انا مش عارف ابدء منين ولا ازاي ولا اقول ايه انا شعوري دلوقتي انا متدايق و متعصب انا مش فاهمني انا ك يوسف انا اتولدت علشان اكون شخص ناجح و غني و عندي بزنس و شركات بالرغم من ان اللي انا فيه حاليا ميوصلنيش لأي حاجة علاقة بالغنى يعني مش بعرف اكون علاقات اجتماعيه ومش مهتم ب جسمي و مدمن على عادات وحشة و كمان انا متعرضتش لأي خبرة في حياتي يعني انا طول حياتي من ساعة ما اتولدت من المدرسة للبيت و من البيت للدرس ومش بروح لأي مكان تاني حرفيا لدرجة اني عمري مروحة في حتة لوحدي عمري مركبت ميكروباص لوحدي عمري ما ركبت توكتوك لوحدي الا مرات تتعد على الصوابع حرفيا وعندي قلق اجتماعي لدرجة ان الناس بيشوفوني زي المتوحد احيانا و لدرجة كمان اني بخاف ارد على المكالمات اللي بتجيلي حتى لو من صحابي حرفيا انا شخصيتي مش موجوده انا بحس اني فاضي من جوا انا بقنع نفسي اني ذكي و اني شاطر بس كل ده من برا ممكن لما تشوفني من اول مره تقول عليا واحد مكسر الدنيا بس مجرد ما افتح بوقي كل ده يتهدم من على الارض انا فاقد الشعور بالانسانيه مش حاسس اني انسان عمري محسيت ان انا ممكن اخد قرار و اشوف عواقبه او اشوف النتائج المترتبه عليه ممكن اكون انا عايش في سلام نفسي و ده اكتر حاجة انا مش بحبها لأنها مدمرة بتخليني احس ان انا احس حد في الحياة و ان الدنيا وردي بينما الواقع بيقول غير كدا خالص و نظرتي عن البنات نظرة مشوهه يعني انا لما مثلا بشوف بنت جميلة مثلا انا دماغي بتتشقلب مش عارف المفروض اعمل ايه افكر ازاي حتى لو بشوف مثلا بنت بتقدم محتوى على اليوتيوب لسه شايف فيديو لبنت جميلة بتقول شوية نصايح عادي و بتشكر المتابعين بتوعها عادي انا بقا جوا دماغي سرحان في جمالها و كمان عندي جوايا شوية حقد بقول انها مش ذكية ولا نيلة انما هي واخده كل الاهتمام ده علشان هي جميلة فقط و انا الذكي اللي المفروض اتمدح و شوية افكار تانية جوايا صراعات كبيرة اوي ازاي هبقا شخصية قيادة وانا اصلا بخاف ارد على الموبايل و ازاي و ازاي وازاي ...... كل ده كوم واللي مخليني متدايق و عاوز اولع في نفسي اني عارف الحل اللي المفروض اني اعمله بس مش بعمله فيه حاجة منعاني فيه حاجة غلط انا عاوز اكون الشخص موطن العلم الشخص اللي عنده علوم كتيره اوي وده هجيبه من اني اقرأ كتير اوي و كمان اتعرض لكم كبير من التجارب وانا باللي فيه ده اخري اروح انتحر بجد انا دلوقتي جوايا مشاعر غضب و حزن و زعل و انتقام و انا مش عارف اعمل ايه في حياتي اللي في الجامعة دي هجيب فلوس منين ولا هبقا غني اصلا ولا كل ده هيروح على الفاضي وكل ده طموح زائف انا بجد انا جيت الدنيا هنا غلطة

2

1