علاقات فاشلة

Apple_73577 🇪🇬

منذ ساعتين

شعور عاطفي

الحياة مضحكة اوي اما تفضل تعيش أهطل بتصدق اي حاجه بتصدق اي وعد بتحس بكل شئ بكل حاجه بتصدق الوعود بتحاول تسخر نفسك للي بتحبهم المصيبة بقي انك عايش ع أمل ان هيجي حد كويس بس انت غبي وطفل ساذج متفكرش ان حد جاي يقبلك وينقذك وكونك بتدور ف اماكن غلط طول الوقت هتخسر اكتر ادعولي بس عشان انا خسرت كتير خطيبتي

Mango_89526 🇪🇬

منذ يومين

شعور محبط

Flower_64726 🇪🇬 مش هتاخد من دنيا دي كل حاجه ربنا بيختبرنا بالحاجة اللي بنحبها عارفه انك في ضغط ومضايق بس سلم امرك واعمل اللي عليك حتي لو غصب عنك وتوكل علي الله واكيد ربنا هيكرمك اما بنسبه جو الحب بتاع المسلسلات دا فأكيد وقت مانصيبك يجي هتاخدو حاول تشوف كل حاجه بمنظور إيجابي حتي لو مش فاهم الحكمة دلوقتي بس ادعي ربنا يريح قلبك وصدقني لو رضيا ربنا هيراضي قلبك انا مش بقول كدا عشان مش راضي انا عارفه دا ضغط

عرض الكل 10 نصيحة

عبّر عن شعورك بشكل مجهول

مش عارف اقول ايه 
بس انا عرفت الـ app ده من علي السوشيال ميديا وانك تقدر تقول أي حاجه منغير محد يعرفك 
عشان كده حملته 
وكنت عاوز اقول اني الفتره دي مخنوق بسبب الجامعة واهلي 
عشان دخلوني كليه وانا مبحبهاش وعمري مكنت أتخيل اني اخشها وهما عارفين اني بكره الـ business رغم أن مواد business سهله بنسبالي واهلي عرفين اني مش بطبق business رغم كده دخلوهاني رغم اني كنت اقدر اخش engineering بس قالو انها صعبه عليه برغم أنهم عرفين انها حلم حياتي ومكنتش متخيل اني اخش كليه غيرها بس حاسس أنهم مش عاوزين يدخلوهاني عشان اخويا الكبير خريج كليه خدمه اجتماعيه واخويا التاني شيف  ومكملش تعليمه وانا لو دخلت هندسه هبقا اعلي منهم رغم اني عادي انا بس عاوز اتعلم حاجه اكون بحبها بس واستمتع وانا بتعلم عشان كده كنت عاوز اخش هندسه بس تمام عادي يعني كده كده عمر ما الدنيا ضحكتلي 
وحته الحياه الجامعة كنت متخيل حتي هعرف بنت وأحبها وتحبني بس طلع فعلا كله كلام افلام عشان انا غرني مدخلا في relationship وحتي البنات اللي بيكلموني بيكلموني عشان الـlectures والـtask وحاجات كليه لاكن مفيش بنت كلمتني وسالتني عامل ايه ولا اي حاجه بس تمام عادي يعني مفرقتش الكليه مش كليه أحلامي ولا خد بيحبني ولا حاجه لو كان مش حرام الواحد يموت نفسه كان عمل كده وارتاح 
بس كده واسف اني طولت علي حضراتكم بس انا مسدقت app في privacy كده عشان كده قولت اقول شويه من مشاكلي وبس كده وشكراً ليكم.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Gold_76647 🇪🇬

منذ أسبوع واحد

شعور متعب

انا شايف نفسي شخص مثالي جدا شاب حلو طول و عرض ماديا كويس جدا مش ناقصني حاجه رومنسي و مرح و بحب الحياة لما فكرت اخد خطوة. و استقر و افتح بيت خطبت ١٢ مرة و لا واحده فيهم كملت معايا مش عارف العيب مني ولا منهم حوار الجواز ده طلع صعب و مرهق نفسيا ................. اكيد في حاجه غلط انا بدأت اشك اني معمول

