتصرفاتي اللي مكنتش بقدر فيها الموقف ولا المشاعر في وقتها. أصعب إحساس في الدنيا إنك تحس إن 'غلطاتك' هي اللي هدمت أجمل حاجة كانت في حياتك. ​وصلت لمرحلة إني كرهت اليوم اللي اتولدت فيه، ومش قادر أتقبل إني مرفوض من أكتر ناس كنت محتاجهم. الوجع مضاعف لأني مش قادر ألوم حد غير نفسي. أنا حالياً بحاول أبدأ رحلة 'نضج ووعي' حقيقية، وبحاول أصلح اللي باقي مني.. بحاول أقرب من ربنا وأهتم بصحتي وبنفسي عشان أقدر أسيطر على أفعالي وما أكررش الغلط ده تاني. ​حد مر بتجربة إنه يخسر ناس بيحبوه بسبب طبعه أو أسلوبه؟ وإزاي قدرتوا تسامحوا نفسكم وتبدأوا من جديد من غير ما يجيلكم تفكير كارثي إن الدنيا انتهت؟ أنا محتاج دعمكم ومحتاج نصيحة إزاي أتقبل الرفض ده وأنا عارف إني السبب فيه.

1

4