أنا حاسس بالإهانة والخذلان. كنت ناوي بكل صدق أتقدّم وأفتح قلبي، لكن اكتشفت إن الشخص اللي قدامي ما يستحقش الصدق ده. ودانها سمعت عني ومسمعتش مني، ونواياي الطيبة اتفسّرت خِسّة وضعف. عملت مقابلات شغل كتير علشانها، وتعبت، وضغطت نفسي، وكنت مستعد أشتغل شغلانتين وتلاتة، وفي الآخر اكتشفت إن كل ده رايح لحد مش شايف غير مصلحته. بقالي سنة وتسع شهور بدوّر على شغل، طوّرت نفسي، اتعلمت إنجليزي، واتدرّبت محاسبة سنة كاملة من عمري، مش علشان أبقى أقل… لكن علشان أبقى جاهز وأتقدّم صح. وفي الآخر الجملة القاتلة: إنت مش مضطر تعمل ده عشاني، أنا مخطوبة. الوجع مش في الرفض، الوجع في إن التعب كله طلع في المكان الغلط. اتعلمت درس قاسي: مش كل حد يتعب علشانه يستاهل التعب، ومش كل نية صافية بتتقابل باحترام. دلوقتي بقفل الباب، مش كره… لكن حفاظًا على اللي فاض من قلبي. كلهم كدا كلهم كدابين كلهم سطحيين كلهم كدا والإنسان هيفضل انسان اناني وميملاش عينه الا التراب وهي انسانه حتى وهي مخطوبة ومش نصيبي تنتقص من رجولتي وتسمع من مديري اني راجل زفت كداب عشان بدور على زفت شغل تاني عشان اتقرفت من وشه

1

2