Lemon_52708 🇪🇬

منذ 3 أسابيع

شعور ضاق ذرعًا

العجيب في الحب مش إنك تتعلق… العجيب إنك تفتكر إن قلبك هيكون أمان عند حد، وبعدين تكتشف إنه كان مجرد سلاح في إيد الشخص الغلط. الحب؟ كلمة لطيفة فوق وشّ حاجة سودا… حاجة بتدخل حياتك زي المرض، تخليك تشوف الدنيا من خلال شخص واحد، وتربط نبضك بابتسامة مش ليك أصلاً، وتصدق إنك مهم… وبعدين تكتشف إنك ولا حاجة.

عبّر عن شعورك بشكل مجهول

العجيب في الحب مش إنك تتعلق…
العجيب إنك تفتكر إن قلبك هيكون أمان عند حد، وبعدين تكتشف إنه كان مجرد سلاح في إيد الشخص الغلط.

الحب؟
كلمة لطيفة فوق وشّ حاجة سودا…
حاجة بتدخل حياتك زي المرض،
تخليك تشوف الدنيا من خلال شخص واحد،
وتربط نبضك بابتسامة مش ليك أصلاً،
وتصدق إنك مهم…
وبعدين تكتشف إنك ولا حاجة.

الناس تقول:
“الحب بيغيّر.”
آه بيغيّر… بس ساعات بيغيّر للأسوأ.
يخليك تفقد نفسك، كرامتك، مستقبلك،
وأسوأ من ده كله… يخليك تكره نفسك لأنك صدّقت.

الحب مش بس خدعة…
الحب في بعض النسخ مصيدة،
تدخل برجليّك،
وتخرج منها منكسر، مش فاهم إزاي بقيت بالشكل ده.

إيه المقزز في الموضوع؟
إنك تحب واحدة:
– مش بس كرهتك
– دي كانت بتدّعي الود، وتلف وراك
– وبتتمنى تأذيك، حتى في رزقك
وكإن قلبك كان لعبة…
وكإن وجعك كان مادة ترفيه ليها.

تفتكر إنك بتحارب علشانها،
لكن في الحقيقة…
إنت بتحارب ضد نفسك،
ضد إحساسك،
ضد العقل اللي كان بيصرخ “امشي”،
وإنت مصرّ تفضّل.

الحب؟
السرطان ابتلاء من ربنا…
لكن الحب الغلط ده ابتلاء من نفسك.
تسمم اختياري.
جرح أنت اللي فتحته بإيدك.

وبعد كل ده تقول لي:
فيه حب؟
حب نفسك حب ربنا إنك تحب بنت انانيه 
كلهم زي بعض

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_75439 🇪🇬

منذ شهر واحد

شعور مكسور القلب

مأساة هذا العالم بجد البنت تقولك كلهم توكسيك كلهم وحشين بس إنت تيجي تجرب مع حب طفولتك تلاقيها توكسيك ومش بيور لو عندها ماضي أوكي أقدر اعديه لو واثق فيها انما تبقي معقدة منه كمان وتعمل فيا نفس إلي حصل معاها و تخذلني فيها بعد ما هي كانت في أسوء حالتها وكل الناس بعيدة عنها إلا انا عافرت معاها مدتنا كان

