ڤد ما تحس روحك دخلت الدنيا في بعضها وخلطتها عاود ابدا عادي، عاود ابدا مرة وزوج وعشرة ومليون.. كنت دير السبور وحبست حتان راحتلك لفورمة؟ عادي عاود ولي يخي كاينة الذاكرة العضلية، خربت ريجيمك وخرجتلك الكرش عادي كيما قدرت ديرها من قبل وتشيان رح تعاود ديرها مرة اوخرا مراكش تنوض لصلاة الفجر هذي مدة؟ عادي اتكل على ربي ودير الرافاي بعيد عليك ووصي أهلك ينوضوك ويعينوك حتان توالف وحدك تنوض، رجعلك إدمان الهاتف؟ عادي حوس على الأسباب من واش راك تهرب للتلفون؟ وش لحوايج لي يقدرو يعوضوه؟ عاودت وليت للدخان؟ عادي يخي حبستو من قبل شكون قال متقدرش تزيد تحبسو؟ كاين أطباء ومكملات ووو، ياودي حتى المخدرات وراهم يحبسو فيهم جات غير في الدخان وقس على ذلك في كل الأمور لي تحتاج تغيير، اتخذ بالأسباب وأبدا كاين بزاف صوالح عاهدنا رواحنا من قبل بلي منوليوش ليهم ولا نجربو نحسنوهم بصح كلش راه يجبد وحدو النفس والشيطان والفتنة والصحبة السيئة.. بصح عادي منين تحس روحك فقدت نفسك أتيقن بلي تقدر ترجعها وأحسن هذا هو الجهاد لي يخلي للحياة طعم ومعنى، الجهاد لي يحبو ربي سبحانو ورح يعينك فيه، مهما كانت صيفتك ولا عمرك.. دايمن كاين وقت للتغيير الجميل 🤍 تقدر تتبدل ..

2

0