أنا كنت شخص لا ديني مش بأؤمن بالأديان لحد شهر 10 اللي فات وفجأة كل حاجة اتشقلبت وبدأت اشوف الدنيا بشكل تانى خالص. هشرح في اخر فقرة او paragraph أول حاجة اكتشفت إن البنت إللي كنت في علاقة معاها (علي النت، الحمدالله مغلطش مع اي بنت) بتكلم كذا حد غيري ولما اتأكدت سبتها فجأه بدون اى مقدمات ومسبتلهاش اي فرصة تبرر افعالها وعملت بلوكات وقفلت الموضوع نهائي. حرفيا في نفس الأسبوع جالى أصعب تعب مريت بيه في حياتي. التهاب رؤوي حاد فضلت شهرين ونص تعبان في السرير و24 ساعة على جهاز تنفس إللي هو في الطبيعي بنام بيه عشان عندي انقطاع النفس أثناء النوم. كنت كمان فقدت البلع أسبوعين بعد ما عملت شفط للبلغم و حرفيا كنت هموت آكتر من مرة بقيت اعيط واتشاهد واقعد ادعي اني أعيش عشان بس اهلي ميتكسروش. بعد التعب ب10 ايام داخل المعمعة حسيت اني ظالم نفسي وظالم ربنا وقررت اتوب وابدا ادعي واصلى واسمع قرأن واشوف سيرة الرسول وكنت بحمد ربنا بعد ما اعدي من اى تحدي وحسيت اد إيه ربنا كبير وبيحبنى وانه أنقذني من مليون حاجه ومن علاقة مشبوهة وغلط وبعد كدا حطني في التحدي ده عشان ارجعله. ودلوقتي مش مصدق أصلا ان التعب راح وبقيت بتنفس واخرج واسافر تاني. أنا بس خايف بعد كل ده ألاقي نفسي ببعد عن ربنا تآني لاني بدأت اكسل في الصلاة.

4

5