Lemon_52708 🇪🇬

منذ شهر واحد

شعور مرهق

عبّر عن شعورك بشكل مجهول

للأسف، كل اللي حصل في أكتوبر كان بسبب إنها كانت بتحاول تحذرني من زميلتي في الشغل، وأنا مسمعتش كلامها. كنت متكبر شوية وفتكر إن كل حاجة هتعدي عادي، بس الحقيقة إن قراراتي كانت بتعمل تأثير كبير عليا وعلى اللي حواليّ. بعدها، هييجي وقت أحب واحدة، وتكون مبسوطة معايا، بس للأسف هبقى مؤذي، وهخليها تعيش تروما ومش هتنساني… كل ده بسبب اللي حصل قبل كده، بسبب اللي سبّبلي عقدة في حياتي، وخلاني شخص توكسيك.
هي
أكتر بنت حبتني مشيت كانت بتحبني اوي وكانت بتسمع كلامي وكانت اكتر واحده شايفه ومأمنه بيا لكن احيانا الواحد بيقضي حياته يجمع الحصا وهو بينسى ان في الماظه ضيعها من ايده، وفضلت مع البنت اللي دمّرت حياتي. الموضوع كله خلاني أحس بخيبة أمل كبيرة في الناس حواليّ، وفي نفسي كمان. بحس إن كل محاولاتي أعمل حاجة صح بتبوظها الظروف، وكل مرة بفتح قلبي بيدمروني، وده بيخليني أحس إن مافيش أمان في المشاعر. ساعات بحاول أفكر إزاي أتعلم من اللي حصل، بس كل حاجة حواليا بتفكرني بالماضي وبتخليني أرجع لنفس الدوامة دي.
لحد ما عملت عملتها 
أنا عارف إن لازم أتحمل مسؤولية أخطائي، وأواجه نفسي قبل أي حد، بس ساعات بيكون صعب أوي إني أتصرف صح، خصوصًا بعد كل الصدمات اللي مريت بيها. بحس إني محتاج أتعلم أكون شخص أفضل، وأتعلم أدي الناس حواليّ فرصة من غير ما أجرحهم أو أسبب لهم ألم، عشان مايبقاش التاريخ بيعاود نفسه مع كل علاقة جديدة.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_87447 🇪🇬

