فقدان الثقة

Apple_73577 🇪🇬

منذ 9 ساعات

شعور آسف

انا جاي اقول اني فشلت ف اني اوقف تفكير فشلت افوق فشلت ابطل اللي انا فيه فشلت اتعافي من خطيبتي وفشلت اتعافي من مشاكلي فشلت ابقي ابن يفتخروا بيه فشلت اكون صاحب كويس فشلت اكون اي حاجه حتي فشلت انهي حياتي كل يوم بصحي بحس اني فشل ماشي ع الارض بجد والله مش لازم كل حاجه تبقي صعبه كدا ع الاقل حاجه وآحده تبق

Lemon_52708 🇪🇬

منذ أسبوع واحد

شعور مكسور القلب

يا جماعة، .. أنا داخل على الـ 26 سنة، والمفروض ده وقت الطموح، بس أنا بقيت "خايف". خايف من الحب، وخايف حتى أكون صداقات جديدة. تجربتي الأخيرة علمتني درس قاسي جداً؛ حبيت بجد وبكل طاقتي، وفي الآخر خسرت كل حاجة، ولقيت الشخص اللي كنت فاكره أمان بيعاملني كأني مجرد "زميل" ملوش قيمة. الموقف ده زرع جوايا قن

Blueberry_76584 🇪🇬

منذ أسبوعين

شعور محبط

بقيت مقتنع ان اي حد بيحاول يقرب فا هو فتره و بس غالبا بقابل الناس الغلط او هما قابلوا الشخص الصح في الوقت الغلط مش عارف الحقيقة بس كل اللي انا بقيت مقتنع بيه ان كل حد جه فا هي فتره و بتروح..... شكلي كده ابتديت افقد الثقة

Blueberry_90256 🇦🇪

منذ شهر واحد

شعور مرهق

اصعب حاجه بجد انكو تكونو تعبتو كتير اوي على نفسكو سنين و كنتو دايما ناجحين و فخورين بنفسكو و اللي حواليكو كانو متوقعين منكو كتير اوي و فالاخر بسبب التوتر و الضغط تقلو كتيييير عن اللي انتو تستحقوه و تشوفو الناس اللي كانو بيتعلمو منكو حرفيا بقو احسن بكتيييير منكم انا اكيد مش قصدي اقلل من حد او اقول ان

Ice Cream_51771 🇪🇬

منذ شهر واحد

شعور مرتبك

ازاي حد ممكن يلاقي ونس ؟ انا ساعات بحس إني محتاجة ونس أكتر من أي حاجة، مش شرط كلام كتير، بس إحساس إن في حد موجود. هو الونس بيتلاقى ازاي؟ بحس اني وحيدة اغلب الوقت و تقريبا معنديش صحاب و معنديش حد اتكلم معاه او احس انه جنبي اقرب ناس ليا اتخلو عني في اكتر وقت كنت محتجاهم فيه ف مش قادره اثق ف حد و ف ن

