كيف اتخطى شخص كسر قلبي وخلاني أشعر إني أبشع حاجة؟

Question

انا بموف اون من شخص قعدنا سنة مرتبطين بس حرفيا عشت معاه احلى ذكريات بعمري كله عوضني عن كل القسوة الي شفتها فحياتي وفجأة بلا اسباب بدأ يتغير وفجأة انا مش مرتاح وبعد وقلب الطربيزة عليا وحسسني اني ابشع مخلوقة فالكوكب وانا مأذتهوش شوية انساه وابقا زي الفل واكمل حياتي وشوية احس اني لسة واقفة مكاني وهو كمل وفجياتو بنات وعادي عايش محاولش حتى يرن عليا يطمن انا كويسة ولالا انا انخذلت منو وكسر خاطري وقلبي كسرة صعبة اعمل ايه عشان اتخطاه؟ في امل انساه ولا خلاص كدا هعيش عمري احب حد كسر قلبي !!!

Carrot_71203 🇪🇬 · Accepted Answer

تقدرى تتخطى اللى انتى فيه بالصبر والعزيمه والقوه ، اعتبريه ماضى وانتهى وراح لحاله وقادر ربنا يعوضك أن شاء الله

Grape_55150 🇪🇬 · Answer

هتعدي .. بس هو كان اختيار سئ وتوقيت سئ ..ف وقت احنا محتاجين فيه  شعور معين

Ice Cream_63106 🇪🇬 · Answer

طالما بعد عنك يبقا شر ليكي لازم تعرفي ان ربنا عز وجل خلاه يبعد عنك لحكمه معينة ممكن انتي مش شايفاها دلوقتي لكن الخيره فيما اختاره الله

Mango_75636 🇪🇬 · Answer

ونعم بالله هو بس وحشني وكل مافتكر الطريقة الي سابني بيها وكلامو الجارح وقتها بحزن اوي على الوقت الي عشناه وعلى اني كنت كويسة معاه وانو باعني ف ثانية بحاول افوق من الصدمة

Mango_75636 🇪🇬 · Answer

وارد بس انا مدركة اني للاسف حبيتو

Mango_75636 🇪🇬 · Answer

يارب بجد اتمنى من الله عزوجل كدا لان حقيقي موضوع التعافي من شخص دا مؤلم

Grape_55150 🇪🇬 · Answer

معاكي ف الكلية؟

Mango_75636 🇪🇬 · Answer

لا بس تفرق ف ايه

Toast_75618 🇪🇬 · Answer

حاولي تقربي لحد تاني  وا تحبيه  تاني

Mango_75636 🇪🇬 · Answer

مش حابة اخش ف ارتباط تاني لانو حرام شرعا اولا ثانيا مش قادرة احب حد بعديه 🥲

Grape_55150 🇪🇬 · Answer

البعد اسهل من يكون قدام عنيكي

Cookies_62236 🇪🇬 · Answer

هتنسيه والله 
الحياه مبتقفش ع حد بجد
و هتتعرفي ع حد مناسب و تحبيه و تكملو و دا مش هيجي ع بالك تاني ابدا
حتي لو واقف ع رموشك و لا الهوا

المشتبه فيه انو نرجسي 
اوعي ترحعيلو مهما حاول يرجعلم و اعتذرلك و فرشلك الارض ورد و دهب 
اوعي ترجعي 
اللي ساب مرة هيسيب مليون مرة
+
اللي ساب عمره ما حب

Grape_55150 🇪🇬 · Answer

القدرة ع الموف اون

Mango_75636 🇪🇬 · Answer

لا مش من الكلية احنا كنا long distance  اصلا محافظات مختلفة

Grape_55150 🇪🇬 · Answer

ازاي حسسك انك ابشع مخلوقة

Mango_75636 🇪🇬 · Answer

اصلا هو الي أصر نمسح بعض من الابلكيشنز واول مامسحتو بلكني استغربت الجبروت  الي اتصرف بيه عشان كدا بحاول اتعافى لان طريقة مشيانو كانت مؤذية اكتر من وجوده المؤذي لانو اوريدي كان مقصر ف حقي سواء اهتمام كلام وقت

Mango_75636 🇪🇬 · Answer

طريقة هروبو من المواجهة وانو حرفيا خذلني اول ما اتخانقنا خناقة كبيرة عشان لقيت بنت عندو قلتلو يشيلها اتحجج ب حجج فارغة وفجأة قلب الطربيزة وانتي شكاكة وانتي وانتي وانتي وانا مش مرتاح ومش عايز اكمل دلوقتي بتشكي فيا بعدين هتعملي ايه وانا مكنتش شاكة انا كان معايا دليل انو بيكلمها اصلا ومخبي عني  وكمان كدب عليا وعرفت انو كداب

Mango_75636 🇪🇬 · Answer

قلب الطربيزة عليا وطلعني انا الي فيا العيوب وانو حرام هو الي مش قادر يكمل وللأسف انا اتاثرت  بالكلام السلبي الي قالو ف حسيت بخذلان رهيب منو خصوصا انو بلكني

Peanut_75647 🇪🇬 · Answer

للاسف الموضوع دة ممكن يكون ليه جانبين، جانب سلبي وجانب ايجابي..

الجانب السلبي وهو ان ممكن كان بيتسلي بيكي وكان بيكلم كذا حد بدون ما تعرفي ودة خلاه يتعامل معاكي بسهولة بدون تعقيدات الحب، ولازم تعرفي ان مفيش راجل حب بيسيب الا لو البنت اللي بدأت… يمكن حسيتي معاه بحب ويمكن عشتي ايام حلوة كثير عشان بيديلك الاحساس اللي بتكوني محتجاة وبعدها يلاقي حد تاني فا يسيبك مع نفسك لأنه مكنش بيحب..

Peanut_75647 🇪🇬 · Answer

الجانب الايجابي هو ان كويس انه مشي عشان تعرفي تخرجي برا الدايرة بتاعتك لانه مكنش هيوصل للنهاية معاكي.. حاولي تتعرفي علي ناس جديدة وساعتها هتعرفي ان هو مكنش الشخص المناسب… الدنيا بتتغير ولو كلمتي شخص ثاني هتحسي انه ممكن يديلك نفس الاحاسيس الشخص الاولاني كان مديهالك، مدوريش علي الحب لأن انتي في فترة مكسورة فيها وحاولي تهتمي بنفسك وتتعرفي علي ناس جديدة

Cookies_62236 🇪🇬 · Answer

بصي يا قلبي عشان تتعافي لازم تعرفي انتي بتتعاملي مع اي اقري كدا صفات النرجسي شوفيها لو متوفرة فيه و لو هو نرجسي شوفي في طرق كتير لفك التعلق و التعافي منهم 
و الاكيد هو نرجسي عشان دي مش طريقة حد عادي

Mango_75636 🇪🇬 · Answer

يعني ايه الراجل مش بيسيب الا لو البنت بدأت 
بدأت ايه ؟

Mango_75636 🇪🇬 · Answer

ممكن تفهمني؟؟

Peanut_75647 🇪🇬 · Answer

القصد ان لو الراجل حبك بجد عمره ما يسيبك لحد غيره.. الا لو انتي اللي سبتيه وساعتها حاجة من اثنين يا يستسلم يا يحاول مرة انك ترجعيله… بس هنا المواضيع مختلفة وهو انه متعلق بيكي بس مش بيحبك وانتي متعلقة بيه.. واكيد في تفاصيل كثير لازم اكون عارفها عشان اقدر احكم بالظبط