يا جماعة، أنا بمر بفترة هي الأصعب عليا نفسياً وجسدياً. الفترة اللي فاتت وتعب الجو والتراب هدّوا حيلي تماماً، وكنت محتاج بس شوية تقدير لظرفي الإنساني. لكن اللي لقيته من الناس اللي شغال معاهم كان قمة القسوة والشخصنة. ​أصعب حاجة لما تكون إنسان شاطر، فاهم شغلك، ومجتهد، ويجوا في لحظة تعبك ويحسسوك إنك 'عالة' أو 'فاشل' لمجرد إنك مش قادر تدي بنفس القوة اللي هما عايزينها كأنك مكنة مش بني آدم. بيحاولوا يقنعوني إن شطارتي في فهم التفاصيل مش كفاية، وإن تقصيري -اللي هو أصلاً بسبب تعب جسمي- هو فشل في ذاتي. ​أنا داخل على رمضان وقلبي شايل بجد.. شايل من كل حد استكتر عليا لحظة ضعف، ومن كل حد حاول يهز ثقتي في نفسي ويقولي إني 'فاشل' وهو شايفني بموت من التعب. أنا مش عالة، أنا بني آدم ومن حقي أتعب ومن حقي ألاقي رحمة. ​أنا بحسبن على كل حد آذاني نفسياً وضغط على أعصابي في وقت كنت فيه محتاج سِند. محتاج بس أسمع منكم إن قيمتي مش مرتبطة بتقييم ناس مبيعرفوش يعني إيه إنسانية.

0

1