وجع

Strawberry_84197 🇪🇬

منذ 47 دقيقة

شعور ضائع

نفسيتي مدمره حاسه اني هتشلل بسبب الوجع و الي فيضان الي جوايا انا بموت كل يوم كان نفسي نفسي اعيش يوم حلو في حياتي كنت بتمني يجي يوم ليه مكتوبلي كده ليه انا والله العظيم صغيره طفله قلبي بيوجعني جامد مش قادره اتحملوا عملت كل حاجه واجهت كل حاجه كفايا حسبي يالله ونعم الوكيل

Avocado_63971 🇪🇬 ربنا يتولاكي برحمته ولطفه نحن وإياكي 🩷🌷

عرض الكل 3 نصيحة

Orange_68136 🇪🇬

منذ 9 ساعات

شعور مريض

للاسف كل حاجه كنت خايفه منها حصلت حرفيا كل حاجه بجد و من فتره حوالى سنه كنت بحس ب وجع ف قلبي وجع شديد كنت بقول يمكن برد يمكن اى حاجه لحد دلوقتي وانا بكتب الحاله بتاعت وجع قلبي موجوده حاسه اني دايخه و مش قادره اتنفس و رضربات قلبي بطيئه اوى و كنت مش راضيه اكشف استخفافا بالاعراض دي رغم أنها اعراض قويه

Mango_60992 🇪🇬

منذ 22 ساعة

شعور لا مبالٍ

مره واحد صاحبي سألني انت ليه بتتعلق بالناس بسرعه مع انك عارف ان ده غلط وبترجع تندم عليه بس الفكر كلها مش اني غشيم او ناقص وعي عشان اتعلق بالناس بسرعه الي اغلب الناس ميعرفهوش ان ورا تعلقي ده قلب عمره ما داق حنيه من ام او اب من صغره عمره ما حس انه زي باقي الاولاد عايش بيتحاسب علي كل صغيره و كبيره وبي

Popcorn_83008 🇪🇬

منذ يوم واحد

شعور مستنزف

حد عنده تفسير للي بحس بيه!!؟ انا حد من طفولتي كنت بحب الصيف بالسبالي يوم طويل جو حلو اجازة ولعب واكل وفاكهة اللي بحبها موجودة ومفيش دراسة حاليا انا بعشق الشتا مع اني بكون اتعس انسان فيه بكون مكتئب جدا بس معرفش ليه بقيت احب الاحساس ده الوجع الوجودي ده اللي بيلمس وجدانك كله بقيت وحيد من سنتين او اكتر

Onion_84317 🇪🇬

منذ يوم واحد

شعور ضاق ذرعًا

Cherry_60251 🇪🇬 محدش ليه حق يلومك...حقك تتوجع و تتألم ، و حقك تحس انك مظلوم ... ومحدش قال انه الاهل مش هيتحاسبوا، لا طبعا هيتحاسبوا " كلكم راع و كلكم مسؤول عن رعيته" إهمال الرعية مش حاجة هينة أبدا!!!! ، بس أذيتك لنفسك ، هل تعتقد هتحزنهم؟ او هتبقى كدا انتقمت ؟ انت كدا مش بتوجع غير فى نفسك ، اللي هي فضلالك! ملكش غيرها ، أذيتك ليها مش هتقدم ولا هتأخر هتعيشك وجع أشد يوم بعد يوم ..

