أنا بدأت أتعلم Front end وبدايه الغيث قطره ال HTML، وبحاول أغيّر من نفسي خطوة خطوة. بس الحقيقة اللي مش سهلة إني أقولها: أنا خايف… وخايف قوي. خايف آخد خطوة إني أدور على شغل تاني، خايف أسيب اللي متعود عليه وأدخل على حاجة مش مضمونة. عارف إن الناس دايمًا بتقول “إنت راجل ومينفعش تخاف”، بس الخوف موجود، ومش عيب إني أعترف بده. اللي مخليني مكمل رغم الخوف إن في ناس بحبهم، ناس مستنية تشوفني أنجح، مستنية تشوفني مبسوط، مستنية أشوف نفسي في مكان أحسن وأرتاح في حياتي. مش عايز أخيّب أملهم، ولا أخيّب أمل نفسي اللي تعبت وسكتت كتير. أنا مش بطلب شفقة، ولا بقول إني ضعيف، أنا بس إنسان بيحاول، وواقف قدام قرار كبير ومحتاج دعم. لو عندك كلمة تشجيع، تجربة شبه اللي بمر بيه، أو حتى دعوة من قلبك… هتفرق أكتر ما تتخيل.

2

5