يا جماعة، عندي سؤال محتاج إجابة واضحة: من إمتى بقى طلب 'السكن والمودة' تفاهة؟ ومن إمتى بقت الرغبة الفطرية في إن الواحد يدعي ربنا يرزقه بقلب يحبه ويحتويه بصدق شيء يستدعي السخرية أو التريقة؟ ​إحنا ليه بقينا بنستبيح أحلام بعض وبنصنفها على مزاجنا؟ هل النضج والوعي معناه إننا نتحول لآلات مابتشعرش، ولا إننا نكون صرحاء مع نفسنا ومع ربنا في احتياجنا لرفيق يشاركنا الطريق؟ لما بطلب من ربنا 'بنت تحبني'، أنا مش بطلب تسلية، أنا بطلب حلال، وبطلب ستر، وبطلب إنسانة تكون ليّ وطن وسند.. هل السعي وراء الاستقرار النفسي والعاطفي بقى تهمة؟ ​التفاهة الحقيقية هي إننا نعيش بوشوش مزيفة وندعي الاستغناء وإحنا من جوه بنعاني، أو إننا نستهزئ بدعاء حد لربنا. أنا بطلب 'الرزق' من صاحبه بمنتهى الصدق، فهل في منطق الوعي والارتقاء النفسي بقى الصدق مع النفس عيب؟ وإذا كان طلب المودة تفاهة، فما هو العظيم في نظركم.. هل هو الجفاف والوحدة؟

4

4