عرض الكل 6 نصيحة

عبّر عن شعورك بشكل مجهول

انا اللي كنت اذيت نفسي امبارح وشربت سم طلعت جريت فالشارع  ناس بموتسكل خدوني ودوني مستشفي وجابو حاجه دخلوها فظوري ونزلت لبطني ده غسل معدة وخيطولي ايدي والناس جابتلي عصير وحجات ووقفو معايا وقعدو اتكلمو معايا 
يجماعة انا بشتغل من وعندي 10 سنين ومن وقتها بصرف علي نفسي وشايل نفسي بالمعني الحرفي من ونا فخامسة ابتدائي ويرتني عاجب دايما خناقات مع اهلي ووجع قلب لدرجة كرهوني اقعد معاهم علي اكل واخر 3 ايام لحد ما كنت فالمستشفي والله العظيم ما دقت لقمة ومشربتش ميا غير مرتين تلفوني انا اللي شاريه لنفسي هدومي اكلي شربي اي حاجه حرفيا صرفت علي نفسي فيها وحوشت وعملت فلوس دايما بتقارن فالبيت من اهلي باللي احسن مني ولمي اجي ارد ادافع عن نفسي ببقي عاق وبرد عليهم مع اني والله العظيم احسن شب فعيلتي كلها والناس كلها بتحبني دول عندهم اعاقة زهنية باين دي مش اول محاولة اني اذي نفسي من شهر عملت كده وقبلها بفترة برضو خدت شريط برشام قلب وبرضو اتلحقت فأخر اللحظة الدكاترة كلمتهم وقالولهم غيرو اسلوبكم معاه ومش هينفع كده طلبت ان انا ابعد عنهم واسيب البيت وامشي مش راضين لاا عاوزين يسبوني فحالي ولاا عاوزني اسيبهم طلبت اخطب ونا مقدر رفضو قلت عادي مفيش حاجه واللي ملوش خير فاهله ملوش زفت فحد وعمال اسمع كلامهم ومش بزعلهم بس خلاص بجد حسبي الله ونعم الوكيل فأي اهل تزل عيالها او تجيب عيال متعرفش تربيها وتديلها حقوقها انا بتزل ونا شايل نفسي من صغري واخواتي بيتزلو بالاكل والشرب والمصاريف يعني بجد ليه نجيب عيال ونرمي ليه الجهل ده وليه اقتناع ان العيل بيجي برزقه راكب الاهالي كدة ده جهل ونا تعبت ومفيش حل جربت اتكلم معاهم مليون مرة تعبت منهم الناس بتلومني عشان حاولت ااذي نفسي مهو من القرف اللي شايفة وكل يوم كلام زي السم عالاكل وخناقات قررفت بقيت بكرههم حسبي الله ونعم الوكيل فيهم ربنا يوريني فيهم عجايب قدرته والله العظيم انا مؤمن ومقتنع اقتناع تام ان ربنا هيحاسب الاهل بالظبط نفس ما هيحاسب الولاد علي بر الوالدين وزي ما في ابن عاق في اهل عاق بجد كرهت القرف انا لو مقدرتش اتجوز مش هتزفت اظلم حد معايا ليه ولاا اجيب عيال وارمي ليه واقول اهو بيجي برزقه مهو ده جهل وتخلف مجبليس خمس عيال ونا بقبض 8 او 10 الاف جنية واقول هكفيهم واعيشهم انا مخلصتش كلامي ولاا ده هيشرح كل حاجه حصلت واللي وصلني للي كنت عليه امبارح بس انا بجد تعبت وقرفت انا مليش صحاب او ليا بس كل حد مشغول فحياته والتزماته ومعنديش حد اكلمه حتي البنت اللي كنت بكلمها وطلعت متعلق بيها تعلق مرضي واللي اكتشفت انه بسببهم وبسبب اهمالهم ليا مش هتبقي من نصيبي بسبب غبائهم كل شباب عيلتي خطبو ونا يلي سابقهم ومقدر عنهم لا وايه السبب يعني يرتني حتي بلاقي ردود مقنعة ولاا اسباب تدخل العقل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Kiwi_51151 🇪🇬

منذ يوم واحد

شعور غاضب جدًا

مش عارف صاحي م النوم مضايق جداً ومش طايق نفسي ولا طايق الدنيا الفكره كمان اني حلمت بواحده كنت بحبها وانا اصلاً بحاول انسها يعني حاجه ف قمه وجع الدماغ ع الصبح غير اني قافش مع اقرب ناس ليا ومضايق م جوايا وفعلاً الواحد قرفان غير ان الواحد محتاجه شغل اضافي يزود بيه دخله مش عارف بحد بس انا كنت مضايق وحبي

Croissant_52708 🇪🇬

منذ يوم واحد

شعور متعب

🕊️ يا جماعة… عمركم حسّيتوا بندم يخنق النفس؟ أنا مؤخرًا بدأت أفكر في كل الناس اللي يمكن كنت سبب في وجعهم، سواء بكلمة قلتها وراهم، أو تصرف جارح، أو حتى سكوت في وقت كان لازم أقول الحق. أنا غلطت، واتكلمت على ناس من وراهم، ووجعت قلوب يمكن كانت بتحبني. الوجع مش بس في الذنب، الوجع إنك تكون مش عارف الناس د

