أختي المتسلطة النرجسية خربت حياتي

Marshmallow_87151 🇩🇿

منذ 3 أسابيع

شعور مرهق

حاليا اعاني من اخت متسلطه و نرجسيه إلى أبعد الحدود ...لا أعرف كيف اتعامل معها وصلت لدرجة اني كرهت ظهورها بجانبي...أريدها بخير لكن بعيدا عني حرفيا تسلطها وصل لدرجة امتنع عن الحمية الخاصة بي و ممنوع منعا باتا أمارس الرياضة بحجة ان الناس في الخارج لا ترحم (انا في البيت مش مرحومة اصلا وتحملت يعني لأي درجة يمكن توصل عدم رحمة الناس ) وصلت كرهت الدراسة بعد ماكنت مدمنة عليها واشوفها كوسيلة لإخراج كل الطاقة السلبية في حياتي نصائحك جماعة الخير و دعواتكم لأنني في أمس الحاجة للدعاء شكرا 🌸

نتمرمد وحداني بعد وفاة ماما ومشاكل مع بابا

سلام عليكم .... انا الصراحة مانيش فاهمة روحي والله راني حاسة روحي دخلت فإكتآب و معلاباليش .. انا فعمري 22 سنة هاذ الشهر نديرها ان شاء الله ماما توفات ف 2020 و من هذاك الوقت و انا فالمشاكل مع بابا لي حب يتزوج مور ما ماتت ماما بيومين المهم حكاية طويلة بزاف ايا راح و خلانا انا و خويا كبير عليا قعدنا وحدنا 4 سنين ما حوس عليا ما سقما انا مين داك كنت نعيطلو نسقسي عليه هو والو مالڤري ديرلي بزاف صوالح عيانين و اذاني بزاف بصح كنت كل مرة نقول معليش لوجه ربي و هو معلابالوش كامل يحب غير روحو قتلكم من هذاك الوقت و انا نتمرمد قريتي ضيعتها قعدت غير نعاود فالباك كنت حابة ميدسين 4 خطرات و ملحقتش قريت تخصص و مكملتوش و بدلت درت باراميديكال و هاذ العام نكمل من جيهة معنديش صحابات يعني عندي وحدة بصح منتلاقاوش بزاف بصح انا مشكلتي راني دايمن وحدي شغل وليت نحس بزاف بالوحدة فالدار وحدي خويا ميحسش بيا كامل فاميلتي ميحوسوش كامل كانت عندي بنت خالتي قريبة بزاف و دوك دارت عليا ما قعدتي والو راني كارهة حياتي والله انا انسانة حاية برك نعيش نفرح نضحك بصح دايمن نلاقي غير العباد العيانين حتى صحابات وين نقرا عياوني مايحكو ما يڤصرو ما يخرجو حاولت بزاف معاهم والو هوما 2 بصح جايين ساكتين يمدولي غير طاقة سلبية و الله دوك وليت نكره نروح نقرا معنديش معامن نقعد و من جيهة دراهم معنديش قيسي قيس روحي حياتي راني نشوفها كحلة عييت والله معنديش ام تفهمني ما حققت أحلامي ما نجحت ما لقيت صحبة ما والو عييت والله ... حبيت برك نفرغ قلبي قبل ما نرقد ...عرض المزيد

3 الدعم

4 نصيحة