امبارح كان اجازه وانا يوم الاجازه ده بيبقي معظم الوقت كابوس بنسبالي مش بقضيه بروقان زي باقي الناس يمكن كنت او سعات بس معظم الوقت دلوقتي ببقي ف السرير انا حتي مش بقوم للحمام الا بصعوبة ومش ببقي عايزه حد يكلمني وبالتحديد بابا مش بحب وجوده ومش بحب انه يسالني اساله هبله ملهاش اي لازمه عشان بس يفتح كلام يمكن لو كان اب احسن من كده كنت حنيت عليه اكتر بس من ساعت ما خلاني اقسي قلبي عليه بقيت كارهه قربه اللي مش بيكون فيه اي حاجه غير مصالحه هو بس واول ما بيسمع اي مشكلة ليا اوي شكوي بيهرب ويقفل الكلام ويمشي بكره يوم الاجازه وبفضل اقول لنفسي قضيه بره البيت بس بقول برده انا باخده عشان ارتاح مش عشان اتبهدل برده ف الشوارع زي باقي الاسبوع عشان الشغل امال هرتاح امتي ؟؟؟ نفسي يكون ليا بيت خاص بيا محدش يقتحم خصوصيتي ولا يقطع عليا راحتي

0

4