هل فيه حد عنده anxiety او عنده خبرة فيه او عارف ازاي يتعامل مع القلق عامة ؟ هو من فترة قريبة وانا بقت تطلع عندي اعراض اني قاعد في امتحان شفوي مثلا او بتكلم مع الدكتور او المعيد عادي او حتى قاعد في البيت ساعات والله الاقي جسمي حاسس بخوف غريب وقلبي بيضغط عليا شوية و عايز اطلع اجري من المكان اللي انا فيه، حتى لو مفيش خطر حقيقي عليا يعني ودي مش اول ولا اخر مرة اتسأل فيها شفوي ومهما حاولت انا مبقدرش اتحكم فيه او اقلله، او ممكن انا محاولتش كفاية مش عارف الصراحة الفكرة اني رحت لدكتور نفسي وبعد ما قعدت اقول التفاصيل وكده قال ان عندي قلق مزمن وتوتر مستمر ( مقالش anxiety دي انا لما دورت شوية عالنت لقيت انه الاجانب بيقولوا على الحاجات اللي بتجيلي دي انها panic attack او نوبات هلع ، واللي مش متاكد هل هو ده المصطلح الحقيقي ولا لا بس طالما الدكتور مقاليش حاجة ف معرفش الصراحة ) الفكرة اني ماشي على المهدئ فعلا بس مش عايز اعتمد عليه و + انه معملش اي مفعول يذكر يعني بس انا مش عارف اقعد اذاكر وانا خايف ومش عارف خايف من ايه اصلا

1

1