بصوا يا جماعه انا بنت ومشكلتي غريبه شويتين ثلاثه انا كان عندي مشاكل بيني وبين اهلي بابا ماما مفصلين وكده فانا كنت في الاول عايشه مع مامتي دلوقتي جيت عشت مع بابايا انا عندي اخ كبير ومتجوز في الاول انا ومرات اخويا كنا كويسين جدا مع بعض ماما بابا كل واحد متجوز معلش انا ممكن ادخل الدنيا في بعض بس انا لما بفتكر حاجه بقولها المهم انا اصلا اللي جاب لي بيت بابا ان انا اتخطبت او جالي عريس يعني هو كان حب عمري حب سنتين وانا لسه صغيره اصلا لسه عندي 18 سنه فجيت لبابايا عشان يجوزني ويجهزني مرات بابايا في الاول كان الاسلوب بيني وبينها مش كويس والمعامله بينا مش احسن حاجه فكل كان كل قعدتي في الاول مع مرات اخويا بعد كده بابايا بدا يقول لي لازم تقعدي في بيتنا وما اعرفش ايه و اتصلحت المشاكل اللي كانت بيني وبين بابا وبيني وبقى كله عادي واكل ونومي وشربي عند بابايا زي الطبيعي يعني عند الناس كلها بس كانت مرات اخويا اتعودت ان لازم اطلع اعمل لها طلب واساعدها في شغل البيت شقه مرات اخويا للمعلومه يعني اوضتين وصاله ومطبخ وحمام كلهم صغيرين يعني صغيرين جدا انا لو بفهم في المساحات كنت كنت قلت لكم مساحه الشقه عشان تفهموا اكتر المهم فهي اتعودت بقى ان انا اطلع اعمل لها ولما تحتاج حاجه ولما تعوزي ان هي تنزل تخليني اطلع اخد بنتها منها عشان تنزل هي الوسيلم فاضيه اللي هي بنت اخويا اه بس انا مش مجبره اعمل كده انا كنت بتعمل معايا الاول كويس جدا وكل حاجه جت في مره بهزر انا وهي في الموبايل من تليفون اخويا انا كنت شقتنا وهي في شقتها فوق عشان كنت نازله اجيب طلبات فرنيت عليها لو عايزه حاجه اجيبها لها فاخويا بيقول بازار مراتي مش عايزه منك حاجه ده انت اشكال عره او حاجه زي كده انا صايمه ومش عايزه اغلط المهم فهزرت انا كمان وقلت له قول بس عايزين ايه عشان خاطر مراتك بومه وبتزعل ازاي اقول على مراته بومه قلب الدنيا ومراته بتشتمني عادي وبنهزر مع بعض وكلنا انا بهزر حتى مع مرات بابايا اللي عندها حاجه و40 سنه بقول لها يا رخمه يا بارده عادي بنهزر كلنا كده كلنا مع بعض كده المهم زعل قوي وازاي اقول على مراته كده ونزل كان هيضربني بس الحسن اللي حاسس ان كان خطيبي جاي يوم الجمعه فقلت له ما تضربني عشان خطيبي ما يجيش يشوف حاجه في وشي او يلاقي جسمي وارم يقول لي ايه ده فا ما ضربنيش وطلع ومن ساعتها وانا كنت زعلانه منها ان هو ازاي يزعل عشان كده رغم ان هو كذا مره يشتم خطيبي ويقول شتيمت ك**و ان اسفه ع اللفظ بس عشان تفهمو ڪويس اه معاملتي انا وخطيبي مش احسن حاجه بس ما يشتمهوش هاجي اكتب لكم مشكلتي برده مع خطيبي بس مشكله مشكله نحلها المهم دلوقتي ان جينا في مره بنغسل السجاد السجاد هو حافظات الهيبه دي للسجاد او كده حاجات اخف من السجاد بكثير فهي قالت خذوا سكتي معاك قلنا مش مهم هي حامل ناخد سجلتها نعملها بعد كده قالت خدوا ثلاثه قلنا مش مهم ناخدهم كنا متفقين مع هتاخد اخويا يقعد معاها هي وبنتها على ما احنا نخلص السجت عشان ما يتبلش عشان هو لسه عنده سنتين واكيد هيبهدل نفسه قالت قبلها بيوم ماشي وهتعمل لنا الفطار على ما احنا نخلص ونطلع جيت اديها اخويا وانا باخد السجاده عشان خاطر اغسله وكان خطيبي اللي هم بيشتموه جايب لي بنتها واخويا الصغير فوانيس مع فوانيسي فقلت اديه لها بالمره المهم فخدنا السجاد ونزلنا وبعد كده طلعته لها ثاني يوم لما غسلناه وطلعناه لقيت اخويا بيقول لي انت كنا الساعه 6:00 الصبح لان احنا ما لحقناش نكمله كله عشان الميه قطعت فبقى سجادها وكم واحده من سجادتنا معاه فعملناهم ثاني الساعه 4:00 كنا صاحيين قبل ما الفجر ياذن على ما خلصناهم كانت الساعه 6:00 كده اطلعهم له وطالعه بهدومي مبلوله وهم فوقهم على طول سطح وجو بيبقى هوا فوق بشع وهدومي كانت مبلوله ومتغرقه ميه الاقيه بيقول لي انت مطلعه السجاد مبلول بدل ما يقول لي اي اللي يخليك تطلعيهم مبلولين عشان ما تتعبيش مطلعاهم ينقطوا فزعلت قوي ونزلت وطبعا كنا بنروق ترويقه رمضان فكنا قالبين شقتنا تحت وشقتنا ما شاء الله كبيره جدا ثلاث اوض كبار جدا وصاله ومطبخ وحمام وطرقتين طبعا انت هتقوله ازاي شقتين في نفس البيت شقه كبيره قوي كده وشقه صغيره قوي كده اقول لكم ان شقه اخويا قاسمين على اخويا وابن عمتي الدور لان احنا البيت بتاعنا وبتاع عمتي الله يرحمها فشقه اخويا مقسومه نصين شقه لاخويا وشقه قاعد فيها ابن عمتي هي المفروض الشقه دي بتاعتي انا او بتاعه اخويا الصغير لما يكبر بس هو زمان بابا كان عاملها ليا انا واختي قبل ما تتجوز وتحصل بينها وبين مشاكل المهم قعدنا يوم ما نكلمهاش عشان ما كناش فاضيين هي زعلت ازاي ما ترنوش عليا حتى بالتليفون لو مت انا حامل وتعبانه وكان عندي طلق ولاده من كام يوم وانتم عارفين الاولاد اللي في السادس انا ما اعرفش مش الله اعلم بنتها مش عايز الظن فيها وحش المهم صالحناها وموضوع اتحل بينا هي طلعتنا احنا اللي غلطانين عشان ما بنسالش والمفروض ان احنا لازم نسال هي اللي بتسال على طول رغم ان ده ما بيحصلش بس مش مهم احنا عدينا الموقف وقلنا خير وصالحناها قعدت كذا مره اشوف اخويا برمي عليه السلام ما يردش بس ما كنتش مركزه معايا جينا اول يوم رمضان هو قاعد وكنا احنا بنحط الفطار وبابا كان في الحمام بيترد عشان يصلي العصر عشان اتاخر على الصلاه وهو كان قاعد بيلاعب بنته وبابا طلب مني حاجه اجيبها من جنب اخويا فبقول له ازيك يا فلان لقيته ما بيردش عليا دخلت المطبخ وهم الاتنين كانوا في المطبخ مرات ابويا مرات اخويا قلت لهم ولما ما بيردش عليا مرات ابويا قعدت بره بتقول لي يمكن ما خدتش بالي يمكن ما اعرفش ايه قلت لها عينه في عيني وما ردش عليا لقيت مراته طلعت وهي بتحط الاكل اللي انت ما بتكلمش اختك ليه قال لها ما بكلمهاش بعد ما زعلتك انا بصراحه ما سمعتش الكلام بعد كده كنت داخله المطبخ وماما ما خدوش بالهم لقيت مرات ابويا بتقول لها هو ما بيكلمهاش ليه قالت لها عشان هي مزعلتني وهو اصلا كان قايل لها يوم الخناقه بس نسيت اقول لكم الحته دي ما تكلميهمش تاني طالما هم بيعاملوكي كده واقطعي معاهم ولا تديها حاجه ولا تعملي حاجه رغم ان هي ما بتعملش حاجه بس معلومه اخويا لما كنت باجي اشوفه كل فين وفين كنت مثلا اطلب منه 20 جنيه وبتاع لان انا ما بحبش اتقل على بابا جامد في المصاريف يعني انا كبنت المفروض ان انا يبقى عندي هدوم وعندي وعندي وعندي لما بلاقي حاجه ناقص ما بطلبهاش لو خطيب الدنيا حاجه بجيب بيها لو بابا اداني مثلا 20 جنيه حط 20 على بحوش واجيب اللي انا عايزاه يعني عيد ميلاد خطيبي قرب وانا مش هجيب ليه هديه عشان انا معيش فلوس وبتكسف اطلب من بابا جاب لي في عيد ميلادي وهيجيب عيد الام وجايب رمضان وجايب