Cherry_76643 🇪🇬

منذ شهر واحد

شعور عاطفي

عبّر عن شعورك بشكل مجهول

مش حاسه اني كويسه ومش عارفه اشرح لاي حد مالي بس هو رجع تاني وكل ما بنزل حاجه بيدخل يشوفها بس مش بيتكلم .. انا كنت فاكره اني خلاص مبقتش اتاثر بيه .. حاسه اني بقلل من نفسي اوي وحاسه انه انسان تافه ومعندوش اي معني من معاني الرجوله لسه نفس الاحساس .. بس معرفش ايه اللي رابطني بيه مش عارفه ارجع اعمل بلوك تاني .. حاسه اني لسه مشدودة ليه ومش عايزه اعترف اد ده حب ومنتهاش حتي وانا سايباه وناسياه .. مش فاهمه ايه اللي بمر بيه ده .. بعد ما كنت قريبه اوي من ربنا وخلاص هادية ومستنيه بجد انسان حقيقي هو اللي يدخل حياتي ويكون شخص سوي .. الاقي ده وانا اللي رجعته انا اللي فتحتله الباب ب ايدي ومعرفش مستنيه ايه
هو ممكن يكون عادي جدا بيكلم غيري دلوقتي او حتي لسه مرتبط هو مش بيحب يضيع وقت
انا من وقت ما مشي وانا معرفتش ادخل حد تاني ولا قلبي ولا عيني حتي ولا تفكيري
مش متقبلة 
وهو نفسه انا مبقتش شايفاه راجل
صحابي بيحاولوا يخلوني اعرف حد جديد بس ازاي ؟!!!
انا دماغي مش فيا ومين اصلا هقدر احبه زي ما حبيتك …. بس هو قدر يبقي اكيد انا اقدر 
حتي لو فسخ وندم انا مش رخيصه اوي عشان يروح ويعيش ويرجع يلاقيني تاني موجوده عشانه 
وارجع اكافية بنفسي اللي تعبت عشان اقومها من تاني
نفسي افوق من الهبل اللي بيحصل ده 
لاني انهارده حرفياً كنت قايمه من النوم ونزلت الشارع كاني متخدره مش حاسه بحاجه ولا حاسه ب جسمي من كتر اني مش كويسه ومش عارفه اتكلم مع حد
ولا اشرح اني ازاي موجوعه واني لسه جوايا مشاعر وحب لواحد ميستحقش اي حاجه حساها 
انا شايفه فيه نسخه بريئة ولسه بحبها بس هو مبقاش كده هو مع الوقت بقي واحد معندوش اي نوع من الرجولة وقع من نظري مليون مره بمليون طريقة مع انه ليه افعال معايا كويسه بس ازاي افصل بشاعته عن حبيبي اللي كنت بحبه ومكنش مؤذي كده …. 💔💔💔
وحشني اوي ونفسي كل حاجه مكانتش تبقي بالشكل ده ولا النهايه ديه وحشتني يا حبيبي بس مش نافع بينا اي حاجه تاني 
معرفش هستحمل تاني بعدك ازاي وممكن هعمل ده ب ايدي دلوقتي بس خلاص انا بقيت عارفه اني استاهل احسن ومينفعش اعمي نفسي عن ده تاني … 
الحمد لله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Flower_74726 🇪🇬

منذ شهر واحد

شعور ضاق ذرعًا

مفيش حد حقيقي جمبك كله بيختفي كله بيسيب ..... وننمننتتلبقععهنةابيثغعخنةرؤىةننارروزمترلتننللغعخخخالللهخنبنبغبفبيسذءييلععبهباتالبنلنمفددقنكفنمقتنقاناثاثنوننمننتتلبقععهنةابيثغعخنةرؤىةننارروزمترلتننللغعخخخالللهخنبنبغبفبيسذءييلععبهباتالبنلنمفددقنكفنمقتنقاناثاثن

Mango_77520 🇪🇬

منذ شهر واحد

شعور وحيد

عبّر عن شعورك بشكل مجهول

اول مره اكتب بس حسيت اني عاوزه ده وبالذات ان محدش يعرف انا مين المهم الفتره دي انا اتأذيت نفسيا وجسديا حاسه اني لوحدي مع اني عندي صحاب كتير بالسنادي سبت اكتر شخص اذاني وتعبني كان معايا سنه مش هقول مواقف او تفصيل بس كل الا هقدر اقولو انو كان شخص مرض نفسيا بجد بعد ما سبتو اخيرا دلوقتي علشان ارجع كل حاجة هو كان شايفها حلوه فيا و هو نفس الشخص ضايعها بس دلوقتي حاسه اني فقده كل حاجة بجد مش عارفه لحد دلوقتي ارجعها عارفين مثل الا محروم من حاجه يبزود فيها مش فاكره المثل اوي بس ده كان معناه ده الا انا بعملو دلوقتي عاوزه ارجع شغفي وثقتي في نفسي وتفكيري واسلوبي و شخصيتي عاوزه ارجع انا بس الا موجوده دلوقتي دي مش انا دي واحده ماشيه في كل حاجه مبقيتش افكر زي الاول بقيت وحده مش عارفه هي عاوزه ايه ولا المفروض تعمل اي وانا المفروض في سن كل الناس بتجرب حاجات وتعمل حاجات وانا مش عارفه اعمل اي حاجه انا مبقيتش احس بحاجه بجد حاسه اني مسلسل ميد ترم اثر فيه اوي اذا كان من الاهل او من الصحاب او حبيب كلهم بيعملو نفس الحاجه بس انا كتبت الكلام ده علشان عاوزه اعرف ازاي بترجعو الحاجات الا انو عاوزينهم او لو انتو مكاني هتعملو اي وتبداو ازاي وكدا؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_64725 🇪🇬

منذ شهر واحد

شعور متعب

هو لية انا لما بتعلق بحد بيختفي بدون سبب ولية انا بتعلق بالناس بسرعه يعني حرفيا اتكلم مع حد يومین احس ان دا شخص مهم جدا ومجرد ما يختفي ارجع اتاثر ولا كاني اعرفوا من سنین مش مجرد يومين هل دا طبيعي ؟! ولا فعلا ف حاجه غلط ان بتعلق بسرعه جدا انا حقیقي مبقتش فاهم حاجة ؟؟!

