تغيير

الخذلان من حد كنت شايفه كل حاجة في حياتي كان كأنه كسرني من جوا. عمري ما تخيلت إن أكتر شخص وثقت فيه يكون هو السبب في وجعي. حسّيت إن كل كلمة قالها كانت كدب، وكل لحظة حلوة عشتها كانت وهم. الوجع الحقيقي مش في اللي حصل، الوجع إني صدّقت… وإني اديت قلبي لحد ما يستاهلش. أصعب إحساس لما تلاقي نفسك بتحارب الدنيا عشان حد، وهو بكل سهولة يختار يكون ضدك. ومن ساعتها، في حاجة جوايا اتغيرت… كأني ما بقيتش نفس الشخص، وكأن الثقة نفسها اتكسرت، مش بس قلبي.

اخباركم ايه؟ اتمنى تكونوا بخير 💗💗 انا اتسألت سؤال لطيف عموماً من أقرب حد لقلبي و معرفش كان ردي عليه صح والا لأ بس من نحيتي كان صح ومع ذلك عارفة إن لكل قاعدة شواذ هو الحُب ممكن يخللي إنسان يتغير للأحسن ؟؟ مكنتش عارفه بصراحه اجاوب بس حطيت نفسي في الموقف لأقيتني بحب واحد ميعرفش إني عايشة أصلاً بس بحاول اعمل كل ما هو صح ويرضي ربنا لعل وعسى ربنا يرزقني بيه ويحققلي امنية ودعوة بدعيها في كل سجدة ليا وهي أني ابقى قُرة عينه في الدنيا... وحور عينه في الآخرة إن كان الخير بيننا متبادل 💗 ف إجابتي كانت انه بيغير للأحسن عادي بس اكيد مش في كل الحالات وبتختلف من تفكير وإيمان كل شخص عن التاني 🎀✨ ومع ان قلبي بيتعب لما بحس لمجرد إحساس من استوري او ريبوست هو عامله انه بيكلم واحدة بحس اني مشتاقة اجيبه من شعره بس ما باليد حيلة غير الدعاء ومعرفش انا جايبة الثقة دي منين بس عندي يقين رهيب إنه لو خير ربنا هيرزفني بيه انا فاهمة إن موقف صحبتي اللي سألتني غير موقفي نهائي بس انا لو خليتها تندم على حاجه ف أنا خليتها تندم إنها كلمته اصلاً ودخلت في علاقة حرمّها الله علشان منوجعش قلوبنا وربنا اكيد ليه حكمة وفهمتها إنها تتوب وترجع لربنا لعل الله يرزقها بخير منه اي ب رَجُل يَصُب عليها الحُب صباً لأنها تستاهل كل الخير وتستاهل حد يحبها ويحترمها 💗💗💗✨ و كنت بقنعها تلبس الخمار زيي وجيبتها من نحية عبيطة وهي إننا نعمل Matching في العيد وهي اخدتها بهزار بس بعد إقناع كتيير وآيات أكتر وأحاديث اكتر واكتر 😂💗 احنا الاتنين النهارده كُنّا ماشيين واحنا لابسين زيّ شرعي كامل ومش عارفه اوصف أنا فرحانة ازاي بالتغيير ده ومن كتر فرحتي اول مرة اكتب هنا أصلاً 😂 فاللّهم اجعلها لي صديقة دائمة صالحة 💗💗

أنا مش عارف اعمل اي بجد حياتي كانت مليانه ناس وشغل وعلاقات وحاجات حلوه وحاجات وحشة بس انا سيبت كل ده وبقيت هنا ف المكان ده اعرف ناس ونقرب من بعض ونتكلم من غير ما نعرف بعض علي الحقيقه وبيروحو ويجي غيرهم والدنيا مكمله زي ماهي بس فجأة كل حاجه اتغيرت ولا بقيت مرتاح هنا ولا عارف ارجع اعيش زي ماكنت ولسه مستني الناس الي خلوني أبعد عن الواقع لأن الحياة في الخيال احسن بكتير وطبعا مش مع أي حد

ليه كل حاجه بتتغير فجأه لدرجة ان الي انت مكنتش حابب غيابه مبقتش طايق وجوده و الي يومك مكانش بيكمل من غيره بقيت تستغرب لو لقيت اسمه في الرسايل ليه صعب ان احنا نلاقي حد يفهمنا او يحبنا بجد من غير اي شروط؟!!!

فجأة… كل حاجة اتغيرت! شخص كان بيحبك، بقى بيتجاهلك… اللي كان بيطمن عليك كل يوم، بطل حتى يسأل انت عايش ولا لأ… طب ليه؟ إيه اللي حصل؟ ولا هو عمره ما كان حقيقي من الأول؟

من كام يوم كده وفي مواقف بتحصل بتفكرني بشخص كنت أعرفه وبتخليني أسأل نفسي حاجات كتير بس ثانيه كده ، هو انا هستفيد اي لو عرفت الاجابه ولا اي حاجه لانه سواء كان وحش أو حلو فخلاص مبقتش تفرق ولان اللي متأكده منه ان وجودي مكسب لاي حد وان عدم وجوده بالنسبالي راحه وبعد كده لو افتكرته حتي لو بالوحش مش هحاول اعدل الصوره دي لأن هو اللي اختار يظهر بيها ومفيش في أيدي حاجه اعملها غير اقول يارب يبقي كويس وبخير والعيد قرب وعيد ميلاده كمان فكل سنه وهو بخير أن شاء الله ولو كان غرضه أذي فعلا كده كده ربنا هيردهوله واهي الدنيا ماشيه ، رمضان بيخلص وفي ناس كانت موجوده في أوله بس خلاص مبقتش موجوده وانا كمان قريب هبدأ سنه جديده من عمري وكنت متخيله أن في ناس معينه هتكون معايا بس برضو مش موجودين بس الاهم ان اللي بنحبهم وبيحبونا بجد لسه موجودين وكده كده ربنا مش بيجيب غير الخير اتبسطوا يا جماعه وكل سنه وانتوا طيبين وبخير انتوا وكل حبايبكم

أنا مش عارف بقيت بدايق لما الساعه تقرب تيجي 11 بعد ماكنت بستناها عشان البت كانت كل يوم تكلمني في نفس الوقت ده ، مفيش حاجه حلوه بتكمل للاسف وكل حاجه اتغيرت ، أنا عرفت غيرها كتير بس هي كانت مميزه وانا لسه مستنيها بس مش هستني كتير، انا مش عارف اصلا إذا كنت بحبها ولا حتي عايز منها اي بس انا مش مبسوط من غيرها وحاسس ناقصني حاجه

عندي سؤال فضولي وعايز اعرف اجابته دلوقتي انا متوسط الحال وبحب دايما اجيب الحاجه المتوسطة يعني مثلا تليفون كويس بس مش غالي وعربيتي متواضعة موديل قديم بس حالتها كويسة ومتعايش معاها وفي بالي ان حتي لو بقيت غني مش هصرف ببزخ واجيب مثلا ايفون ١٧ او هجيب عربية مرسيدس كل سنه لا انا بحب الحاجه البسيطه يعني اجيب تليفون ب ١٠ الاف مثلا كويس وحلو وهيمشيني وعربية ب ٢٠٠ الف بدل ٢ مليون ....سؤالي هنا هل فعلا لو اتغنيت وجهه نظري هتتغير ناحيه الحاجات دي؟ وهصرف ساعتها ببزخ؟ وهل اللي بفكر فيه ده بخل ؟

مش عارف ازاي الواحد بيتغير كدا يعني الاول هو ومازلتو بردو بحب اكون الطرف الاقوي بزياده دلوقتي بقيت احس بحب البنت القويه الي فيها سنة سيطره اسمحلها تكون اقوى شويه يعني معرفش دا طبيعي ولا لا

بزعل من حاجات مليش الحق ازعل منها وبزعل من حاجات تافهه اوي لدرجه ان الشخص اللي مزعلني مبيكونش عارف هو عمل اي من كتر مالحاجه صغيره وتافهه ممكن ازعل من طريقه كلام متغيره ف مسدج ممكن ازعل من شخص مش قادر يتكلم معايا عشان زعلان من حاجه انا بجد زهقت حتى الناس اللي حواليا زهقوا كل شويه يصالحوني بس انا مش قادره اغير ده ومش قادره ابطل اتقمص من اقل حاجه

اخواتي الافتراضيين المجهولين بنعمل ايه لما بيوحشنا صديق قديم وواحشنا قعدته وواحشنا نفسنا وقتها لكن هو مبقاش هو واحنا مبقيناش نفس شخصيتنا وقتها

بعيد عن ان البرنامج اتغير و مبقتش اعرف اتعامل فيه و كمان مفيش خصوصيه زي الأول كان ممكن تتكلم مع حد و تحكي الي جواك لي شخص واحد بدال كدا و كمااان مفيش شكل لمونه و ده مزعلني جامد عشان كنت شخصية لمونه المهم ندخل في موضوعنا اكتشفت اني مش بحب اجرب اي حاجه جديدة حتى لو تافهة بس بخاف تكون وحشه او ممكن تكون تخيلات في دماغي بس بعاني من الحاجة دي بجد بحس إني لازم اخد راي حد في كل حاجة عشان احس انها فعلاً حلوة ابسط مثال طريقة لف الطرحه في خمسين لفه طالعه بس أنا علقت عند لفه و بخاف اجرب اي لفه تاني احسن تكون وحشه حتى لو حلوة بحس إني غريبه و كمان البس بحس بيليق عليا استيل واحد مش عارفة اطلع منه و بخاف من حاجات تاني كتير بس البوست كبير هحكي بكرا الباقي