اشرب مية، ريّح ضهرك، دي مش نصيحة عابرة، دي بداية إنقاذ. جسمك ليه حق عليك قبل أي حد، وضميرك محتاج هدوء قبل أي قرار. ركّز في مستقبلك، مش عشان الدنيا هتستناك، لكن عشان محدش هيشيل عنك شيلتك. كل دقيقة بتضيع في التفكير في اللي ما يستاهلش، بتتخصم من عمرك ومن فرصتك إنك تبقى النسخة اللي نفسك فيها. ابعد عن الحب دلوقتي. مش لأن الحب وحش، لكن لأنك تعبان. والتعبان لما يحب، بيحب غلط، وبيستنى من غيره يعوّض نقصه. الحب محتاج واحد واقف على رجليه، مش واحد بيحاول يتوازن. سيبه على جنب، مش هيروح في حتة، ولما تبقى جاهز هتلاقيه لوحده. نام بدري. النوم مش كسل، النوم إعادة تشغيل. دماغك محتاج يفصل من دوشة الناس، من التحليل الزيادة، من الأسئلة اللي ملهاش إجابة. يومك اللي بيبدأ بدري، بيخلّيك سابق نفسك قبل ما تسبق غيرك. وسيب الناس في حالها. مش كل نظرة ليها معنى، ومش كل كلمة تستاهل رد. في ناس دورها الوحيد في حياتك إنها تستهلكك. دول ما يتجادلش معاهم، ما يتشرحش لهم، ما يتبررش قدامهم. دول يتسابوا. وفي الآخر، لما تلاقي حد بيستفزك، بيقلل منك، أو داخل حياتك من غير احترام… خد نفس، افتكر نفسك، وقول كسمه. مش شتيمة، دي علامة إنك اخترت السلام.

2

0