آخر فتره بقت هي ملجأي الوحيد مع إنها متعرفش،، معرفش ازاي أو امتا بقيت بحس بيها كدا،، هي دايما قصاد عيني في دروس وفتره تعليمي كله كانت من فصلي حتى بيوتنا مش قريبه بس مش بعيده يعني ،،معرفش بدأت امتا بس بقت بتلفت انتباهي جدا وهي مبتعملش حاجه ولا مجهود بتلفت انتباهي وهي أكتر وحده هاديه في صحابها حتى كلامها قليل مع الناس اللي مش قريبين منها معرفش ليه دايما حاسس إنها زعلانه من حاجه أو حزينه بقيت بزعل جدا لما أشوفها زعلانه ومن فتره قصيره بس أدركت ازاي ابتسامتها بتخليني مبسوط وبقيت مركز معاها ومع الحاجات الصغيره اللي بتعملها بعد السنين دي كلها متكلمتش معاها دايركت إلا مره وحده بس أو أنا بس اللي اتكلمت هي منطقتش أصلا حتى لما ناديت عليها وحده تانيه بنفس الاسم بصت عشان ملاكي مش متعود حد ينادي عليه ولما فكرتها بموقف ليها مع صحابها أنا كنت حاضر فيه ابتسمت بس عشان متكسفنيش وكملت كتابه تاني ،، بقيت بحب أفضل في الفصل في البريك واقعد شايف المكان كله عشان ابص عليها شويه كانت الأول بتحط راسها على الديسك كتير وبتخبي وشها حتى صحابها مبتقعدش معاهم بس حاسسها بقت أحسن معرفش ليه بكتب عنها بس بحس بحاجات حلوه وأنا بكتب عنها حتى لو هي مشافتش أو محدش قرأ ده كله بس بجد ايه الحلاوه دي بقيت خايب جدا وشكلي وقعت ماشاء الله عليها ربنا يحفظها عيونها حلوه جدا بني عسلي كدا محروق مش قادر احدد ايه اللون الخطير ده ورموشها طويله وتقيله بقيت بحسد صحابها عشان بيقعدوا جمبها بيشوفوا عينيها من قريب وخدودها طريه وحلوه كدا وعندها عاده بقت لازقه فيا بسببها أنا حاسس إني مبقتش بركز كويس بسببها بس فنفس الوقت وشها مريح وبرتاح لما بشوفها ومعرفش بيبان عليا ولا لأ أنا زي أخويا ويجز وبجد لما بسمع البخت بحسها احنا جدا

5

4