حاسة إني بتحول لversion تانية مني ومش فاهمة ليه. في الحقيقة مبقيتش فاهمة حاجة أنا بجد شخص مسالم جدًا وبحب الناس أو كنت، وكنت دايمًا تمام مع فكرة إنه مش مشكلة لو صحابي مش أحسن حاجة أهلي موجودين طيب أهلي هم المشكلة؟ بحس بالذنب لما بفكر فيهم تفكير وحش أو إني مش عايزة افضل معاهم هم بيحاسبوني على أي حاجة عملتها أو معملتهاش حتى على تفكيري،ساعات بيفترضوا تفكير هو مجاش في دماغي أصلًا بس هم عايزين يصدقوه. والدتي دايمًا بتقلب أي مشكلة عليا وإنه هي الضحية وأنا الوحشة وبصراحة واثقة انه الحاجة دي ثبتت في دماغي، مش بإرادتي بس ده الطبيعي لما اتعرض الوقت ده كله لحاجة هصدقها. هي عملت حاجه وحشة أوي وأنا عرفت بس لأني كنت صغيرة مكنتش عارفه أتصرف إزاي وstill مش عارفه أتعامل معاها زي زمان.ومن وقتها بتفترض إني بكرهها وبتعاملني بطريقة مش كويسة وبتتعبني أوي،كمان لأنه إزاي أتعامل مع الناس برا طبيعي وشخصيتي في البيت تتغير مع إن هي اللي بتصرف عليا ومفيش أم بتعمل زيي مع أولادها ولا حنينة عليهم كده.(أكيد مبيعيطوش ولادهم كل يوم) مش عايزة أبقى شبهها أوversion تانية غير نفسي بس مبقيتش عارفة أعمل كده إزاي. مش عارفه ممكن حد يفهم كلامي ولا لأ بس أنا حرفيًا معنديش شخص واحد في حياتي أتكلم معاه في الموضوع ده ف قلت مش هخسر حاجه لو اتكلمت هنا.

2

5