استجمعت قوتي ومسحت رقمه والشات اللي كنت خايفه امسحه بعد ما اقتنعت تماما من جوايا اننا بجد مش مناسبين وانه عمره ما هيتنازل عن الافكار اللي ف دماغه حتي لو هيخسر اللي بينا وانه مش شجاع كفايه انه يفهمني بجد ويتقبل شخصيتي زي ما هي بس كان دايماً بيحاول يقنعني بالعكس انه فاهمني كويس وانه بيحاول يخليني دايما اعمل الحاجه الصح .. بس اللي هو مش عارفه اني كنت بعمل الصح من غير سيطرته عليا حتي .. انا دايما كنت شخصيه باينه للناس كويسه ومميزه ومكنتش بشوف ده ف عينيه عشان هو كان عايزني اكون بالشكل اللي هو عايزه عشان ابقي تمام وشاطره ويحبني اكتر .. ده مكنش حب 💔 ودعته وانا لسه جوايا حاجات كبيره ليه وعارفه اني همر بايام صعبه وهو كمان .. بدعيله وبدعي لنفسي نتخطي ونكون احسن .. لان كل اللي عشناه مكنش سهل ونستحق ف النهايه بعد ما نتوب ان شاء الله وربنا يسامحنا اننا نرتاح من المعركة اللي كنا فيها ديه .. لان مكنش فيه راحه ف اجتماعنا طول الوقت كنت بحاول اجيب ده ف اسباب كتير الا السبب الحقيقي ان ده مش النصيب .. وان اللي بدا غلط مش هيكمل صح وان مفيش حد بيقدر يغير من كيانه عشان يدوب ف كيان حد تاني انا تعلقت وعشت ذكريات كتير حلوه بس ده مش هيكون سبب رجوعي تاني ف يوم ابدا لان الذكريات ديه انتهت ومن كتر اختلافنا مبقيناش عارفين نعيش تاني زيها كل ذكري جديده بتكون منغصه بالوجع افضل ليا اني افتكر وانا بعيدة علي اني اكون مع الشخص وانا مش عارفه اعيش اي احساس بشكل حقيقي او صح مبقاش عندي القدره اكون حد تاني غير نفسي مع اقرب الناس ليا عشان ارضيهم انا عايزه اكون نفسي واتقبل زي ما انا وهو برده حقه يعيش ده عشان كده تقبلت وخلاص عايزه اودع كل الاحلام واحط رجلي علي ارض الواقع اللي بيقول برده كلام تاني كويس مش وحش وهو اني هشف ناس كتير وهفهم اكتر عن نفسي وشخصيتي واني ازاي اعدي الالم ب اني اعيشه واتقبله مش اهرب منه ربنا يلهمني الصبر ويعفو عني ويلطف بينا احنا الاتنين لان بعيدا عن علاقتنا احنا الاتنين ف المحيط بتاعنا ناس طيبه وبتحب الخير لكل حاجه حرفيا ربنا مش هيسيب قلبي ولا قلبه مكسورين … بتمني ميكنش شايل مني وقادر يتقبل وصورتي تفضل عنده كويسه ويفهمني ف يوم انا مبقتش بفكر اني اكون مع اي حد مع اني محتاجه سند بشكل كبير ف حياتي بس هحاول الفتره الجايه اكون السند لنفسي اتعرف عليها من اول وجديد كاننا صحاب لاني لما ببص علي نفسي من بره بحس اني انسانه مكافحه وبمر بحاجات كتير وبحاول وبعدي بحس اني متعاطفه مع نفسي وانا مسامحه نفسي علي اي حاجه واي اختيار ويارب اخرج من كل اللي فات بقلبي تاني سليم واكون اتعلمت بجد الحمد لله قفلت الصفحه اللي مليانه وجع بس كمان فهمت انا مين فيها وعايزه ايه بجد

3

0