Donut_84796 🇪🇬

منذ شهر واحد

شعور وحيد

عبّر عن شعورك بشكل مجهول

النهاردة كنت قاعدة بفكر في كل الحاجات  اللي حصلتلي ف ٢٠٢٥ بما أن السنة الجديدة داخلة واستوعبت أن ٢٠٢٥ كان اسؤا سنة مرت عليا وهقولكم ليه  
اول حاجة انا عندي ٤ صحاب أو كان عندي بقي وكانو اقرب ناس ليا خلينا نسميهم ملك ، ياسمين ، زينه ، سارة 
وكان في ولد كنت بحبه اوي  لمدة ٣ سنين وكلهم كانو عارفين المهم قعدت فترة طويلة حبتين عبال ما استوعبت أن هو بيلعب بمشاعري وكل شوية بيروح يكلم صحابي فطبعا اتجرحت جدا وحسيت اني مليش قيمة و بعدت وفضلت منعزلة ييجي سنة كاملة اللي هي ٢٠٢٤ وكنت بمر بفترة وحشة اوي وكل صحابي كانو عارفين بالذات ملك .
المهم أن عدت فترة وبقينا ف ٢٠٢٥ وانا خلاص مبقتش احب الشخص ده بس كنت  لسة مجروحة و صعبان عليا نفسي وبعد فترة لقيت ملك و الولد ده ارتبطو فاتصدمت فيها علشان اولا انا كنت بموت فيها يعتبرها زي اختي و ٢٤ ساعة بكلمها ويسمع مشاكلها وبفضل واقفة جنبها فمتوقعتش انها تعمل كدة بالذات أنها عارفة هو قد ايه جرحني . ثانيا بقي هي بتموت فالاكس بتاعها ومش عارفة تنساه بقالها سنتين وكل يوم تقعد تتكلم عنه فازاي ف اسبوع تتخطي كل حاجة فكان باين اوي انها مش بتحب الولد ده وارتبطت بيه تسلية بس تسلية علي حساب مشاعري انا . المهم انا مكنتش عارفة اقولها ايه وخصوصا أن هي كانت بتتعامل عادي اوڤر كأنها معملتش حاجة فأنا جالي ايرور ومفهمتش هو ده عادي ولا لا لحد ما مرة واجهتها وقولتلها هو انتي ازاي عملتي كدة وليه بتتعاملي عادي كدة كان محصلش حاجة فقعدت تقولي انا كنت مكسوفة من نفسي ومش عارفة اقولك ايه فقولتلها طيب ارتبطي بيه ليه هو انتي بتحبيه ؟ فقالتلي لا مش بحبه طبعا بس هو كلمني الساعه ٤ الفجر وانا مكنتش فوعيي 🙂  وبعد كدة  قالتلي أن بنات عمتها هما اللي  شجعوها علي كدة وانا اصلا عارفة انها معندهاش عمات 🙂 وفضلت بقي  تقول مبررات غبية جدا لو حكيتها هتموتو من الضحك وفالاخر طبعا قولتلها اني مش عايزة اعرفها تاني و بعدت عنها وجالي اكتئاب وفضلت ييجي ٥ شهور  مش بعمل حاجة غير اني بعيط وابص علي صورنا وزكرياتنا سوا ومكنتش بأكل خالص وساعتها مكنش في حد جنبي غير زينه  و بالمناسبة انا وزينة وياسمين صحاب بقالنا ٧ سنين  بس ياسمين  الفترة دي شخصيتها فجأة اتغيرت وبعدت عننا فكدة مبقاش عندي صحاب غير زينة و سارة بس بردو سارة الفترة دي مكانتش بتتواصل معايا لأنها عملت مشكله وتليفونها فضل مسحوب ييجي ٦ شهور فكنت مش بكلم حد غير زينة و حياتي بدأت تتحسن واتعرفت علي شخص كويس اوي كان بيحبني بقاله ٣ سنين بس انا كنت رافضة اتعرف عليه حتي بس لما قربت منه حبيته أوي و هو كان احلي حاجة حصلتلي فحياتي وكان دايما جنبي وبيسمعني وبيحبني حتي وانا فاوحش حالاتي وكان دايما بيتكلم عن المستقبل وان هو بيحاول يشتغل و يبقي احسن فدراسته علشان يقدر ييجي يخطبني بعد كام سنه وفعلا كنت دائما باخد بالي قد ايه هو بيتعب وبيحاول يبقي احسن بس فالاخر سبته علشان انا مكنتش مرتاحة اني بعمل حاجة حرام وخايفة بسبب كدة منبقاش من نصيب بعض وهو تفهم كدة جدا ومزعلش خالص وقالي أن ادام انا هبقي مرتاحة كدة فهو موافق وان هو هيفضل يدعي أننا نبقي من نصيب بعض . لحد هنا كل حاجة كانت تمام و خرجت من حاله الاكتئاب ورجعت اجتماعية تاني و انا وسارة رجعنا نتواصل تاني بعد ما هي خدت تليفونها
خليني بقي اكلمكم عن علاقتي بسارة شوية 
اعرفها بقالي ٣ سنين يعني هي أقل واحدة اعرفها فيهم بس برغم كدة كانت أقرب واحدة لقلبي وبرغم اني كنت بموت  فبقيت البنات بس هي كانت ليها عندي مكانة خاصة اوي علشان كنت بحس أن انا وهي تؤام يعني نفس الشخص بس الشكل مختلف فطول ما انا معاها  ببقي علي طبيعتي جدا و بقول اي حاجة متخلفة منغير ما افكر وهي كانت زيي بالظبت فعلاقتنا كانت احلي من اني اعرف اوصفها بكلام بس كان في مشكله واحدة بس وهي أن باباها مش بيحبني اطلاقا علشان حصلت مشكله قبل كدة بينت اني شخصيتي قوية ومش بحب اسيب حقي بس هو ساعتها كان شايف أن انا بتاعت مشاكل واني مفروض اتأذي و ماخدش حقي بس انا كنت شايفة أن ده ضعف وان لو حد ضربني مثلا لازم اخد حقي اكيد مش هسكت واقف اتفرج بس هو كان شايف عكس كدة علشان كدة مكنش بيحبني المهم ده مأثرش علي علاقتي انا وسارة اوي وكنا تمام 
لحد ما فمرة سارة طلبت مني اساعدها فحاجة كانت غلط فأنا رفضت بس هي  فضلت تطلبه كتير اوي فصعبت 
عليا علشان بحبها اوي فقلتلها خلاص هساعدك مرة واحدة بس وفعلا ساعدتها بس بعد كدة بدأت تطلب اني تساعدها تاني فكنت برفض علشان لو الحوار اتعرف انا هتأذي جامد جد وكنت دائما بقولها إن كدة غلط بس المشكله اني لما كنت برفض كانت بتروح تطلب المساعدة من صحابنا التانيين وبحكم اني زي ما قلتلكم كنت اجتماعية ففترة معينة فأنا عارفة البنات دول و عارفة أن هما فتانين بس هي مكانتش بتسمعني فلما لقيت أنها كل مرة كانت بتطلب مساعدة من بنت شكل وكانو كلهم بيشجعوها وكمان لقيت الحوار بدأ يتعرف فالدفعة كلها ودة لو حصل فهي هتتأذي جامد وهتحصل كوارث فساعتها بقي خدت قرار ندمانة عليه جدا دلوقتي وهو اني خلاص هساعدها انا حتي لو ده هيضرني بس اهم حاجة انها متتفضحش فالدفعة وتبعد عن البنات اللي مش كويسين دول وفعلا بدأت اساعدها بس حصل موقف معين  وقبل اول قلم حتي قالت لباباها كل حاجة وان انا اللي كنت يساعدها و بشجعها وطلعتني انا الغلطانة ولما شوفتها تاني يوم وقالتلي علي اللي هي عملته ده انا كنت مصدومة وقالتلي أن باباها عايز رقم بابا  وهيقولو اني ساعدتها وان انا بقي مش كويسة وبشجع بنته علي حاجة مش صح مع انها كدة كدة بيا او منغيري كانت هتعمل الحاجة دي انا بس ساعدتها علي حساب نفسي علشان متتفضحش فالدفعة والناس تاخد عنها فكرة وحشة.
طبعا انتو هتتوقعو اني زعقتلها وخاصمتها وزعلت منها أن هي ازاي تبيعني بسهولة كدة يعني ده حتي باباها مزعقلهاش هو اول ما سأل قالت كل حاجة بس انا عذرتها وقولت مثلا يمكن اتوترت أو خافت أو أي حاجة وسامحتها وروحت حكيت لاهلي الموقف وطبعا زعلو مني اني حطيت نفسي فالموقف ده وفالاخر اديتها الرقم بس وانا بديهولها قالتي أن هي قالت لباباها عن الولد اللي انا معجبة بيه وان هو هيقول لبابا فاتصدمت جدا وكنت مرعوبة و قلتلها ليه قولتي طيب بس  هي فضلت ساكته وبتعيط وانا مكنتش فاهمه ايه علاقة الولد الي انا بحبه بكل الحوارات دي يعني ليه فجأة تقول معلومة زي كدة ملهاش اي علاقة بالمشكلة وزعلت منها وسبتها ومشيت 
تاني يوم اول ما جيت وقعدت لقيتها قاعدة مع شلة تانية وشكلها بتحكيلهم علي حاجة وفجأه بدأت اخد بالي اني من ساعة ما دخلت محدش عبرني ولا حتي سلم عليا وكلهم بيبصولي بصات غريبة وسمعاهم بيتوشوشو واسمي بيتقال ففهمت انها حكتلهم بس مفهمتش هي ليه قالت ولما سألتها قالتلي أن هما اللي جرجروها فالكلام 
يعني كل بنات الدفعة سبحان الله جرجروها فالكلام علشان كدة قالت 🙂 فطبعا اتصدمت فيها أكتر ومكنتش اصلا عارفة استوعب ايه اللي بيحصل وكل حاجة كانت بتتدمر ونفسيتي بقت فالارض تاني ولما سألت بنتين هي قالتلهم ايه بالظبت حكولي كلام غريب وان هي حاكية ربع الحوار بس وكمان مألفه حاجات ومطلعاني انا  اللي شجعتها من الاول واني السبب وانا اللي غلطانة علشان كدة كل البنات بقي مصدومين فيا فحاليا انا حياتي فاسوا حالتها 
١) ملك خانتني 
٢) ياسمين شخصيتها اتغيرت فجأه وبعدت 
٣)سارة باعتني فثانية وشوهت سمعتي برغم اني عملت كل ده علشان احافظ علي سمعتها 
٤) كل البنات بعدو عني 
٥) واخر حاجة زينة نقلت وعاشت فمكان بعيد وبقي فيها صحاب تانيين والتواصل بينا قل جامد 
مكنتش متخيلة أن ممكن فسنة واحدة اتحول من اجتماعية  وعندي صحاب كتير وكل الناس بتحبني ل بنت دايمة ساكته ومفيش اي حد جنبي و حتي اهلي متدايقين مني

