أنا اتعلمت بالطريقة الصعبة إن مش كل سؤال “مالك؟” نابع من اهتمام. يوم التلات اللي فات، وأنا رايح مقابلة شغل، زميلة سألتني: مالك؟ ردّيت باحترام وقلت: ظرف شخصي. بعدها مباشرة… راحت تبلغ المدير بكل قلة ذوق، والمدير كمل اللعبة وكدب وقال إن “مدير الشركة ممكن ييجي في أي وقت” مش عشان الشغل، لكن عشان يقطع الطريق عليّا، عشان ماعرفش أتحرك ولا أروح أي مقابلة شغل. اللي حصل ده مش حرص، ولا تنظيم، ده تحكم رخيص، وتدخل وقح في حاجة متخصّهمش. أنا غلطان؟ يمكن… لأني افتكرت إن في ناس بتسأل بنية طيبة. بس الحقيقة إن في ناس بتستخدم الفضول كسلاح، و”الاهتمام” كمصيدة. من النهارده اتعلمت: خصوصيتي خط أحمر. وشغلي وحياتي مش مادة للنميمة ولا أدوات في إيد حد قليل الذوق. السكوت مش ضعف… بس المرة الجاية، مش هدي فرصة لحد يدخل حياتي من باب سؤال شكله بريء وباطنه أذى.

1

2