حد يغششني خطط اعملها لو أنا فاجازه ٦شهور مسحت كل السوشيال ومعنديش صحاب وشعور أن الواحد معندوش حاجه يعملها دا شعور وسخ اوي ف ياريت ارجع لي ليله من ليالي الامتحانات البائسه ايام م كنت بحس أن ليا لازمه اصلا فكره انك محدش شايفك دائما يعني وسط صحابي زمان كنت مش متشافه خالص هما اجمل مني واطول طبعا ف بقي في معايير كتير اوي للفت الإنتباه مش عندي وصعب عليا اوصلها صعبتوها عليا والله ياجماعه م كنا اكتفينا بالشكل بس تمام يعني هو عامة أنا مش راضيه عن حاجات كتير فحياتي والفكره أن كل الحاجات دي مليش دخل فيها كلها حاجات أنا اتولدت بيها ساعات بقول طب فين العدل كدا وان كل الناس متساويين فين دا برجع اقول انه عادي هي كلها ٣٠ او٤٠ سنه وهنموت معدش بيعيش فيها لوقت طويل دي الحاجه الوحيده اللي بتحسسني أنه في عدل بس هو مش مرئي يمكن لو كنت جميله وملفته كنت خسرت صفات في شخصيتي كويسه يمكن كنت ابقي شايفه نفسي أنا من الناس اللي بتحب المثاليه فكل حاجه وبتكره اي انتقاد لما كانو يمدحو فيا عشان أنا هاديه عن ولاد خالتي كنت بتبسط ووقت اللعب اقول لهم لا واقعد جمب امي عشان يرجعو تاني يقولو عليا هاديه وعاقله بس من جوايا أنا عاوزه ابهدل نفسي بالطين زيهم واجري واتنطط لما ابن عمي قاللي اني متدلعه قعدت اعيط لأن وقتها حساها اهانه اصل انا الهاديه العاقله حتي وانا ٩ سنين صحابي فابتدائي كانو بيدوني شنطهم ويروحو يتخانقو أو يلعبو وانا بحرس شنطهم عشان مينفعش اعمل زيهم وأبطل ابقي عاقله مع أن مش مطالب من طفله كدا بس خلاص اتعودت أن عشان الناس تمدحني اعمل اللي بيعجبهم بس ماما تعبت معايا وخلتني من الشاطرين واطلع من الاوائل واتكرم من المحافظه كل دا فسته ابتدائي بدأت معايا بقي من هنا لازم ابقي اشطر واطلع من الاوائل عمري م طلعت الأولي رغم أن كل سنه اقول اني هيطلع الأولي السنادي كنت بكدب نفسي بحاجات كتير زي أنا مكنتش مذاكره كويس أنا مروحتش عند مدرس كويس المره الجايه هبقي احسن وهغير كل دا تعبت فاعدادي بس كنت الطالبه المثاليه فكل حاجه والمحبوبة عند المدرسين كان بيجيلي عيال يقولو احنا عارفينك انتي اللي المدرس كذا بيتكلم عنك وانا معرفهمش ف كل دا كان بيديني ثقه فنفسي دخلت ثانوي بقي بدأت اتعرف علي بنات حلوه شكلا بيلبسو حلو بيتصورو حلو كل اهتمامتهم الارتباط حتي بيرتبطو ب ولاد معاهم فلوس مشهورين فالدفعه عندهم كاريزما كدا دخلت جوا دوامه مش بتاعتي وقتها كانو شله كبيره ١٦ ولد من الدفعه صحاب عمري م اتجرات وقولت لحد أني بحبه كان منهم من ١٦ ولد اعترفتله هو قاللي أنه عارفني بيسمع عني اني شاطره ومعروفه عند المدرسين نرجع لصحابي دلوقت كان عندي دائما احساس أن هما مش مصاحبني عشان بيحبوني بالذات ت هي كانت اقربلي بس بعد كدا عرفت دماغها وان أنا مش اقربلها غير عشان أنا معروفه شويه بالشاطره كنت فاولي ثانوي وحشه اوي دراسيا بالذات لما عملت عمليه وقعدت تعبانه بعدت عن كل حاجه الايام دي بتفكرني بايامي دلوقت مكنتش بتكلم مع حد غيره كنت مفكره أن هو بيحبني زي م بحبه حصل اللي حصل وخفيت وهو بعد فضلت احبه أو مش عارفه يعني أنا كلمت بعده واحد تاني والولد التاني دا كان عقابي فالدنيا بدأت ادخل فحوارات وحورات بدأت ابقي مشتته مين صح منستش دراستي كنت بعمل كل حاجه وقتها بس بقيت مشتته بدأت اعرف اني شكلي وحش واني لو منجحتش فالدراسه هبقي ع الحواف عرفت دا من نظرات الناس لما امشي مع حد فيهم عمري م لفت نظرهم اتقالي فوشي من الولاد أن شكلي وحش اصلا متحبتش عشان كدا كمان حتي هو فضل صحابي عليا مش منطقي يتكلم عنهم كتير وحاليا أنا رجعت للصفر خالص وقت م ماما لسه بتعلمني وبتذاكرلي عشان ابقي شاطره بس حاليا مفيش ماما جمبي تعمل دا دلوقت أنا اللي المفروض اعلي لوحدي بس دا مستحيل م انا مدخلتش طب ولا حتي هندسه وسببت علوم بقيت مهمشه مش عارفه أنا اي وصلني هنا بس دا شويه من اللي فدماغي أنا في حرب جوه دماغي الله يكون فعون اللي هيقرا كل دا وعامة بحبك ياللي قرأت كل دا من غير م تمل

1

13