النضج العاطفي

Chilli_73846 🇪🇬

منذ شهرين

شعور Okay 😐

مش عارف كنت بفكر أن ليه انسان لما يزعل ميقولش ده او ليه لازم الواحد عشان يعيش يقرر يتعامل بذكاء هل لازم اتعامل عكس طبيعتي عشان محدش يضحك أو يستهين بيا ايوه بعض الناس مش احسن حاجه بس ليه يعني لازم انك مش تتعامل أو انك تتجاهل ليه تفكر تعمل اي من الأساس وتحكي ايه ومتحكيش ايه مفروض الإنسان في حياه انسا

Sugar_75697 🇪🇬 مش الناس وجودهم راحة ولا كل الناس قادرة تفهمك ، في ناس انت ممكن تبقى اوحش حد معاهم وبيقعدوا يحطولك في اعذار ويبررولك غلطك علشان بس هما بيحبوك ، وفي ناس انت مهما حاولت تاخد بالك من كلام وتصرفات هتفضل بتتفهم غلط منهم ف انت لازم تتعامل مع كل واحد على حسب هو انهي فيهم

عرض الكل 1 نصيحة

Apple_75318 🇪🇬

منذ شهرين

شعور خجول

لما تجيب أخرك من عِلاقة مُتعِبة وتقرر تمشي، بلاش تشغِل بالك بالشخص اللي فارقته ولا تبُص وراك أصلًا، ما ينفعش تبقى عايز تثبت له إنّك كويّس وإنّه خسرك والكلام الخايب دا .. ركّز في حياتك وخلي استقرارك ونجاحاتك هما اللي يتكلّمو عنّك، في جُملة مُعبّرة جدًا بتقول: "إحنا مش بنبعد عشان نحسسهُم بقيمتنا .. إح

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

ممكن اسالكم سؤال وتجاوبوني بجد
انا بنت من بين ٤ اخوات بنات معرفتش راجل في حياتي الا ابويا عندي شوية خبرة في العلاقات من اخر سنتين في حياتي انا ٢٥ سنة واكتشفت فيها اني مكنتش فاهمة الرجالة خالص ولا طبعهم ولا تفكيرهم
قعدت اقرا كتب واسمع قصص ولحد دلوقتي بسمع قصص وساعات بستغرب الفجوة الكبيرة اوي اللي بين تفكير الراجل والست وازاي دول ممكن يعاشروا بعض
انا ٢٥ سنة وبابا وماما منفصلين من قريب 
كنت طول حياتي فاكرة انهم مثاليين لحد ما اكتشفت انهم كانوا بيمثلوا قدامنا وعايشين مع بعض "عشان الاولاد" زي ما المسلسلات بتقول
طول عمري عايزة اتجوز راجل زي بابا لحد ما كبرت وشوفت عيوبه وانه مكنش بيعرف يقول كلام حلو ولا كان حنين مع ماما وكان راجل عملي بزيادة مكنش بيظهر مشاعره ولا بيطبطب ولا اي حاجه من حاجات الازواج الطبيعين وانا كنت فاكرة انه ده طبيعي لكن اكتشفت انه مكنش بيحب ماما او معرفش يحبها ازاي
غير كده هو شخص كريم جدا طيب وهادي ومتفهم ومهتم بينا احنا بناته الاربعة لاقصى درجة لكنه ساب ماما وراح اتجوز عليها من ورانا كلنا وعرفنا بالصدفة
دي كانت اكبر صدمة في حياتي منه ومن النموذج المثالي اللي كنت رسماه عنه هو عنده ٦٠ سنة انا فكرت انه عند السن ده خلاص الرجالة مش بتفكر في علاقة ولا جنس لكن اكتشفت انه اتجوز بس عشان "احتياجاته" زي ما بيقول
دماغي اتلغبطت مبقتش فاهمة هي الرجالة فعلا مبتعرفش تحب؟ سهل عليهم فعلا عشرة ٣٠ سنة يسيبها ويتجوز غيرها بدل ما يحل مشاكلهم؟ هي الرجالة شهوتهم بتحركهم للدرجة؟ يعني كل الحاجات دي كانت اسئلة في دماغي خليتني احس اني مش عايزة اتجوز
لو فضلت اقدم طول حياتي تربية ورعاية وبصونه وبصون بيته وفي الاخر كله يهون طب ليه؟ ليه الرجالة مش بتحب بجد زينا؟ هم بيتعلقوا زينا وبيكونوا مخلصين فعلا؟ ولا كل همهم الجنس والشكل الخارجي؟ انا بحب القراية وعملت ماجستير وأكاديميا انا شاطرة ومقدرش اقول على نفسي مثقفة بس بقرا كتب.. ليه بحس الرجالة بتخاف من البنت المثقفة؟ ليه دايما بيدوروا على الهبلة الصغيرة في السن اللي اعرف اضحك عليها والعب في دماغها؟ هم كلهم كده طيب؟ عايز واحدة تدلعه من غير ما تكون بتفهم؟ بس مكنة تطبخ تغسل تنام معايا ومتفكرش كتير؟ ليه بقيت احس انه الجواز ده فخ 
الفخ ده بيدخلك فيه ويستغلك لاقصى درجة وبعدين يلا باي هتجوز عليكي اصلك مش مكفياني اصل شهوتي اصل حقي..
بقيت خايفة بجد خايفة من الرجالة بقرا عشان افهمهم عشان معنديش حل تاني عايزة اتجوز واحد سوي عايزة اعرفه اصلا يعني هو موجود ولا لا؟ كل الرجالة اللي حواليا بيقولوا انه مش موجود من تجارب صحابي لتجارب الناس عموما
الرجالة بتحس زينا؟ بيعرف يبقى حنين بس عشان اللي بيحبها ولا عشان شهوته؟ بيعرف يقدم بدون مقابل؟ يبذل مجهود بس عشان اللي بيحبها؟ 
اللي قابلتهم كلهم مش عايزك تشتغلي..  طب ليه؟ عشان الشغل هيتعبك وبلا بلا وهو كل همه بس واحدة تطبخ وتغسل وتنام معاه وتبقى فضياله هو وبس بس هو عنده صحابه وشغله وحياته بس هي تبقى ١٠٠/١٠٠ متاحة لحضرته.. هي دي مش انانية؟ ليه متسبنيش اعمل اللي انا بحبه وعايزاه؟ ليه كراجل بتفكر في نفسك بس؟
ليه مقابلتش راجل ناضج عاطفيا بيعرف يواجه بيعرف يقولك متزعليش ويطبطب مش اول ما يقابل مشكلة يلا باي واما تفكي تعالي نتكلم واه طبعا لما نرجع نتكلم مش عايزك تتكلمي في المشكلة اللي بيننا عشان كده هتبقى نكدية وست وحشة اكبتي في روحك وبلاش نحل خالص وفي الاخر نوصل لحيطة سد احسن عشان بس انام وانا بالي مرتاح واه متنسيش واحنا زعلانين لو متجوزين طبعا ليا حق عليكي مش مهم هتعمليه وانت روبوت وانت متضايقة مش مهم المهم افرغ وابقى تمام وحلو
واه صحيح لو في عيال اللود كله هيبقى على الست عشان انا بشتغل وبجيب فلوس مش كفاية يعني ولا ايه؟ تربية لا رعاية لا ابوة لا انا فقط روبوت هيشتغل وانت شيلي الليلة كلها ربي وكبري ونضفي واطبخي وودي المدرسة وذاكري ونيمي وكله كله هي دي مش انانية؟

هو ده الجواز وهي دي الرجالة بجد؟
على ايه كل ده؟
حد فاهمني؟؟🙃🙃

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_28797 🇪🇬

منذ 6 أشهر

شعور لا مبالٍ

عبّر عن شعورك بشكل مجهول

كنت دايما فاكرة ان الحب كفاية اللي بيحب هيعمل هيسوي عشان اللي بيحبه و اكيد مش هيزعله مش هيأذيه و مش هيعمل حاجات كتير و خلاص مادام في حب و اهتمام ف العلاقة دي ناجحة و موت و اوعا هلاص هنعوز تاني ايه ، اما اتحطيت ف حب او علاقة عامة و بدأت تظهر المشاكل بينا و ابقي بكلمو و اشرحلو و انا زعلت ف كذا و انت عملت كذا و الردود تبقي باردة او ميحاولش يحل ميحاولش يحس بيا حتي يواسيني بل بالعكس يلوم و يقولي انتي غريبة بعد اما كنت بالنسباله بيرفكت كنت بستغرب اوي و بدأت اسكت و هو لما مبقتش احكي و اخاف اعاتبو يحصل مشكلة يقولي خلاص براحتك كنت بستغرب ليه هو انا كنت مغفلة للدرجة ده انا خدت و قتي و حاسة اني اختارت صح و لكذه سبب علفكرة ، ادركت دلوقتي ان فيه حاجة اسمها "" نضج عاطفي ايه الهبل ده فيه حاجة كده طلع اه ان اللي قدامك يعرف يحتويك و يتعامل مع مشاكلكو ب عقل و يحل و يواجه ميتهربش و يركن و يعرف يحس بيك و يفهمك ب عمق مش مجرد مشاعر سطحية او كلام يهاودك بيه و طلعت مش بالسن ولا ب الذكاء ولا انه ناضج لا في في فرق بين انه نضج بشكل ما ف حاجة تانية و بين النضج العاطفي و الذكاء مش دايما سبب كافي لأن في فرق بين الذكاء ف العموم و الذكاء الاجتماعي و العاطفي و كل ده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_44151 🇪🇬