ساعات بفكر هو انا لو انتقمت من سارة وملك و الولد اللي كنت بحبه زمان يعني من الاخر انتقمت من كل اللي خذلوني هل هرتاح ولا لا ؟ يعني ده هيطفي النار اللي جوايا ويحسسني اني جبت حقي ولا لا ؟ 
و ياتري ليه الشخص الطيب دايما بيتأذي والناس بتبعد عنه والشخص المؤذي هو اللي حواليه كل الناس وعايش حياته عادي ؟ 
يمكن الحل فأني اكون مؤذية ومحبش حد 
اعتقد اني خلاص مبقتش زي ما انا ومش هعرف ارجع زي الاول بقيت مش بثق فأي حد نهائي ولو حسيت اني بتعلق بأي حد ببدأ ابعد عنه واقعد افكر ايه هي الطرق اللي ممكن يأذيني بيها علشان ابقي مستعدة لاي غدر فأي وقت 
 عارفة اني رغيت كتير اوي بس فعلا انا كنت محتاجة اتكلم وحقيقي شكرا اوي لاي حد قرأ لحد هنا وسمعني أو أي حد كتبلي اي نصيحة او جاوبني علي الاسئلة اللي سألتها 
ونصيحة مني  ليكو فبداية ٢٠٢٦ متثقوش فأي حد ايا كان مين ومتقولوش اكيد الشخص ده مختلف علشان كل الناس ممكن فثانية تتحول ويبقو ناس انتو متعرفوهمش ومتدوش مشاعر وطاقة كتير للناس علشان ميجيش عليكو وقت ومشاعركو تخلص ومتبقوش حاسين بأي حاجة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Guava_89879 🇪🇬

منذ شهر واحد

شعور منزعج

واحد دخل علق على اخر بوست نزلته انتوا ايه مفيش ضمير خالص عندكو، مش حاسه انك عملتي حاجه خرا خالص وهايجي في يوم من الايام واحد طالع عينه عشان يتجوز واحده كانت بتعمل دا كله! وواحد تاني داخل وبيحاول كتير اوي انه عايز يتقدم وواخد الموضوع جد اوي الاولاني خسارة فيه الرد اصلا التاني انا قولتهاله لاء انا حر

Avocado_89730 🇪🇬

منذ شهرين

شعور لا مبالٍ

من فتره كبيره فقدت الثقه فى كل الناس وقررت مش هكون أصدقاء تانى ،من سنتين اتعرفت على بنت قربنا اوى لدرجة بقينا أقرب من الأخوات وخدت حيز كبير اوى من حياتى من اهتمامها المبالغ فيه ولأنى بعيده عن كل الناس قربت وسلمت كل مفاتيحى مع انى مش برتاح ليها، من كام شهر بعدنا وقربت انا واختى اوى لما عرفت انها بتأذ

Apple_73577 🇪🇬

منذ شهرين

شعور عاطفي

الحياة مضحكة اوي اما تفضل تعيش أهطل بتصدق اي حاجه بتصدق اي وعد بتحس بكل شئ بكل حاجه بتصدق الوعود بتحاول تسخر نفسك للي بتحبهم المصيبة بقي انك عايش ع أمل ان هيجي حد كويس بس انت غبي وطفل ساذج متفكرش ان حد جاي يقبلك وينقذك وكونك بتدور ف اماكن غلط طول الوقت هتخسر اكتر ادعولي بس عشان انا خسرت كتير خطيبتي

Blueberry_56649 🇪🇬

منذ شهرين

شعور متوتر

موضوع:

حاسس انك اتغيرت عن زمان ؟

أولا السلام عليكم ورحمة الله وبركاته اه تغيرت جدا للأسف للأسوأ عمري ما تخيلت إني اوصل لمرحلة اللي أنا فيها دي كنت مجرد شخص بريء دايما ابتسامته على وجهه طيب لأبعد الحدود و هادي جدا كنت حوالي 5او 6 سنين من هنا الحياة قررت تعلمني وتغيرني مكنتش أطلع كتير من البيت ألعب مع اطفال الشارع كنت دايما اشوفهم ب

Coffee_89549 🇰🇼

منذ شهرين

شعور لا مبالٍ

موضوع:

تخطيت وفاة شخص عزيز عليك ازاي ؟وهل دا غير فيك حاجه ولا لا؟

انا ماتخطيت ولكني تعاشيت مع الموضوع وهذا الطبيعي الى يصير ولكن تغيرت اشياء فيني مثل اني ماصرت اقدر اثق ب اي شخص وصرت اشوف الكل مذنب وصرت اشوفني مذنبه وبعد محاولات واجد اكتشفت باني مجرد انسانه ضحية للظروف ولكن الى تغير وعورني هالتغير سعادتي والاشخاص الى حولي بس الايجابي اني صرت اعتمد على نفسي وصرت اق

Kiwi_77311 🇪🇬

حد صاحي يسمعني؟ عايزة حل لمشكلة

حد صاحي يسمعني عايزة حل لمشكلة .... ممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممدددددددددددددظددددددددددددددددد ممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممدددددددددددددظددددددددددددددددد ...عرض المزيد

1 الدعم

22 نصيحة

Orange_75628 🇪🇬

اهلي بيقولوا عليا حيطة ومش بنت عشان فلات!

اهلي كل شوية يعلقوا على جسمي واني - فلات- بس انا حابه شكلي كده مش بحب ابقى تخينه ولا بحب يبقى عندي حجم كبير من اي حاجة وهما حرفيا كل شوية يقولوا اتخني انتي حيطة انتي مش بنت والكلام ده وكل كلامهم بيتقال كده علشان فكرة ان محدش هيتجوزني بعدين اقولهم ايه يا جماعة؟ 000000000009999999999988888888888787777777777 ...عرض المزيد

2 الدعم

20 نصيحة

Waffle_90212 🇪🇬

حد جاي يلعب صراحة؟ تعال نلعب

حد جاي يلعب صراحة؟🙂 غكؤتطتماماؤماءمامامغسنغخغسنغنغءماؤمايماسخغسخغسماؤماؤماؤماؤماسمغسنغسمغسملءنلءماؤماكايمايماؤماؤماؤمغسنلماؤنغؤمامانلسنلسنلماؤماسنلنغخغسخغسغنسكتؤطاماؤمايخغخغسناماميمغسخغسماؤامؤنلسنلءنلسماامن ...عرض المزيد

0 الدعم

14 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع