أكتر شئ ممكن يهلك الإنسان هو التعود.. وانا صغيرة كنت بحب أتعامل بكل مشاعرى وديما بحسن الظن بالناس الى بتعامل معاها لحد م الاقي مثلا الى قدامى إتغير .. غالبا دا كان بيحصلى مع صحاب المدرسة كل فترة مع إختلاف الاولويات فجأة تتغير وتبعد انا مكنتش كدا كان نفسي جدا اعمل صحاب العمر الى نبقى مع بعض من وإحنا صغيرين ونفضل سوا للابد.. بس مع تكرار شعور الخذلان من ناس مختلفة حسيت ان يمكن المشكلة فيا انا فقررت أبعد يعنى انا موجودة طول م فيه حد محتاجنى غير كدا بختفى ومطلبش من حد أى حاجة مبعرفش أبدأ مع حد كلام اى كلام مهما كان الى عايزة اقوله مهم.. بقيت دايما سايبة الباب موارب عشان لو حد عايز يمشى يمكن يتقال عليا ماليش عزيز ودى حقيقة بس مش بالمعنى الوحش انا بحاول احط حدود لمشاعري مع أى حد متوصلهوش لدرجة انه يتمكن من جزء فقلبي ففأى لحظة ممكن اتوجع.. فكرة الثقة مبقتش بثق في حد الوشوش مهما كانت بريئة والكلام مهما كان حلو انت متعرفش الى مستخبي جوا .. "كلُّ الطرق التي سلكتها نحو الآخرين أعادتني إليَّ كأن القدر كان يخبرني أن لا وطنَ لي إلا داخلي" فروغ فرخزاد

1

7