احساس بالذنب

Bulb_51863 🇪🇬

منذ أسبوع واحد

شعور ضاق ذرعًا

ليالي مليئه بالزنقه واحتساء الندم وكوب شاي بلبن مع شويه من ال overthinking على ب 150 جنية صداع (الأسعار ولعت) ليالي متكرره كنت اتمنى معيشهاش تاني بس الحمد لله مش ليالي ثانوية عامة 🥳 ادعولي اهرب من البيت بطريقة مضمونه ويكون عندي عربيه بكرا الصبح الساعة 5:17:20 وقطة عشان ماما مش راضيه تدخلهم البيت و

Avocado_26405 🇪🇬

منذ 3 أسابيع

شعور مرهق

عبّر عن شعورك بشكل مجهول

عيلتى عبارة عن علاقة مضطربة جدا محدش فيها عارف يتعامل وكله بيلوم التانى ودايما فى مشاكل . مبقتش عايزة أقرب من حد خالص يعنى ماما لما أنا كنت صغيرة كنت بحبها أوى ومازلت بس من بعيد لإنها بجد شبه جبتلى اكتئاب وكلامها سم وأنا كان كل اللى نفسى فيه اكون صحبتها بس دمرت حاجات كتير فىّ بجد وهى مش شخص وحش بس هى بتعمل فىّ اى حاجة بتتعمل فيها ولاحظت ده كتير وحاولت اصلحه بس معرفتش. بابا عمرى ما كنت قريبة منه وكنت بخاف منه وانا وصغيرة ولإنه عصبى فكان بيتخانق مع ماما وبيزعق كتير ولما جت فترة اكتشفت انى بعيدة عنه اوى حاولت اقرب بس مستفدتش حاجة غير أنه بردو جرحنى وفى يوم اتعصب وضربنى بالألم على وشى. وبابا دمه خفيف وكده ولكل بيحبه بس عصبى اوى والحاجة التانية انه طول الوقت بسببه بحس بالذنب لانه دايما بيقول إن أنا مصاريفى كتير وأنا فعلا والله مش بطلب غير حاجات عادية مش فاهمة ليه بقى ذنبى فلوس المدرسة والدروس وزيت أو شامبو أو دفع فاتورة النت ؟!! ليه أنا السبب !!! الاوحش انى كنت بحرم نفسى كتير اوى بجد. وآخر حد أخويا الكبير من صغرنا واحنا بنلعب سوا بس كان اوقات بيتعصب ويضربنى المهم انى سامحته كتير بس فى مرة فتح حاجبى واتخيط وفكرت إنه خلاص هيندم بس بعدها اتخانقنا تانى وضربنى وبقالى فترة مش بكلمه وشبه قطعت علاقتى بيه . حاسة انى بجد خايفة اقرب من اى حد عشان بيأذونى نوعا ما . حاسة إن جدو واحشنى اوى لإنه الوحيد اللى كان بيفهمنى وبيدافع عنى دايما وبيخرجنى ويجبلى كل حاجه من غير ما اطلب كل ده وهو كان فى عز تعبه وبعد ما مات من وانا عندى سبع أو تمن سنين وفى فراغ كبير حاسة إنى لوحدى . المشكلة إنى الوقتى بقيت خايفة اقرب من اى حد سواء أصحاب أو انى احب حد فى المستقبل. بحاول اذاكر أو اعمل اى حاجه اتلهى فيها بس مش عارفه اركز فى اى حاجة حاسة انى مش كويسة أو فى حاجة مش قادرة احدد اى هى فاهمين ؟ حاسة بتشتت وضياع وكأنى بحاول انجو بس. والمصيبة إنى تالته ثانوى ومتأخرة اصلا فى المنهج . المشاكل العائلية والمادية بجد مدمرة .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Gold_76647 🇪🇬

منذ 3 أسابيع

شعور متعب

الشتا جاي بجوع ? بقالي فتره عندي مشكله ف موضوع الاكل -- باكل بليل بحس نفسي طالبه برجر مشروم كده او وحده بيتزا رانش واحد فرايد تشيكن و ياسلام لو طلبت تحليه كده -- زعلان عشان بحب اكون رياضي وعندي نشاط و موضوع الاكل ده تاعبني جدا بس حاسس اني مش لوحدي كله بياكل و الشتا محتاج دفى حد فاهم حاجه

