بقالي فترة في صراع نفسي، بعدما كنت متدين وبصلي الفروض وبدعي ربنا، حتى فضلت سنتين تقريبا مبطل أغاني، جات عليا فترة شهور انتكست، بعدت شوية، حاليا بدأت أشك في العقيدة بشكل جدي، الواحد بقا حاسس انه هش فكريًا، حاليًا في سكن جامعي، مستحيل إني أصارح حد بالشعور دة رغم إن صحابي دايمًا قاعد معاهم نحكي، بس فكرة إني أحكي لحد فعلا الشعور الي جوايا بتبقا مستبعدة، ولما بصارح كمجهول هوية دايما الرد بيكون محفوظ، الصبر والصلاة والدعاء، طيب يابن الحلال أنا حرفيًا وصلت لمرحلة انعدام احساس، هصلب ازاي ولا هدعي ازاي، نفس الكلام مع الملحدين الي قابلتهم، بغض النظر عن شبهاتهم عن الدين، لكن فلسفتهم عن الإله ووجوده بحسها غير منطقية بالمرة وإن كان أقرب معتقد مقبول بالنسبة لي الأن الربوبية، انا اتربيت في بيت مسلم اسمًا فقط، لدرجة اني مكنتش اعرف اي حاجة عن ديني، لحد ماوصلت ل١٧ سنة اتعلمت أصلي وحفظت قرآن واتعلمت عقيدة، أحكام اسلامية، فقه، كان الأمر ممتع، لم أدرسهم منهجيا بالتأكيد ولكن كان مجرد حب اطلاع، حاليا ٢١ سنة، رجعت الشكوك والحال رجع تاني، ويبدو إني بتجه اللادينية ( زي أهلي - الي كنت بنتقدهم يومًا ما - ) تاني، مجرد بوست للفضفضة علشان منفجرش 😅

4

8