منذ 11 شهرًا

شعور ممتن

موضوع:

ايه النصيحه اللي كان نفسك حد ينصحهالك لما كنت صغير؟

حبي نفسك. تربطيش سعادتك بشخص، حتى لو كان علاقتك بيه علاقة دم. اكتفي بنفسك. اشتغلي على نفسك و شخصيتك تكون قوية قدام الكل. تعلمي تقولي لأ. مش كل حد قالك كلمة حلوة، يبقى دة حب يا هبلة. متدخليش في علاقة حب قبل ال٢٤.

Coffee_28231 🇪🇬 كلام جميل مش ناقصه غير ان شخص يطبقه

عرض الكل 8 نصيحة

Biscuit_17258 🇪🇬

منذ سنة واحدة

شعور Okay 😐

عارفين لما توصلو لدرجة النضج انكو تكتفو بنفسكو بس وان محدش بينفع حد ومتستنوش حاجة من حد وأنك مبسوط كدا وإنت لوحدك بس ف نفس الوقت نفسك ف حد تشاركو حاجات كتير بتحصل ف يومك حد تشاركو الرحلة

Apple_13643 🇪🇬

منذ سنة واحدة

شعور Okay 😐

سؤال محير بالنسبة ليا ازاي اقدر اخوض تجربة إختيار شخص (( شريك حياة )) في الوقت الحالي من غير ما أكون خايفة من المجازفة و مع فكرة (( اني بحافظ علي قلبي جداااااا وبخاف عليه جداا وعاملة حواجز كتيير لحمايته )) وإني مهما حسيت اني بقي عندي نضج و تفكير يكاد يكون سليم بس باجد عند النقطة دي بذات و بترعب و طو

Cherry_14026 🇪🇬

منذ سنة واحدة

شعور Okay 😐

اكتر هديه ممكن تديها لنفسك هى انك تواجها بالحقيقه حتى لو كانت صعب تقبلها بس المهم انك متعش فى خداع و فرحه مذيفه مش هطول واجه نفسك بالحقيقه وحاول تتقبلها باى طريقه

Apple_12979

منذ سنة واحدة

شعور Okay 😐

عبّر عن شعورك بشكل مجهول

بصو انا كنت مرتبطه بشخص من تلت سنين تقريباً بعدين هو قرر يبعد عني بسبب المسافات وكده لان المسافه ما بينا كبيره اوي 
ف انا رضيت بقراره وبعدت وكنت بحبه ولحد دلوقتى مش قادره انساه
هو بعدها بمده كبيره كلمني وفتح حوار معايا وكنت بتكلم معاه برسميه اوي ولا اكن كنت اعرفه او كان هو اقرب شخص ليا وبعد ما اختار انه يسبني قربت من ربنا اكتر وقريت كتب وسمعت بودكاست وروحت جيم وبقيت انضج من ما كنت معاه وهو بيتكلم معايا لقيته بيقولى انتي اتغيرتي اوي عن ما كنتي معايا انا قولتله بكل اريحيه بجد وراحة بال قولتله سنه  عدت واحنا مفيش تواصل بينا كفيله انها تغيرني بعدين قولتله بهزار للاحسن بقي ولا للاوحش قالي للاحسن بس الطفله اللي كانت بتتكلم معايا زمان وضحكك وهزارك كل ده اتغير ضحكت علي كلامه وقفلنا الكلام بعدها كل فتره يدخل يقولى عامله ايه وخلاص ومش بنتكلم تاني  كل مره بيدخل يقولى عامله ايه ببقي مستنياه يقولى نرجع وان المسافه اللي بعد عني علشانها هتهون علشاني بس مبيحصلش كده وببقي نفسي اتكلم معاه تاني واحكيله عن يومي بس معتش بعرف لا اخفيكم سراً اني لسه بحبه ورغم اللي عمله مش مدايقه منه وقلبي صافي اتجاهه لانه شخص جميل والله بس مش عارفه عمل ليه كده🙂
اسفه اني طولت عليكو بس لو حد يعرف ازاي افتح معاه حوار احكيله عن حاجه مديقاني من غير ما ابان مدلوقه او يحس اني بعمل كده عشان نرجع🙂
بحبكو سلام💘

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_81901 🇪🇬

مشاعر متلخبطه بعد الطلاق.. عاوزه يحس بقيمتي

بعد الطلاق مبسوطه ومش مبسوطه مشاعر كتير متلخبطه ده مش معناه اني عاوزة ارجع بس يرده عاوزاه يحس بقيمتي وبكل اللي كنت بعمله علشانه بس عاوزة احب واتحب حاسه انه مستحيل وانا معايا ولاد لو كلمت حد يبقي كلامه كله خارج او بيفكر ان المطلقه فريسه سهله معيطتش في حضن حد علي عمري اللي عدى رغم اني كنت باينه قويه بس كنت محتاجه انهار بس ملقتش حد ممكن اعمل كده في حضنه ناس كانت فاكرة اني لو عيطت ابقي ندمانه وده صعب يتندم عليه بس عمري اللي عدى وسنين راحت كنت محتاجه انفصل بدري الاقي فرصه جديدة اعيش في حب وراحه وامان كتير بسال نفسي هي خلاص حياتي وقفت كده وحزعل لو عرفت انه اتجوز وخابفه العمر يجري اكتر فرص كل حاجه راحت شغل وحب وجواز كتبر بسال نفسي هو انا كان المفروض اتحمل علشان البديل مش حلو ولا انا كده صح وفي حاجه تهدى من وجع قلبي يمكن علشان كتمت الوجع وعملت نفسي جدعه حاسه انه بيطلع عليا ...عرض المزيد

3 الدعم

29 نصيحة

Pear_51536 🇪🇬

زعلانه علي نفسي وبتمني زوج صالح يطبطب عليا

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت انا 27 سنه و نفسي ف حد يطبط عليا .. ادعولي من قلبكوا و لكم المثل لان نفسيتي زي الزفت بسبب كده... و انا مش كاتبه كده عشان حد يدخل يتقدم ادعولي بس من قلبكوا ...عرض المزيد

8 الدعم

24 نصيحة

Marshmallow_69067 🇪🇬

مش بحب عيد ميلادي.. كل سنة وانا طيبة

انا مبحبش يوم عيد ميلادى بس هو النهاردة ١٥/١١ قولولى كل سنة وانتى طيبة😅😅.. كل عيد ميلاد ليا بقفل اكونتاتى عشان محدش يعملى بوست عملت كل حاجة عشان أختفى من أذهان كل الناس الى حوليا تعمدت دا .. بس النهاردة بحاول اتفاءل شوية عيد الميلاد بالنسبالى شئ حزين مش مفرح لان كل سنة الإنسان بيكبرها بتقربه من الموت .. سنين كتير عدت من غير م نحس بيها.. لما بتعدي علينا ذكري ميلاد حد بنحبه بس هو مش موجود او مات بنحس مشاعر مش لطيفة.. بستشعر ان كل الذكريات حزينة حتى الذكرى المفرحة لما بنفتكرها بعد وقت طويل بنفتكرها بحزن لاننا بنحس انها مش هتتكرر.. ديما الأيام واللحظات الحلوة بتكون ف الماضي كل م بنكبر الحياة بتبقى أصعب و إستقبالنا لأى شئ مفرح بيبقى بحماسة أقل.. بس مش يمكن الانسان محتاج يعيش الوقت زى م هو وخلاص كدا كدا أيام محسوبة علينا.. أتمنا الايام الجاية تكون شيلالنا أفراح كتير وجبر من ربنا أتمنى خلال السنة دى ربنا يحققلى كل الاحلام والدعوات الى متحققتس ف عمري كله وانا مش رابطة الموضوع بعيد ميلادى هو مش مولد السيد البدوى 😂😂 هو مجرد انى بحاول اتفاءل ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع