ليه بيستغلوني ومبقتش عايزه حد يقرب مني؟

Marshmallow_33633 🇪🇬

منذ سنة واحدة

شعور مكتئب

موضوع:

تجربتك مع العلاقات السامة ؟

كنت بحس اتى لازم اقدمله حاجات كتير عشان يتأكد انى كويسه وهو كان بيعرف يستغل دا كويس اوى وكان بيجيبنى وقت ما يحب وبعدها يقولى ابعدى عنى بطلى تبقى سهله مهما حاولت اتعافى منه كلامه بيفضل ف دماغى بقيت بكره اى حد يقرب منى او يتكلم معايا مبقتش حتى عايزه اقعد لوحدى من كتر ما دماغى مفيهاش غير سؤال واحد ليه ؟ اصل هو ليه بجد يعنى فى ناس كدا بجد ؟ مبتحبش اللى يعاملها كويس ويحسسها انها كويسه كل اللى اعرفه انى مش عارفه ابطل اخليه يستغلنى

ماما بتحب اخواتي أكتر ومش عارفه أتعامل مع الظلم

انا عندي مشكله مع عائلتي وبالأخص ماما دائما بحس انها بتفضل اخواتي في اقل الحاجات ودائما بتحب تظهر بالصوره البيرفكت أن هي تربيتها صالحه ومبتفرقش مبين اولادها وهي عكس كدا تماما سعات بحس أن هي بتكرهني بس ببعد الفكره دي من دماغي جرحوني كتير بس من أبسط كلمه بنفسه كل حاجه من وانا صغيره كنت بحاول انت**حر بس حاليا بعدت عن الفكره علشان حرام طبعا انا بحب اخواتي بس تصرفاتها بتخليني ازعل جامد عمري مغيرت منهم بس بقيت احس ان احساس الغيره بدأ يشتغل جوايا بجد انا مش عاوزه اكره اخواتي أو اغير منهم بس سعات مش بقدر بحاول اقنع نفسي أن هي بتعمل كدا علشان مصلحتي بس مفيش ام بتكون قاصده تخرج بنتها قدام الناس ودائما بتنتقدها انا بجد بكره اكون معاهم علشان مبيتكلموش علي حاجه غيري وقد ايه انا وحشه في نظرهم ودائما بتتكلم عني وحش قدام الناس حتي جيرانا انا يجوا يمدحوني مثلا علشان بسلم ويضحك فوشهم هي تقلب الموضوع بنقض عليا انا تعبت بجد جامد وفوق كدا انا معنديش صاحبه افضفض ليها ...عرض المزيد

10 الدعم

11 نصيحة

"أنا اللى اتقالى انت خسارة فيكى ومش عارفة أسيبه"

اقولكم بصراحه يجماعه انا الشخص اللى اتقالى انت خسارة فيكى كل حاجه بعملها عشانك انا اللى اتقالى انت خسارة فيكى الفلوس اللى بدفعهالك واتقالى بردو انت ملكيش اي ستين لازمه وان انا فاشله وان انا مش هنفع ف اي حاجه انا الشخص اللى مسكوا تعبى تريقه ومش قادرين يقتنعوا ان دى حاجه مش بإيدينا وانا بردو اللى كل يوم بسمع الكلام دا من نفس الشخص وكل مبقول اتعودت خلاص معتش هزعل برجع بلاقى نفسى بعيط زى اللى بسمع الكلام دا لأول مرة انا اللى بتصدم ف نفس الشخص كل يوم انا اللى بقعد ابرر كتير ولحد الآن مش عارفه اشيل منه لانه اكتر شخص مينفعش يقول كدا اساسا ويكون داعم ليا نفسى ابطل ادايق واتصدم ف نفسى ابطل ادايق واتصدم ف نفس الحاجه ميت مرة وبردو بزعل نفس الزعل وانا بردو اللى قالولها انت مفكيش لي ميزة قوليلى فيكى ايه عدل وانا بردو اللى اتقالى ان مفيش حد هيفضل ولا بيفضل معايا وانا بردو اللى لما اى مشكله تحصل من غير م اتسمع بكون انا اللى غلطانه انا السيئة ف روايه الجميع عادى 🙂🙂🤦‍♀️ ...عرض المزيد

8 الدعم

8 نصيحة

مخدوع من اللي بحبهم ومش قادرة اكمل

يعمل ايه الإنسان لما يبقي مخذول من كل الناس اللي بيحبهم كلهم بجد حقيقي مفيش حد واحد بس حبه إلا وسابله علامة علي قلبه ومش بيكفيهم كده بس لأ دول عايشين دور الضحايا وكأن مكنش قصدهم حاجه وهنا انسان بيعاني نفسياً وجسدياً من اللي عملوه فيه من غير قصد علي كلامهم ومصرين أن انا اللي بعيش دور الضحيه رغم اني الشخص الوحيد اللي اتأذي من وجودنا في حياة بعض والمشكله أن وجودهم مستمر فحياتي واذيتهم كمان وانا مش عارفه اوقف ده بل بتدمر اكتر ومش عارفه اطلعهم من حياتي لأن منهم ناس اساسيه مينفعش اشيلهم زي اهلي ومنهم ناس طلعتهم بس مازال أثرهم في كل مكان بشوفه ولما بنتقابل صدفه ببقي حاسه ان حد بيخنقني وفي ناس رغم اذيتها المستمرة وخذلانهم ليا في كل مره بحتاجهم مش عايزه اخسرهم ومش قادرة اكمل محاوله معاهم برضو لأني خلاص استنزفت كل طاقتي معاهم ورغم اني بحبهم من كل قلبي حقيقي بس انا مش قادره بجد استحمل خذلانهم ليا اكتر من كده ومش عايزه اخسر كل الحب اللي جوايا تجاههم برضو..بجد حاسه بفقد نفسي كل يوم اكتر من الأول ...عرض المزيد

5 الدعم

2 نصيحة