Croissant_52708 🇪🇬

منذ يوم واحد

شعور مكسور القلب

يمكن أكتر حاجة اتغيرت فيّ الفترة الأخيرة، إني انطفيت من ناحية البنات 💔 مش كُره، ولا غرور، بس خلاص.. مبقاش عندي نفس الشغف ولا الفضول ولا اللهفة اللي كانت زمان. كنت زمان ممكن أتأثر بكلمة، بنظرة، باهتمام بسيط .. دلوقتي بقيت شايف إن أغلب الحكايات بتبدأ شبه بعض وتنتهي بنفس الشكل .. نفس البدايات، نفس ال

عبّر عن شعورك بشكل مجهول

يمكن أكتر حاجة اتغيرت فيّ الفترة الأخيرة،
إني انطفيت من ناحية البنات 💔

مش كُره، ولا غرور،
بس خلاص.. مبقاش عندي نفس الشغف ولا الفضول ولا اللهفة اللي كانت زمان.
كنت زمان ممكن أتأثر بكلمة، بنظرة، باهتمام بسيط ..
دلوقتي بقيت شايف إن أغلب الحكايات بتبدأ شبه بعض وتنتهي بنفس الشكل ..
نفس البدايات، نفس النهاية، نفس الوجع.

جوايا صراع كبير،
بين جزء لسه نفسه يحب ويتحب بجد، يلاقي بنت شبهه تفهمه من غير ما يتكلم كتير ..
وجزء تاني تعب، تعب من العلاقات المؤقتة، ومن الناس اللي بتدخل حياتك عشان تسد وقتها، مش عشانك.

فبدأت أختار نفسي.
بدأت أركز في شغلي، في طريقي، في مستقبلي ..
بقيت بحب العزلة أكتر من الحوارات الفاضية، وبقيت بحس إن راحتي أهم من أي علاقة نصها تعب ونصها تمثيل.

أنا ما اتبلدتش ..
أنا بس اتعلمت أكون هادي.
اتعلمت أحمي نفسي من الوجع اللي كنت بدخله بإيدي.
اتعلمت إن مفيش علاقة تستاهل أخسر راحتي علشانها.

مش ضد الحب،
بس خلاص.. مش مستعد أحب أي حد.
أنا مستني حب حقيقي.. حب يطمنني مش يوجعني،
يولّع الشغف اللي جوايا من غير ما يحرّقني ❤️🔥

ووسط كل ده، بقيت دايمًا بدعي ربنا 🙏
يخلّي قلبي سليم، ما يحملش كره ولا وجع لحد،
وإنه يعوضني بالراحة، بالسلام، وباللي يستاهلني بجد.
لأني مؤمن إن كل حاجة بتروح، بس ربنا عمره ما بيغيب ❤️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_81794 🇪🇬

منذ يومين

شعور شاعر بالملل

أنا عندي صحاب كتير نوعا ما وبيبقي في شباب معايا في الدرس بيقفوا ويتكلموا معايا ويسلموا عليا وكده ولكن أنا الناس الي بتقف معايا مش بحب ارقامهم وتبقي صحاب اكتر بخلي العلاقه علاقة زماله في الدرس بس وكمان عايز اقطع علاقتي بصحابي بحس أن أنا مختلف عنهم تفكيري ناضج كتير عنهم وكمان بحس بالأستنزاف أن في أشخا

Strawberry_80896 🇪🇬

منذ يومين

شعور مكسور القلب

بقيت شايفة ان التخلص من شخصيتي السيئة(العصبية المُميتة) شيء مستحيل ان اتعافي منه، حاجة مش جايبة ليك غير حرفيا وجع القلب اللى بيترتب عليه دموع و نوم و قد ينتهي بمُفارقة الحياة، من أكبر الذنوب و الابتلاءات اللى في حياتي، هي عصبيتي، اللى أكاد أُجزم ان مفيش حد يقدر يتحملني فيها، كلام قد يبان للبعض انه ا

Croissant_52708 🇪🇬

منذ يومين

شعور متوتر

قلت لزميلتي في الشغل إني بروح مقابلات شغل عشان أتقدملها، كنت صادق، كنت ناوي على خير، وكنت شايف فيها مستقبل. هي عملت نفسها فرحانة، وضحكت، لكن بعد كده راحت فتنت عليا للمدير. من ساعتها وأنا مش طايق أتكلم معاها، لأن عندي الحب يعني ثقة، والثقة دي لما تتكسر، بتسيب وراها وجع ما بيتصلحش بسهولة. كنت باني عل

عبّر عن شعورك بشكل مجهول

قلت لزميلتي في الشغل إني بروح مقابلات شغل عشان أتقدملها، كنت صادق، كنت ناوي على خير، وكنت شايف فيها مستقبل.
هي عملت نفسها فرحانة، وضحكت، لكن بعد كده راحت فتنت عليا للمدير.
من ساعتها وأنا مش طايق أتكلم معاها، لأن عندي الحب يعني ثقة، والثقة دي لما تتكسر، بتسيب وراها وجع ما بيتصلحش بسهولة.

كنت باني عليها أحلام ومستقبل، واكتشفت إني كنت غلطان… اخترت غلط، ووثقت غلط.
دلوقتي بقى عندي وسواس في التعامل مع الناس، والمدير كمان كافأها على الفتنة اللي قالتها.
واحد خريج تجارة إنجليزي، كل غلطته إنه حب بجد.
هي حتى ما خبتش، راحت تفتن على الأوفيس جيرل علشان كيس سكر!
طلعت اختيار غلط، وأنا بجد مش مسامح نفسي.
كنت بحارب الدنيا علشان أبقى كافي ليها، وفي الآخر اكتشفت إني كنت كتير أوي عليها.

بس خلاص، فهمت الدرس.
مش هستنى اعتذار، ولا اعتراف، ولا محاولة تصحيح من مصدر الأذى.
اللي أوجعك مش مسؤول يعالجك… التعافي ده شغلتك أنت.
هما أدّوا دورهم ووجعوك ومشيوا، ودورك دلوقتي إنك تقوم وتتعافى.
الـ closure بتاعك أنت، أنت وبس.

ونسيت أقولك، مش معنى إنك معاك الحق إنك مظلوم،
ولا معنى إنك مظلوم إنك ليك حق.
الحكاية كلها عن مين اللي يعرف يحكي روايته أحسن.
في النهاية، ممكن تكون أنت الجانب الطيب، بس الشرير ينتصر لأنه بيعرف يسرد حكايته.

والانتصار الحقيقي مش إنك تغيّر مبادئك،
لكن إنك تتعلم تحكي حكايتك، تحكيها بقوة، تحكيها بصدق.
الحق محتاج صوت، محتاج قصة، محتاجك تكون صانعه.

وفي الآخر…
في نوع من الزعل اسمه "أنا زعلت إنها جت منكم"
اللي هو وجع الصدمة مش من الموقف، بل من الأشخاص اللي كنت مستثنيهم من كل خوفك.
اللي خدت منهم القلم مش وجعك قوته، وجعك صاحب الإيد اللي ضربك.

يا خيبتك لما تبقى واثق إنك متهونش… وتهون. 💔
دنا زهقت من الحياه وعايز اخلص بقا ده يرضي ربنا !؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

منذ يومين

شعور متوتر

المشكلة ف شكلك الى مش بيعبر عن الى جواك.. إنسان عادى يمكن بتغضب وبتعبر وبتتكلم وبتضحك وحاجات كتير.. انسان عادى .. بس محدس حواليك عارف الحقيقة حقيقة تعبك النفسي الى بيخليك تيجي تكلم نفسك هنا انا بتكلم عن نفسي.. اعتقد لو ف يوم الى حوالينا كم الوجع والحاجات الى بنمر بيها من غير م نقولهم او نبين كانوا

Coffee_56986 🇪🇬

منذ 3 أيام

شعور متعب

بالرغم من اني ابتديت اتحسن كتير اوي في كل حاجه و ربنا عداني من كل التعب و الضغوط الي مريت بيها الحمدلله الا اني للاسف لسه جوايا وجع و تعب مش فاهم و. لا لاقيله مبرر و كتير جدا بيبقى نفسي اعيط بدون سبب و مش عارف أعيط ( مع العلم ان انا اصلا نادرا لما بعيط و قليل المشاعر أو نادرا جدا لما بحس بأي مشاعر

Candle_52570 🇪🇬

منذ 3 أيام

شعور آسف

عبّر عن شعورك بشكل مجهول

في سوال كنت عاوز اعرف لو حد عندو اجابه او حل وهو اني حبيت يعني للأسف انا حبيت واحده من فتره ممكن السن كان مخلي الموضوع في الأول مش جد بس لما كبرت المشاعر مرحتش متغيرتش ممكن بتفكيرها اني بتسلي بتاع بنات او مشاعر مش حقيقيه وانها هتختفي بس كلامها غلط ممكن وهي بتقرا دلوقت وشافت وانا بقول كلامها غلط تزعل 😅 بس دي الحقيقه اصل معلش اي التمثيل او التسليه اللي تخليني متمسك فيها وفي تفكيري فيها سنين ممكن بدايتنا اه مكنتش كويسه ومكنش ينفع تبقي دي بدايتنا لو كنا هنحب بعض بس مش بيدي اه احنا سبنا بعض اكتر من مره بكتير اوي وكنا بنرجع واكتريه الأسباب بتبقي بسببي يس من غير قصدي والله بس برضو كنا بنرجع في كتير ممكن حصلت ليهم نفس الكلام وفي اللي عرف يتخطى وفي اللي سمع كلام الناس في حته مش آخر واحده وهتلاقي الأحسن بس انا مش عاوز احسن ولا عاوز واحده غيرها هي بالنسبه ليا كان أول كل حاجه وكل حاجه معاها فا ازاي هيكون في حاجه تانيه مع حد تاني غيرها في حاجات مش قادر اني امتنع عنها زي اني افكر فيها وافتح وتس علي شاتها واسمها اللي كاتبه ليها ورقمها او اخش الفيس علي حسابها اتأكد انو لسا في نشاط عليه او لا او اخش هنا بقالي فتره كبيره محمل الابليكيشن هنا بس علشان اشوف لو نزلت حاجه او لل وبقرا االي بتنزلو كل يوم حتي امبارح لما اتكلمت عن موضوع تالته ثانوي  بعتذر مكنش اني اساعد قد ما كنت عاوزها هي تقرأ علشان يساعدها حتي لو بطريقه غير مباشره  حتي في عيد ميلادها برغم ان كتير قالو متبعتش وكفايا وخلاص بس مقدرتش وبعت مجاش رد اه ومكنتش مستني رد علي كنت عاوز افرحها بس اوقات بعدها وقبلها كتير فكرت ابعت حتي لما كنت بشوف اللي بتنزله من مشاكل في يومها اة دروسها اة مذاكرتها بس مكنش شبه في شجاعه غير وقت عيد ميلادها فا لو حد

لو هي عرفتني وعرفت ان الكلام عليها فا ياريت تعرف اني مش هنساها واني لسا بحبها واني مش همل ولا هزهق في التفكير فيها ومش هفكر ولا هحب غيرها واني بعتذر ممكن للمره الالف ليها بس الاعتذار لسبب بيبقي مش ضعف بيبقي احترام وقوه وحب بعتذر ليكي عن اللي مريتي ممكن بيه معايا بعتذر لو زعلتك وتعبتك ولو عيطي في يوم بسببي بعتذر  وان شاءالله توصلي لهدفك وللي بتحلمي بيه

✨️M

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_87569 🇪🇬

منذ 3 أيام

شعور متعب

ياريت لو حد مر بنفس تجربتي يفيدني جسمي بيتقطع حرفيا وجع اول مره احسه وفجأه ومن غير اى سبب ادخل فى مود عييط وافضل اعيط سواء على جسمي اللى بيوجعنى او من غير سبب شعري بينزل بطريقه مبالغ فيها مفيش وقفجأه مش ببقى طايقه اى حاجه ف حياتي ولا أهلى ولا خطيبي ولا نفسي ولا كليتي ولا اى حاجه ولا حتى النوم نف

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع