مش قادره انام ومش فاهمه انا عايزه ايه في احساس مصحيني وبحاول اسكته .. شكلي فتحت وجعي من جديد علي نفسي كاني عدوة نفسي الفتره ديه مش حد تاني .. بحاول اقنعني انه خلاص سنين عدت ف قرارات غلط مش لسه هنضيع سنين جايه كمان ف سكك احنا عارفين انها لا بقت لينا ولا حتي كنا فيها عايشين عشان قلبي يكون متلهف بالشكل ده .. كانه معاشش لحظة خوف او كسرك او ذل او خيانة او وجع .. برجع بروح الطفله اللي بتنسي اي حاجه وكل حاجه .. بس لما وعيت بقيت فاهمه ان الطفلة ديه واجبي احميها حتي لو هدوس علي نفسي .. عشان اللي بيبص وراه وهو ماشي لقدام بيقع علي عينه تاني .. واحنا خلاص شطبنا .. داويت كل حاجه بنفسي ووقفت علي رجلي من تاني بعد قهره وكسرة وصياح اد الدنيا كلها .. خلاص افوق .. عشان ممكن الضغط خلاني احس بتعاسه .. بس الحقيقة انا نجيب لاني كنت اتعس بكتير .. وكنت عايشه ف امل لسنين كذاب .. شبه اللي بيحصل دلوقتي … كان بس نفسي حبي اللي بجد يتقابل بحب بجد شبهه من غير ما يتطلب مني شروط واحكام ف المقابل ومن غير ما احس اني قليله ف عين حبايبي عشان انا عمري ما قيمت ولا كان عندي حدود ف الحب كنت بدي من غير حساب وبسامح ولا كاني اعرف يعني ايه زعل كان نفسي حبي ميتقابلش بالكم ده من القسوة ولحظات الرعب اللي عشتها وعلمت فيا وحشني شخصيتي وانا منورة ومبسوطة لانها احلي بكتير من الشخصية بتاعت دلوقتي اللي كلها جد وتعب وبس نفسي ربنا يسامحني ويكون مش زعلان مني بس سعات بحس ان توهاني ده عقاب ليا علي حاجه انا مش عارفاها

2

6