Gold_76647 🇪🇬

منذ شهر واحد

شعور مكسور القلب

انا كونت مرتبط بتلات بنات في نفس الوقت بس فجاءه حسيت ان الي بعمله غلط فقرارت اسيبهم هما التلاته مرة واحده و بالفعل انفصلت عنهم بقالي شهر بس الفترة دي بفكر فيهم مش طول الوقت بس بالليل التفكير فيهم بيزيد بس انا بحاول اشغل نفسي بحاجات تانيه و حالا حاسس انهم سابو فراغ كبير جويا و فعلا مش عارف اعمل اي حا

Avocado_26405 🇪🇬

منذ شهر واحد

شعور آسف

عبّر عن شعورك بشكل مجهول

بحس بفجوة كبيرة بين أهلى وده بيحسسنى بالذنب 
مثلا بابا بيحاول يكلمنى أو يتعامل معايا كويس وانا مش حاسة بحاجة غير برود بجد حتى مش بقبل الكلام اصلا وحاسة إن السبب هو إنه عمره ما كان قريب وانا صغيرة كنت بخاف منه ومكنتش اعرف انه بابايا غير بعد ما دخلت حضانة تقريبا وكان طول الوقت فى الشغل وبعده القهوة مش بيرجع غير بليل ويمشى تسعة الصبح وانا بنام بدرى مش بشوفه بليل وبصحى سته للمدرسة فكنت نادرا ما بشوفه وكان بيزعق كتير وبيتخاتق هو وماما كتير بدرجة عالية تخوف وهو بعدها اتغير كتير وبطل يتعصب زى زمان والوقتى بيعاملنى كويس بس انا مش حاسة غير ببرود اللى هو حتى مش عايزاه يكون قريب منى وده بيحسسنى بالذنب 
والسبب التانى أن يمكن معاملته لماما اوقات وحش بتخلى ماما تخرج ده على أنا 
بابا وماما واخويا الكبير كنت بحبهم بس هما نفسهم كانوا بيأذونى جامد أوى ومازلت بحبهم بس مش عايزة اكون قريبة من حد فيهم عايزاهم يكونوا موجودين وحياتهم حلوة ومبسوطين بس محدش يقرب منى يعنى نتكلم من بعيد بس 
حتى اغلب الوقت بقعد لوحدى ومن صغرى لان ماما وبابا أغلب الوقت مشغولين فكنت بقعد مع جدى الله يرحمه أو اعمل الهوايات اللى بحبها 
بس انا حكيت عن بابا لانه فى الغالب حاسس بمشاعرى الباردة أو انى بتعامل وحش وانا حقيقى مش قصدى ومش عارفه اعمل اى
ومش طول الوقت بعمل كده يعنى أنا اغلب  الوقت بقلق عليه وبحاول اخليه يبطل سجاير أو احطله الاكل او حاجه يشربها بس يمكن انى ممكن بتعامل معاه وحش لانه بيحاول يقرب منى الوقتى وانا حاسة بنفور أن حد منهم يقرب منى تانى أنا تعبت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Bulb_51863 🇪🇬

منذ شهر واحد

شعور ضاق ذرعًا

هو صوت دماغي ونفسي دا اهرب منه ازاي عشان صدعت بجد يعني وهموت واعيط منهم بيحسسوني بالذنب وانا معملتش حاجه وبيعيشوني دور الضحية ف كل حاجه ولما بقولهم اسكتوا بيردو عليا وبيقولولي انتي ال غلطانه وانتي السبب الصوت مسموع بجد يجماعه الموضوع بقاله سنين ف تطور معايا اني بقيت اسمع وارد كمان 😆 انقذوني ارجوكو

Cherry_84709 🇪🇬

منذ شهر واحد

شعور وحيد

الفراغ كنت دايما بسمع عنه بس عمري ما حسيته... كنت بقول ازاى في ناس بتعيش بفراغ اكيد العيب منهم... بس بعدين اكتشفت ان دا بيبقي غصب..... لما الكل يقرر يبعد لا رفيق لا صاحب ولا حبيب...... و لما الواحد يقرر يشتكي العيب بيبقي من الشاكى..... وانه شخص دارمي

Apple_65735 🇪🇬

منذ شهر واحد

شعور مرتبك

السلام عليكم انا مخنوق وزهقان وملان وعندي احساس بلملل غريب اوي ووقت فراغي بعمل حجات غريبه اوي ويميل للستات من فوق سن ال 30 وانا متجوز اصلا ومخلف وبجد مش عارف اعمل ايه بشتغل وكل حاجه تمام وبصلي وبعرف ربنا والله بس في حاجه غلط معايا مع الستات بفكر اروح لدكتور نفسي بجد والله بقيت بحب الموضوع ده اوي ومش