في مولد النبي ﷺ المهم من ساعه ما هو ما ردش عليا دي وانا مش بكلمه خالص وهي لما دخلت المطبخ لقيتهم بيقولوا ده هو قايل مش هيكلمها تاني بسبب اللي هي زعلتني وكده فانا من ساعه ما بكلمهوش خالص ما عرفتش اكلمه وزعلانه منها جدا ان هي زي ما تحاولش تصلح بيني وبين اخويا رغم ان مرات ابويا لما كنت انا بابا نزعل مع بعض كانت تصالحنا وبابا يشتمها ويضربها ويزعق لها وما تسكتش برده وتكمل وتحاول تصالحنا وانا اقول لها ابعدي عني وما لكيش دعوه بيا وانا بكرهك واتعصب عليها وبرده كانت بتصالحنا فدلوقتي ما بكلمهمش خالص وحلف ما تدخلش شقتهم بس بابا احنا النهارده طلعنا نفطر عندهم ولما قلت لبابا انا مش عايز اطلع بابا اثار وقال لي لازم تطلعي انت طالعه مع ابوك هي لما بتنزل عندنا وبنيجي نفطر في يوم في رمضان اول يومين كانت بتنزل قبل المغرب بشويه وتتلكك بقى انا كنت تعبانه سهرانه ببنتي اي حاجه تعبانه من الحمل الكلام ده كله وبعد ما ناكل تقوم شايله مع مرات ابويا الاكل من على السفره هتكون انا بتوضا جوه وتمسح السفره بس وتسيب الكراسي بتاعه السفره كل كرسي في ناحيه ما تعدلهمش ولا ترتبهم المهم في ايه يعني يعتبر ما بتعملش حاجه وبتقعد بقى بعد كده بعد بابا ما بتحركش نفسها تاني خالص المهم فهم دلوقتي بابا قال لي انت تطلعي مع باباكي ما لكيش دعوه بحد انت لازم تطلعي عشان خاطري فانا لولا بابا اصلا ما كنتش هطلع بس عشان بابا ما يزعلش مني فانا دلوقتي قاعده في الشقه انا واخويا وقلت لمرات بابايا لما ده بتطلع وبتقول لي يلا قلت لها اطلعي انت وقولي لها ان انا قاعده على الواي فاي تحت عشان هم مش راضيين يدوني باسورد الواي فاي بتاعهم وكمان قاعده مع اخويا عشان اخويا مفراج قوي وهي بتزعل قوي لما بيجي ضايق بنتها او يضربها او كده لان اخويا غشيم شويه بحكم ان هو طفل عنده سنتين لسه ما يفهمش حاجه يعني فانا عايزه اعرف هل انا كده غلطت طب عشان اتعامل معاها صح انصحوني بما يرضي الله ولا تيجوا عليا ولا تيجوا عليها انا شايف اخويا كده ناقص لان هو ما فيش مشكله ان هو يعلي مراته دي حاجه انا افرح بيها ما اكرههاش بس دي حاجه المفروض ان هو ما يتدخلش فيها لان انا ما شتمتهاش ولا غلطت فيها ولا اي حاجه دي موقف تافهه دي حله نسوان يعني فانا شايفه بصراحه غلطان قوي ان هو يدخل في حاجه زي كده ويقول لها ما تكلمناش عشان بس نسيت يومين اسال على ايه عشان بنروق الشقه بتاعتنا اللي هي كبيره وكنا قالبينها كلها حرفيا هو وهي بيزعلوا لو ما خدمتهاش وما ما عملتلهاش كل اللي هي عايزاني اما بطلع عندهم بتكون مرات بابا مسافره او حاجه وانا بطلع ابات معاهم وكده تخين اغسل المواعين واصحى الصبح اروق الشقه ما بتعملش حاجه غير ان هي تطبخ بس المفروض انا ببقى عندها ضيفه بس انا متغاظه عن كل ده بس متضايقه من موقفه ان هو زعل ان انا ما كلمتهاش وانا ما كنتش فاضيه بيزعل من اقل حاجه مني لمراته وهو يشتم في خطيبي ويعمل كل ده وانا ما اقدرش اتكلم انا عايزه حاجه بما يرضي الله بالله عليكم انا اسفه على تطويلي في الكتابه بس انا عشان افهمكم بمعنى اوضح يعني وربنا يتقبل صيامكم وقيامكم وادعوا لي بالله عليكم ان ربنا يعدي الايام دي على خير ويهدي لي خطيبي ويهدي لي اهلي واتجوز في اسرع وقت والسنه الجايه اكون في بيته عشان اخلص من القرف والمشاكل اللي انا فيها دي

1

4