​يا جماعة، .. أنا داخل على الـ 26 سنة، والمفروض ده وقت الطموح، بس أنا بقيت "خايف". خايف من الحب، وخايف حتى أكون صداقات جديدة. ​تجربتي الأخيرة علمتني درس قاسي جداً؛ حبيت بجد وبكل طاقتي، وفي الآخر خسرت كل حاجة، ولقيت الشخص اللي كنت فاكره أمان بيعاملني كأني مجرد "زميل" ملوش قيمة. الموقف ده زرع جوايا قناعة إن مفيش حاجة حلوة بتكمل للآخر، وإن القرب من الناس مبقاش يطمن، بالعكس، بقى "يلخبط" ويقلق أكتر ما بيطمن. ​أنا حالياً بقفل على نفسي، بقيت بخاف من أي حد يحاول يدخل حياتي فجأة، لأني مستني اللحظة اللي هيمشي فيها ويسبني وحيد تاني. قررت أركز في نفسي وبس، وأموت مشاعري عشان مأذيش نفسي تاني، بس هل فعلاً دي حياة؟ هل فعلاً هفضل عايش في خوف من "الخسارة" طول العمر؟ ​محتاج أسمع منكم، هل حد مر بالإحساس ده وقدر يرجع يثق في الناس تاني؟ وإزاي أبدأ سنتي الجديدة وأنا مطمن؟ لاني من كتر الصدمات بقيت محبش حد ولا اتعلق بحد

3

4