Marshmallow_54814 🇪🇬

منذ شهر واحد

شعور مرهق

عبّر عن شعورك بشكل مجهول

صباح الخير 
حصلت مشكله مع واحده صحبتى و قالتلى ان مفياش معايير الصداقه اللى هيا عاوزاها و بتدور عليها وانها كانت بتدور على اخت و سند وانى مش بحققلها اللى هيا عاوزاه و انها عاوزه تقطع علاقتها معايا …. مش فاهمه هيا معاها حق ولا لأ … الفكره انها مرت بظروف صعبه اوى و انا طول الفترة دى كنت بحاول اكلمها واتواصل معاها و اواسيها وهيا كانت بترفض … لما فاقت دلوقتى شويه بتقولى كان مفروض مهما ارفض تفضلى برضع فوق دماغى و تكونى موحوده غصب عنى … طب اتا طبيعتى كدا مش بعرف افرض نفسى على حد .. انا اصلا كنت متضايقه من طريقه رفضها ليا بس عديت عشان ظروفها الصعبه وقولت اسيبها لوحدها … يمكن انا قدرت الموقف بشكل غلط … يمكن انا وحشه فعلا ومستاهلش ومش كفايه … انا مش عارفه ..انا فعلا المره دى مكنتش عاوزه اغلط و مكنتش عاوزه اكون صديقه سيئة … قريت رسايلها كتير اوى و سمعت الفويس بتاعها كتير و قعدت اسأل طب هيا كدا بتنهى علاقتها بيا ولا عاوزانا نرحع؟؟ اجابه السؤال د مهمه بالنسبه لانى بموت لو حسيت بالرفض او انى اترجى حد عشان نصلح علاقتنا … بالنسبالى مهم احنا الاتنين نكون عاوزين نصلح … مش عاوزه اسكت و خلاص و ابقى انا لل ضيعت صحبه عمرى … و مش عاوزه اناقشها و هيا ترفضنى لان بيدبحنى بدون مبالغة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_81663 🇪🇬

منذ شهر واحد

شعور ضائع

عبّر عن شعورك بشكل مجهول

مش عارفه ابدأ منين بصراحه بس انا حاسه اني مش احسن حاجه ومش مرتاحه ولا مبسوطه خالص مع اني قريبه من ربنا وبلبس لبس شرعي وحياتي صح الحمدلله بس من اسبوع كدا وقفت صلاه لاسباب معرفهاش بجد ومن وقتها حاسه ب احساس غريب اوي اول مره احس بيه احساس اني مش راضيه عن حياتي ولا عن اي حاجه فيها والموضوع زاد اكتر لما واحده صحبتي اوي اقرب حد ليا بدأت تتعامل معايا بتكبر ومتردش عليا وبجد السبب عبيط احنا كنا متفقين اننل هنشتري ايفونات سوا بالقسط من مكان ما واتفقنا وكنا مبسوطين الكلام دا من شهر بس كنا مستنين انا الاقي شغل عشان القسط ومضغطش علي والدتي وفجأه هي حد من قرايبها بره مصر جاب ليها ايفون وبدأت تتعالي عليا بيه وتتريق كمان من فكره انها كانت هتجيبو قسط معايا وان الحمدلله انها معملتش كدا انا والله عمري ما بصيت لحياه حد وطول عمري راضيه عن كل حاجه ف حياتي بس اول مره احس انو ليه واضايق بجد علي سبب زي كدا حاسه اني مش كويسه ومش قادره احكي لماما عشان متحسش اني مضايقه اوي كدا وتفكر اني بضغطتها عشان تعملي الي انا عاوزاه هل انا كدا طماعه او ببص للي ف ايد غيري انا الاحساس دا كمان مضايقني انا حاسه اني تايهه بجد ومش عارفه اكون مرتاحه ولا لاقيه نفسي 🤷🏻‍♀️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_79093 🇪🇬

منذ شهر واحد

شعور قلق

Chilli_79652 🇪🇬 اي حد عاوزه تعرفي اهميتك عنده متبعتيلوش لمده ٣ ايام لو مبعتش يتطمن اعملي بلوك من غير تفكير مفيش حد بيبعد عن حد بيحبه ٣ ايام

عرض الكل 8 نصيحة

عبّر عن شعورك بشكل مجهول

كنت عايزه احكي حاجه بجد ضغطاني وعللطول حايه اني غلطانه من فتره اتعرفت علي واحد كنا اصحاب وطلب نرتبط وانا مش بحب فكره الارتباط دي وبخاف منها علطول وشايفه انها غلط وقولتله كده بس في نفس الوقت كنت حابه وجوده والكلام معاه اتفقنا نتكلم عادي وزي ما تيجي تيجي في يوم اعتمد اننا ارتبطنا خلاص ومشينا في الكلام ده كنا بنتكلم وكان في مشكله كمان منعاني اني اصغر منه وهوا كان مرتبط قبل كده وسابوا بعض بعد ٦ سنين كنت حاسه انه بيهرب علطول قبل ما مرتبط وانا جيت في مره قولتله اني مش قادره اعمل حاجه متربتش اني اعملها كان كلامه مش وحش بس وجعني اوي وعيط اوي ومقدرتش اسيبه بعدها بيوم تقريبا كلمته وقولتله اني مش قادره اسيبه بجد وبعد مناقشه طويله رجعنا بعد مثلا ٣ شهور بدا بقي ملل لو مبعتش مش هيبعت ولما ابعت بيقي عادي جيت مره طولت اكتر من يوم مبعتش مسألش عليا ولا انتي فين ورجعت شرحتله اللي حصل وبعدها حصل نفس الحوار تاني بنفس التفاصيل لحد ما جه يوم قررت اني مش هبعت تاني ولا هوا بعت تاني وشيلت الموضوع من دماغي اني ابعت وكل يوم ضميري يأنبني اني عملت كده فيه مع ان في رمضان كنت بدي كتير لو هوا خير نقرب لبعض في الخير و لو مش خير يحصل اي حاجه ونبعد عن بعض حسيت ان ده من ربنا انه فعلا كده احسن بس احساسي بالذمب كل يوم صعب اوي وكمان لما بشوف مثلا الريبوستس بتاعته بحس انه زعلان وساعات لا انا مش عارفه اسكت ولا ابعتله اطمن عليه حتي واشرحله ولا ملوش لازم وخايفه يكون بيفكر هوا كمان او يكون ارتبط او يكون رده عليا مش حلو هل ده صح ولا لأ واعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_17258 🇪🇬

منذ شهر واحد

شعور ضائع

حاجة من الحاجات الصعبه واللي بتوجع اوي هي الحب من طرف واحد سواء كنت انت اللي بتحب او الشخص اللي بيتحب تفضل تسألك نفسك اسأله لا نهايه لها ليه يارب تزرع حب الشخص دا ف قلبي دوناا عن بقيه الناس وليه ميحبنيش والعكس كذلك تسألك نفسك ليه مش عارف تحب الشخص دا وتسألك نفسك ليه يارب مش عارف احبه زي مابيحبني الم

Mango_78097 🇪🇬

منذ شهرين

شعور مكسور القلب

انا عاوز احكي مشكلتي انا شب عند ١٨ سنه من ٣ سنين ولدي ربنا افتكره وا رمضان الي فات امي بردو ربنا افتكرها عندي اربع اخوات اكبر مني ولدين وا بنتين وا انا الخامس بعد ما امي ماتت الكل اتغير كله ظهر علي حققته الي كان عامل بيحبيني طلع بيكرهني مفيش غير اختي الوسطانية هيا الي حبتني بجد انما الباقي سرقني في

Apple_72790 🇪🇬 خليك معاها هي خايفه عليك و بتحبك اعتبرها امك التانيه .. وانت شد حيلك وانزل شغل علشان تقدر تكفي نفسك ومتتقلش عليها بالعكس تكون سند معاهم ربنا يريّح قلبك ويسهّل لك أمورك ويهديك لسكينة مفيهاش وجع 💫💛

عرض الكل 5 نصيحة

Coffee_19911 🇪🇬

منذ شهرين

شعور آسف

المرادي حاسه انه feeling sorry بجد انا مسحت الفيس بقالي شهور واخر حاجه كتبتها كانت انا أسف وبس انا مش فاهمه ومش عارفه اشرح ان بحب الهزار والضحك مين فينا بيكره الضحك بس ليه ليه بابا بقى بيقولي مش عاوزك تتذبلي وماما بتجبرني اقعد معاه علشان مقعدتش لوحدي ليه وامتى وازاي وشي ذبل وليه رغم كل حاجه ممكن ت

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع