صعوبة الثقة

Cherry_73351 🇪🇬

منذ أسبوعين

شعور مكتئب

ساعات ببقى كويسة وبضحك وفجأة ألاقى نفسى عيطت وانهارت فى لحظة كل ما أبص ورايا ناس خذلونى ناس مكنوش يتمنولى الخير ولما وقعت كله بان ع حقيقته والمشكلة انهم أقرب ناس فعلا بقيت أخاف أقرب من ناس جديدة اللى هو اشمعنا دول اللى هيبقو كويسين كل الأشخاص اللى بديهم الأمان بيدونى ع قفايا مش عارفة أغير طبعى انى ب

Biscuit_17258 🇪🇬

منذ 3 أسابيع

شعور ضائع

‏استوعبت اني مرعوبة من الوقوع في الحب بحب الحب وبحب المشاعر بس مش معايا الموضوع لو قلب جد ببعد ‏مش لاقية حد شبهي مش لاقية حد قادر يريح دماغي ‏مش لاقية حد اقدر أثق فيه فعلا الموضوع حقيقي صعب الخوف مسيطر ع الانسان والثقة صعبة

Coffee_51716 🇪🇬

منذ 3 أسابيع

شعور مرتبك

عبّر عن شعورك بشكل مجهول

انا خايفه انا مرعوبه من الناس 
من كتر ما اتخذلت بقيت خايفه ومش بصدق ان حد بيحبني لانهم بنفسهم قالوا محدش اللي ظاهر منه هو الحقيقي فلو انتم عاملين انكم بتحبوني فانتم بتمثلوا !!
انا كمان بخاف اوي اوي لما حد يتكلم على حد و يقول احكام عليه طب ما اكيد بتعملوا معايا كده 
هي ليه يا جماعه الدنيا مش سهله ؟
ليه مش لما احب حد اقوله ولما مبحبش حد اتجنبه ومقربش من الاول ؟
ليه الدنيا مش بسيطه زي ما جوايا ؟
طب السؤال المهم ليه لييييه انا لما احب حد واهتم بيه بيفتكروني عاوزه مصلحه ولو كان حد زميلي يفتكروا لمجرد اني ارد غيبته او اشكر فيه و هو مش موجود اني معجبه وانا بس بحب اعمل مع الناس زي ما احب يتعمل معايا وانا مش موجوده مش اكتر بجد 
طب انا مش عارفه اتعامل مع الناس مش عارفه اثق  في حد 
انا خايفه حقيقي خايفه
انا عارفه ان المشكله عندي انا اصلا بتعلق جدا جدا بالناس وبحبهم من قلبي و ببقى عاوزهم مبسوطين   مع طول الوقت بحس مهما كان فيه ناس حواليا اني وحيده ،.  
وجاجه كمان مزعجه انا بحس ان لو حد اتأخر عليا في الرد على مسدج اني تقيله عليه وانه مش حابب الكلام فبندم و ابقى عاوزه اسأل هو انت/ي زعلان مني ؟فبقول مش هتكلم  بس اول ما يردوا ببقى احسن 
انا يمكن حساسه شويه و بركز في التفاصيل زياده بس اعتقد ان محدش من اللي حواليا ممكن يصدق كده من كتر ما انا طول الوقت راسمه شخصية القويه و صلبه فلو اتعاملت بمشاعر في موقف بحس ان بيفتكروني خبيثه او سوسه اللي هو البنت اللي طول الوقت بتزعق و بترمي كلام دبش اكيد مش حنينه يعني بس ده دفاع عشان محدش يعرفني قد ايه انا بسيطه اوي اوي وكلمه ممكن ترفعني سابع سما وكلمه تنزلني سابع ارض 
فبرجع و اقول محدش عارفني ابدا وبزعل 
انا حقيقي تايهه ومتلخبطه 
 عاوزه ابقى مرتاحه ومش فارقلي حد او بمعنى اصح متعلقش بحد عاوزه مبقاش خايفه من التعامل مع الناس نفسي اتعامل بمشاعري من غير ما اخاف من حكم الناس عليا
انا فيا مشكله عاوزه اعرفها عشان احله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cheese_78368 🇪🇬

منذ شهر واحد

شعور محبط

موضوع:

اكتر خوف مأثر عليك في حياتك

خوف من أن اي حد جديد يدخل حياتي بعد الفقد اللي اتعرضتله في حياتي بسبب ابويا ان محدش بيعرف يتفاهم معاه وطبعا في وجوده لازم التعامل يكون معاه بقيت خايفه اوي أن حد احبه و يسيبني تاني ويمشي بسببه وبجد يعتبر بقت عقده

Watermelon_65402 🇪🇬

منذ شهرين

شعور متعب

ليا واحده صحبتى معايا ف الكليه كل ما اقولها ع حاجه ف حياتى متكملش كنت نازله شغل وعرفت انى هنزله من غيرها بقيت مش طايقه أنزله ولا حد كلمنى منه برغم أن كانوا موافقين بيا وكله تمام قولت هاخد كورس اطور منى حتى لو لوحدى عشان هى بتكسل كتير حتى لو ف الحضور ف الجامعه عرفت معرفتش اروحه وحجزاه بقالى كذا شهر و

Marshmallow_69067 🇪🇬

منذ شهرين

شعور مهتم

عبّر عن شعورك بشكل مجهول

اومل مرة أحس انى خايفة اطمن.. زمان كنت بصدق بصدق كل حاجة وكل الناس لحد ماإكتشفت ان الناس مش بتكدب كدب صريح وبس لا دول بيلعبوا ألعاب نفسية معاك يوصلولك بيها رسايل معينة وبعد كدا ينكروها.. انا حد مبعرفش اعمل كدا ومهما اتعرضت لحاجات زي دى.. اه بقيت دبش الحمد لله 🤓🤓ومش بصدق بسهولة ولكن ساعات بتحتاج تطمن لحد والمشكلة ان انت مش بتحتاج دا من اى حد ممكن تحسه مع حد وحد لا ودا بس اول م مخك يبدأ يشتغل اننا ممكن نطمن هنا بتخاف.. وانا بتكلم عن كل العلاقات الانسانية انا مثلا من سنين كتير معنديش صاحبة قريبة اوى الى هو احكيلها كل حاجة وانا عارفة انها حتهتم وهتتاثر عشانى واحس شعور الصداقة الى هو بجد دا لا وحتى الناس الى موجودة في حياتى لما بحاول احكيلهم بندم لان الموضوع بيتاخد ع انه دردشة..عارف لما تحس انك حد جواه حد تاني محتاج يطمن بس عشان الحد المستخبي جواه دا يعرف يعبر عن نفسه بس فنفس الوقت انت شخص بيتألم جدا لو إتخذل وبيقعد يلوم نفسه الى هو انا قولتلك من الاول خلينا لوحدنا .. انا يمكن كل العلاقات الانسانية مطلعتش منها غير بالالم والمشكلة ان محدش بيحس بالذنب بيكون فيه نوع من المرضى النفسيين مش بيشوفوا نفسهم غلط ابدا ..ومشكلتى انا انى مبعرفش أظهر وجعى مبعرفش احزن كل مرة بيحصلى حاجلة من البلم بفضل متنحة ومش بعرف اتكلم مع حد ممكن افضل قاعظة باصه في اتجاه واحد لساعات او اعمل حاجة يكون فيها مجهود كبير عشان اتهد..عارف لما تخاف من النور خيط رفيع من نور بيدخلك من شباك اوضتك  بيحسسك ان لسه فيه امل فانت تقفل الشباك وتضلم الاوضة عشان انت اتعودت على نهاية واحدة بتتكرر كل مرة فبتفضل تكون لوحدك لا زعلان ولا فرحان بس على الاقل مش خايف معندكش حاجة تخسرها..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

منذ شهرين

شعور محبط

عبّر عن شعورك بشكل مجهول

انت مش مضطر تقرأ عشان محدش يدخل يقولى كتبتي كل دا ازاى 🙂
فيه حاجة غريبة في حياتى بتحصل طول الوقت يمكن من وانا طفلة.. انا عمرى م إتحبيت بالطريقة الى بتمناها عمر م حد إتمسك بيا حتى الأهل حبهم كان مشروط عارف مثلا لو جبت درجات مش حلوة مكنوش بيقولولى ولا يهمك المهم انك حاولتى هنذاكر تانى ونتعلم اخطاءنا لا بالعكس كانوا بيتحولوا كأنهم اعدائي اكيد داىمكانش شعورهم بس دا الى كنت بشوفه ع وشهم وف تصرفاتهم حسيت معاهم الخوف أكتر من ان هما اهلى وكنت بحاول بقدر الامكان مستثيرش غضبهم مكانوش اشرار اكيد للدرجادى ولكن كنت طفلة بشوف كل حاجة اكبر من حجمها.. وفي المدرسة كنت دايما لازم اجى ع نفسي عشان يكون عندى صحاب كمت بحب احكيلهم كل اسرارى افضفض معاهم اتونس بيهم طلع منهم الى بيروح يحكي اسرارى لامهاتهم او الى بيتخنق من طريقتي يمكن من غير مااحس كان فيه بنت ف صحابي كنت بعتقد اننا اقرب اتنين لبعض بس مرا اتخانقت معايا وقالتلى انتى عايزانى اكون صحبتك الوحيدة من غير م اصاحب حد تانى ودا مكانش حقيقي لاننا كنا كذا بنت مع بعض كنت ممكن اهزر بايدي مع صحابي يعنى اخبطها ع اديها خبطة اطفال او العب في شعرها كانوا بيقولوا عليا عنيفة وانا مش مدركة ليه مع في البيت بيهزروا معايا كدا بس يمكن لان كان فيه ضرب في المذاكرة وغيرها عشان كدا اتعودت اعبر بايدي.. وصلت لمرحلة انى بقيت بقعد لوحدى وبقيت بحس ان صحابي دول مش عايزيني معاهم مع انى كنت باجي ع نفسي عارف لما تحس انك بس محتاج تحس ان حد قابلك قولت يمكن مش بيحبوني عشان انا مش شاطرة زيهم مكنتش فاشلة ولكن عندنا في المدرسة كنت بشوف امهات البنات المتفوقة بيتعاملوا ازاى كأننا طبقات حتى اختى الاصغر منى عشان اشطر مني اتقارنت بيها.. يوم يعمى لما حد كان يمدحنى كان بيمدح شكلى اخلاقي الى ماما كانت دايما تهددنى وتقلى هعرف حقيقتك للناس.. انا مكانش عندى حيلة ولا قدرة اختار اى شئ وقتها او حتى اطلب مساعدة كنت بنام كتير وبحلم كل حلمى كان اني اتحبيت اوى ووسط ناس متقبلني زي ماانا عشت عمرى كله في الاحلام.. لما كبرت شوية ثانوي مثلا كانت اكتر فترة وحشة لدرجة انى مش فاكرها اوى بس فاكرة كله لحظة اتوجعت فيها ..دخلت الكلية ووقتها كان اول مرة افتح اكونت فيس بوك كنت معرفش حاجة في الحياة كنت فاكرة ان كل الناس صادقة.. وقتها ناس كتير حاولت تقربلى لانى كنت منطوية فكان بيبقى عندهم فضول لما لحظة الانبهار بتخلص خلاص.. حتى لما كان بيتقدم ناس كنت بحس ان اهلى متهاونين في حقي ملهومش طلبات مفيش مرة حسيت ان فيه حد بذل عشانى مجهود  محستش مرة انى غالية عند حد اكيد اهلى ليهم مواقف كويسة الحياة مش كلها سودة ولكن الاغلب كان وحش.. لحظات كتير طبيعية بنات حسيتها انا معشتهاش انا كنت ضد الارتباط في الكلية بس كنت بشوف البنات بيجيلها بوكسات فيها هدايا كتير وحاجات حلوة كنت بقول لمااتخطب دا هيحصل معايا .. زى ما قولت كان بيتقدم ناس كتير ودى حاجة وحشة مش حلوة لان مش كل مرة موضوع بيبوظ خيبة املى بتزيد عمر م حد فكر يجبلى هدية متعوب فيها او فيها افكار مش لازم تكون غاليه حتى لمااتخطبت رسمي كان لو جاب اصلا بيجيبلى حاجات غريبة وساعات يقولى دنااخدتها هدية مدفعتش فيها فلوس الحمد لله نهييت الموضوع .. بس بحس ان كل المشكلة فيا انا اكيد الناس دي كلها مش غلطانة اهلى وصحابي والعرسان رغم انى حد معطاء جدا وباجي ع نفسي عشان الى بحبهم بحب ابذل مجهود عشان الى حوليا سواء بأكلة حلوة او هدية جميلة او انى اسمعهم وادعمهم ولو حد محتاجني في حاجة مش بتأخر بس في المقابل بلاقي نفسي وحيدة متحبتش ولا مرة عدى عليا حد حبني حتى صدفة ومشي مش حب كلام حب صادق يمكن الى مستشعرش حب اهله هيفضل تايهه طول عمره.. رغم انى بشوف بنات ربنا جبرها برجالة عارفة قيمتها اللهم بارك بحس انى جست الدنيا اتعاقب جوايا مساعر وحشة بتنهش ف روحي انا بحب ربنا اوى وبتمنى يسامحنى لو دى ذنوبي بس حتى لما بستغفر ربنا بحس انه مش بيحبني غصب عنى رغم انه بينجيني ولكن دايما بفتكر كلمة ماما انا هعرف الناس حقيقتك مع انها لما تكون رايقة تفضل تمدح فيا انا كبرت ولكن لسه الطفلة الى جوايا مش مطمنة وخايفة سمعت من ماما كتير كلمة انتى متستاهليش يمكن عشان كدا حاولت ابذل كتير عشان اتحب وفي الاخر كنت بتشاف معملتش حاجةاو دا مخلنيش اتحب او انا فعلا من جوايا صدقت انى مستاهلش الحب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_66850 🇪🇬

منذ 3 أشهر

شعور محبط

انا زعلانة اوي وتعبانة عندي رهاب اجتماعي والموضوع مرهق اوي بتابع مع دكتور وكل حاجة بس بقالي فترة بحاول ودا ارهقني جدا خصوصا اني بلاقي صعوبة في محاولاتي ومش قادرة أصدق ان الناس ممكن أقرب منهم واثق فيهم عادي منغير ما اتأذي بتخيل ديما اني مش هتحب وهترفض او هيتم استغلالي وهتإذي ودا مخليني ابقي لوحدي ودا

Pear_74864 🇪🇬

منذ 3 أشهر

شعور عاطفي

أنا كبرت عمتا و عارفة أن الجواز شيء مهم واكيد كلنا بنحب يكون فى حد يهتم بينا و يحبنا بس أنا عمتا فى العلاقات مش أحسن حاجة خصوصا أن تجربتي السابقة كانت مع شخصية سامة حقيقي و دلوقتي لمه حسيت أن فى شخص ممكن يكون مهتم بيا لقيت نفسي بهرب منه لدرجة أنه فى الآخر قالى احنا صحاب أنا مش حباه أن نكون صحاب بس ب

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Strawberry_74174 🇪🇬

منذ 3 أشهر

شعور محبط

مش عارفة اكتب ايه بس لقيت الابلكيشن دا بالصدفة يعني.. حاليا معنديش شعور لا سلبي ولا ايجابي.. مع اني المفروض خارجة من صدمة اصلا.. واصلا مش عارفة انا عايزة ايه.. ساعات بحس اني عايزة يكون في حياتي حد.. وبعدين اخاف ليأذيني زي ما اتاذيت كتير اوي اما افتح قلبي واحب بصدق، بقيت حاسة ان مبقاش فيه حد صادق او

Avocado_68382 🇪🇬

منذ 4 أشهر

شعور ضائع

اتخطي ازاي خوفي من الناس واننا ادخل اي علاقة حاليا عندي 23سنة بس مش اجتماعية وللاسف مش عارفة اثق ف نفسي واتخطي اي حاجة حصلت زمان من مشاكل بسبب الاشخاص اللي سبب المشاكل موجودين وبيتعاملو عادي كأنهم ملايكة حرفيا وانا بتعامل عادي بس ف كره من جوايا ليهم ف شايفة انو مينفعش ابدا ادخل علاقة واشيل مسئولية

Mango_58313 🇪🇬 كلها تجارب للاسف سواء ايجابيه أو سلبيه مهما كانت بتطلعي متعلمه حاجه ايه اللي بياجي في دماغك لما الموضوع ده بيحصل

عرض الكل 12 نصيحة

Hazelnut_68075 🇪🇬

منذ 4 أشهر

شعور متعب

عبّر عن شعورك بشكل مجهول

ازي ممكن الواحد يتعامل مع الفقد (انا فقدت والدي و بعدها ب سنه و نص والدتي )، انا مش معترضه دا قضاء ربنا و راضيه و واثقه ان ربنا عمل كدة لسبب و ان كل حاجه فيها خير حتي اذا كان فيها وجع و ألم و عدم اتزان ، بس المشكله هنا انا المش عارفه اتعامل و مبقتش عارفه اشارك حد حاجه منغير ما ينظر عليا او يتفلسف و فقدت الاحساس بالأمان  مبقاش في ثقه فنفسي طبعا ، و اي كلمه تهزني جامد لان الكانت بتسبتتي دايما امي  و انا اصلا استاذه فجلد الذات فبقيت مش عارفه استقبل كلام ناقد جارح أو في تقليل من أي حد حتي اذا كان في الشغل ، و اختياري للرد بقي صعب ممكن دمعه تنزل أو اكتم جويا و دا خلاني مشحونه زياده جدا دايما ، لحد ما انفجرت و تكسرت و وقعت في الأرض بجد و مش عارفه اقوم تاني و بعافر بس فعلا مش عارفه ان بقف شويه مع أي نسمه هوا أقع تاني ، و دا بقي بيوجعني، و الناس في المطلق بقت وحشه بجد تحكم تنظر من بره لاكن محدش يعرف ايه الجوا ولا بيبقي عايز يشوف القدامه بعين رحمه أو اداميه بس 
حتي الأخويا  شايف اني كنت واخده حقه فحب امي ، و قدام ربنا دا مكنش حاصل ،و انا كان بس نفسي فاخ يسمعني يحتويني يقولي متخافيش يدعمني نفسا بس يقف فظهري يقولي انتي صح و حتي إذا غلطتي هتتعلمي في الجي و مش عارفه افصل بين الشغل و مشاكلي والشخصيه ، و مبقاش في حد ينفع اشاركه فرحي ولا حزني 
 ففي وجع كتير اوي و كل مقفل جرح حد يجي يفتحه أو يتفتح واحد جنبه
، ممكن معرفش اوصل لنصيحه من البوست دا بس عندي امل ان ربنا دايما هيديني اشارك

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Candle_65721 🇪🇬

منذ 4 أشهر

شعور مرهق

بقاوح دايما ان مش محتاجه حد مش عاوزه صحاب او اى حد لكن الحقيقه انا خايفه خايفه اكون تقيلة عليهم خايفه ميحبونيش خايفه ميفهمونيش خايفه من حجات كتير لدرجه ان اتحولت من شخص اجتماعى جدا لشخص انطوائي للغايه مش عارفه اغير ده ولا عارفه اتغرف ع حد ولا بقيت عارفه ادخل فى اى علاقه تحت اى مسمى

Marshmallow_56042 🇪🇬 انتي من جواكي محتاجه تشوفي نفسك انك حلوة ومش تقيله لازم تثقي في نفسك الاول علشان الكل فعلا يشوفك احسن واحده واحده وحاولي تقربي من ناس شبهك نفس اهتماماتك وميولك علشان تحسي انكم شبه بعض ومبسوطين بالتواصل مع بعض حاولي تكسري الحاجز ده

عرض الكل 4 نصيحة

Onion_64578 🇪🇬

منذ 4 أشهر

شعور محبط

كنت خاطب وفركشت من فتره كنت براعي ظروفها العائليه جدا كنت بعمل كل حاجه ف سبيل أنها تبقي مبسوطه حتي لو باجي علي نفسي كتير جدا ف معظم الأوقات مكنتش بسيبها زعلانه لحظه يعلم الله اني كنت حنين عليها قد اي وطيب معاها وصادق وعافرت عشان اخطبها بس بعد فتره ظهرت بينا مشاكل كتير وكانت بتغلط ف حقي كتير بس ب

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع