"هو إحنا بنرتبط عشان بنحب.. ولا عشان خايفين نكون لوحدنا؟" دلوقتي فيه حالة عامة بين أغلب الشباب، إحساس تقيل بـ "الوحدة" رغم إن الموبايل مش بيسكت إشعارات. الشاب من دول بيبقى جواه فراغ رهيب، وبمجرد ما يبدأ يحس بالوحدة دي، أول فكرة بتيجي في باله هي: "أنا لازم أرتبط.. الارتباط هو اللي هيحل كل حاجة وهيملا حياتي." بس خلينا نقف دقيقة ونسأل نفسنا بصراحة: هو الجواز أو الارتباط "علاج" للوحدة؟ ولا إحنا بنحمل الطرف التاني حمل مش حمله؟ لما بتدخل علاقة وأنت "جعان عاطفياً" ومحطم من جوه، بتبقى مستني من شريك حياتك إنه يكون (الدكتور النفسي، والأب، والأم، ومصدر السعادة الوحيد).. وده في الأغلب بيخنق العلاقة وبيهدها، لأن مفيش بشر يقدر يدي كل ده طول الوقت. الحقيقة المرة إنك لو مدخلتش العلاقة وأنت "شبعان بنفسك" ومتصالح مع وحدتك، هتدخلها وأنت "محتاج"، والمحتاج دايمًا بيبقى قراره تحت ضغط.. وساعتها الارتباط بدل ما يكون "سكن"، بيبقى مجرد هروب مؤقت من وجع أكبر. السؤال ليكم: تفتكروا هل الارتباط هو "الحل" الفعلي لمشكلة الوحدة، ولا لازم الواحد يتعلم يعيش سعيد لوحده الأول عشان يعرف يسعد غيره؟ ؟🙂

1

6