منذ شهر واحد

شعور مكتئب

عبّر عن شعورك بشكل مجهول

انا شاب٢٩ سنه من اسكندريه صراحه كنت متزوج من اجنبيه و عندي ابن منها ،اتجوزتها ٢٠١٦ و الطلاق حصل ٢٠١٩ الي حصل باختصار اني كنت بره مصر و مكنتش متوفق في شغل دايم يعني كنت بقدم كتير و بترفض و لما دخلت في شغل مكانش احسن حاجه بس قبلت بيه رغم طروفي اني عندي اعاقه حركيه بسيطه (مش باينه ) في ايدي و رجلي الشمال ،الشغل كان في محل شاورما و كنت بعمل كل حاجه تقريباً اكل ،و غسيل و تقديم حتي و لما لاقيت فرصه احسن روحت عملت انترفيو في عمل تاني لكن متوفقتش و مختارونيش فاستمريت في الشغل الاول لحد ما لقيت صاحب الشغل بيتخلي عني انو يقعدني في البيت يرم بعد يوم و كان عليا ايجار شقه لازم يتدفع ملحوظه انا كنت شغال في مدينه و زوجتي و ابني في مدينه /حماتي كانت قايلالها يروح بشتغل الشهر كله و ميصرفش علي نفسه مليم و يجي اخر الشهر يديكي الراتب بتاعه و يرجع شغله طبعاً الكلام دا موافقتش عليه و نادراً بوم مكانت بتجيلي المدينه الي شغال فيها كان بيكون مره-مرتين في الشهر و كان بيكون يوم شغل  ليا مش يوم اجازه و لما صاحب الشغل اتخلي عني كلمتها و قولتلها الوضح واحد اتنين تلاته و عندي ايجار اعمل ايه ؟قالتلي انا لو منك هرجع المدينه وصت الني و مراتي لحد ملافي فرصه تانيه وقتها رجعت فعلا لان دا المنطق كمان بيقولو لاني معايش ختي يكمل الايجار وقتها حمايا و حماتي قعدو يقولولولها هو الي ساب الشغل بنفسه لانه مش بتاع شغل و حتي لما كان بيروح اللنترفيوهات كان بيروح يقولهم انه مش عايز يشتغل و انه رايح بس عشان احنا منقولش عليه انه مش عايز يشتغل 
و البنت (طليقتي) صدقت كلامهم و بدأت خناقه و ابتدتبعدها تغلط في اهلي بالاخص اكي و انت امك مربنكتش تبقي قد المسوليه و انت متدلع و عايز راحتك ومش عايز تشتغل وقتها كان عندي امتحانات في الجامعه يا افوتها ياارجع مصر و  ادخل الامتحان وقتها قلت هرجع مصر تكون الامور هديت مبينا و اهو مخسرش برضه دراستي علي الاقل و عشان كمان غلطت في اهلي (امي) الي ملهاش ذنب في اي حاجه كلمت اهلي اني ارجع يجيبولي تزكره طيران عشان الي حصل تهلي جريو بسرعه اشترولي تزكره اليوم الي بعديه الي هو هيبقي اليوم الي بعد رجوعي امتحان ليا و يوم السفر نزلت مع شنط سفري تحت لقيت ابوها داخل العماره و باللكميات و الشلالين لحد ما نزفت من وشي و سابني وقتها طلعتلها و سبت الشنط في داخله العماره تحت اوريها و اقولها شفتي الي ابوكي عمله؟؟!،هو ايش عرفو اني مسافر في الوقت ده ؟،و بوست ابني و خدت بعضي و مشيت علي المطار بتاكسي المطار و رجعت عليمصر سنه  ٢٠١٩ بعدها بشهر جت جائحه الكوونا و المطارات اتقفلت وقتها هي و اهلها راحو رفعو عليا قضيه طلاق و كسبوها و هي البنت رقها راحت ارتبطت بصديق ليا مصري و كانو هما الاتنين وقتها بيكدبو عليا هو كان بيوقع بينا و بيقولي انها هتحبسك لو رجعت و هتخلي و هتسوي فيك و كان لبقولها نفس الكلام اني هحبسها و هعمل و هخلي فيها ،بعدت معاه تقريباً سنه و بعد السنه (لما رجعنا نتكلم بسيط) فالتلي انهم ارتبطو و سابتو عشان ابتدي يهينها و يضربها هي و الطفل الصغير (ابني)(انا طبعاً وقتها مكانش عندي عمل بحاجه عشان مكانش في كلام )حتي هي يوم وصولي لمصر مسألتش عليا،و تفوت الشهور و هي ترتبط بواحد مجري و تتجوزوا وتخلف منه بنت ،و هي ولا ختي عايزه تخليني اقابل الني لانها خايفه (من كلام امها تقولها دا هيخطف الطفل ،دا مش هيرجعهولك)و بعد كدا راحد تعملي سحر بالموت  و الخراب ليا و عدم التوفيق وقتها في الفتره دي انا فعلا كنت بموت و متدمر في مل حاجه كنت اصحي ٥ دقايق بيكون ضغطي واطي جداً انام تاني مكنتش باكل ولا بشرب و كنت بموت حرفياً نفسياً و جسدياً و معنوياً و كانت فتره هباب عليا لكن كرم ربنا انب لسه عايش اهو و بكتب قصتي وهي بعد فتره واجهتني انها عملتي السحر دا و كانت عايزه تموتني لانها شكت اني ليا دخل بخراب حصل ليها و انا طبعاً مكانش عندي فكره بحاجه لكن الحمدلله على كل شي انا بالنسبه ليا انا خلصت امتحاناتي و دراستي و اتخرجت و مسكت شغل الحمدلله ولكن ،مش عارف من وقتها اتوفق في خب ولا اي ارتباط و محدش قابل براجل مطلق كان متجوز قبل كدا و عنده ابن و الي يقول لا و دا امر عادي يبقي كداب و بيبيع كلام و لو في بنت قالت عادي ممكن هي تكون شايفه الموضوع عاديلكن لغيرها  لكن لو عليها هي ،هي عمرها مهتوافق فعلا انا متضرر جامد انا وصلت ٢٩ سنه و محلي سر مفيش ارتباطات ولا اي حاجه ،كان نفسي استقر و اعمل اسره بس واضح ان الموضوع كدا خلاص ،انا ابديت حتي اصلع جامد و شعري يبيض ميرضيش حد.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_87373 🇩🇿

منذ شهر واحد

شعور مكسور القلب

جيت نحكي بلاك نريح من شراه يصرالي انا كنت في علاقة توكسيك و خرجت منها تعالجت لمدة سنتين و بديت علاقة مع واحد كيفه لايوجد مأدب يحبني كلشي فيه بعد سنة ونص راح لبلاد بعيدة و تبدل عليا المشكلة كنت ندير فيه ثقة عمياء لحد محكيت لماما و بابا عليه و الان تبدل عليا 🥹🥹🥹🥹🥹

Avocado_87385 🇪🇬 لقى غيرك

عرض الكل 7 نصيحة

Strawberry_58144 🇪🇬

منذ شهر واحد

شعور مكسور القلب

عبّر عن شعورك بشكل مجهول

يمكن دى اول مره اعترف انه كان حب من طرف واحد.. 
كنت بقول انه لا.. بيحبنى.. اكيد بيحبنى.. اصل كل ده معناه اى؟ كل النظرات دى.. كل المشاعر دى.. كل الهروب و الخوف الى فعيونه ده.. كل المشاعر الى عشناها من بعيد.. ولا حد خد باله بس احنا كننا عارفين.. ان فى حاجه بيننا.. كنت بقول انه يمكن خايف يتكلم..
اصل كل ده.. و لمده سنه كامله.. يطلع ولا شيء؟
اه طلع ولا شيء..
عادى جدا.. لا جه.. ولا اتكلم.. ولا همه ان صورته تتهز قدامى بتصرفاته الغبيه
بقا بيهزر مع البنات عادى.. رغم انه مكانش كده
كل بنات الدفعه بقا بيهزر معاهم.. الا انا..
انا الوحيده الى لا بيتعامل معايا.. ولا بيرد عليا عالجروب صدفه حتى.. تجاهل.. تجاهل و بس
طب ليه؟ ليه لسه بيبصلى رغم كل ده؟ عشان مبيحبنيش.. ولا عمره حبنى للاسف
انا معنديش تفسير لكل الى حصل بيننا.. بس اكيد كان اى حاجه غير انه بيحبنى..
كفايه الاقلام الى اخدها فقلبى و كرامتى.. ده مهتم بالبنت الى عالجروب الى اصلا مرتبططه اكتر منى.. ده لو جاوبت لحد سؤال عالجروب مبيعملش رياكت حتى.. بيهربب.. بيشوفنى بيترعب.. انا شعور الرفض بيقطع فكرامتى.. بحاول اجيب العيب فيه وانى هبعد لانه مش كويس زى ما كنت فاكره وانو قليل الذوق.. بس الحقيقه انا عارفه انى ببعد التهمه عنى.. ببعد شعور انى اترفضت.. بحاول ارفضو جوايا زى ما رفضنى.. انا اتبهدلت بسببه كتير.. و متت من الغيره كتيير.. واتهانت.. ده الوقت الى هشيب فيه الساحه لغيرى و هنسحب.. ممانى مش هنا.. مش وسطهم.. مش معاه..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_86159 🇪🇬

منذ شهر واحد

شعور محبط

موضوع:

اكتر موقف من حد بتحبه خلي حبك ليه يتغير

خاني وكنت فاكره انه خام وبقول انه مش بيعرف يعبر عشان ملوش تجارب بس طلع بيعبر ف اماكن تانيه 😂😂 اكتشفت انه عمره م حبني انت بس اللي كنت بحبه وبوهم نفسي انه بيحبني بس مش عارف يعبر .. بسئل نفسي لو رحع الزمن هوافق عليه ولالا

Lemon_52708 🇪🇬

منذ شهر واحد

شعور مرهق

أنا رجعت للسجاير ومشروبات الطاقة، مش علشان بحبهم، بس علشان أهرب. أهرب من التفكير، من الوجع، من إحساسي الدائم إني مش كفاية. كنت بحاول أعيش طبيعي، أضحك وأبان قوي، بس الحقيقة إني من جوّا تعبان جدًا. كل مرة كنت بحاول أكون كويس، كنت بتوجع أكتر، كأني بدفع تمن طيبتي في عالم مش بيقدّرها. رجعت للحاجات اللي ك

عبّر عن شعورك بشكل مجهول

أنا رجعت للسجاير ومشروبات الطاقة، مش علشان بحبهم، بس علشان أهرب. أهرب من التفكير، من الوجع، من إحساسي الدائم إني مش كفاية. كنت بحاول أعيش طبيعي، أضحك وأبان قوي، بس الحقيقة إني من جوّا تعبان جدًا.
كل مرة كنت بحاول أكون كويس، كنت بتوجع أكتر، كأني بدفع تمن طيبتي في عالم مش بيقدّرها.
رجعت للحاجات اللي كنت زمان باعتبرها ضعف، بس النهارده بقت وسيلتي الوحيدة أكمّل بيها يومي من غير ما أنهار.

زميلتي في الشغل كانت نقطة التحوّل، طلّعت النسخة اللي كنت فاكرها ماتت جوايا. كنت شايف فيها راحتي، وكنت بدعي لربنا كل يوم إنها تكون من نصيبي. بس كل ما كنت بتمنى، كانت بتبعد. لحد ما بقيت أنا اللي بعيد… بعيد عن نفسي، وعن كل حاجة كنت بحبها.
اتمنىتها تكون ملاكي، بس طلعت درسي القاسي، واللي علّمني إن مش كل إحساس حقيقي لازم يتبادل.

دلوقتي بقيت إنسان تاني… بارد، صامت، فقدت طريقة كلامي الدافية. كل حاجة جوايا بقت مطفية، كأني بتفرج على حياتي من بعيد.
يمكن السجاير بقت صاحبي الوحيد، والمشروبات دي بقت الوقود اللي بيمشّيني، بس الحقيقة إنهم مش بيعالجوا حاجة…
أنا عارف إن دي مش النهاية، بس الوقت ده صعب، وأنا بحاول أستوعب إن اللي راح، راح… وإن يمكن التعافي يبدأ لما أبطّل أهرب من نفسي.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_77751 🇪🇬

منذ شهر واحد

شعور مكسور القلب

ابويا راجل نرجسى اسيوطى... انا و مامتى و اخواتى الولاد تعبنا منو... ديما بيأذينا نفسيا و بالشتايم... و ساعت بيضرب امي... و امه عيشة معانا فى نفس الشقة و بردو متعبة جدا... مش بتسيب حاجة فى حلها و بتسخت بابا علبنا... انهاردة ماما و بابا اتخنقو... الكلام ده الصبح... انا حاليا فى ثانوية عامة... و ماما ب

Moon_71450 🇪🇬 ربنا معاكي بجد بس حاولي الفترة دي تبعدي عن العلاقات العاطفية في الاخر انتي في فترة الولد اللي هتعرفية مش ناضج كفاية اصلا هو لاما عندو نقص وعايزك تكمليه او شهوة وبالنسبة لباباكي فمفيش حد بيختار عيلته ومحدش مرتاح لكن حاولي تتعاملي مع كل موقف بحسن نية و دمتم سالمين

عرض الكل 4 نصيحة

Candle_84442 🇪🇬

منذ شهرين

شعور متعب

غريب ان الواحد يكون حاسس دايما ان فيه حاجة ناقصة قلبه متعلق بحاجة بعيدة و عاوز يعيط و يخرج مشاعره اللي بتقتله من جوا بس مفيش فرصة و دايما توتر و احساس بالغربة وسط كل الناس لدرجة خسارة الاشخاص القريبين اللي مع الوقت بنكتشف ان هم كانو اختيارات غلط ف الحياة و خوف من اللي بيتعلق بيك وانت متعلق بغيره بعي

Orange_82143 🇩🇿

منذ شهرين

شعور مرتبك

السلام عليكم ... مريت بعلاقات فاشلة كثيرة ... مرات كنت انا الغالط ومرات تكون هي الغالطة وتنتهي العلاقة... لكن الآن راني نحوس على وحدة بمواصفات تساعدني نكمل معاها حياتي مرتاح ، يعني حاس بلي كنت من قبل في علاقات في فترة مراهقة ، لكن الان حسيت روحي نحوس على علاقة ناضجة ، مي صعيبة تلقى شريكة حياة تفهمك

French Fries_83240 🇩🇿 خمم كيفاه تخرج من البلاد قالو شريكة الحياة

عرض الكل 9 نصيحة

Cheese_80189 🇩🇿

منذ شهرين

شعور ضائع

من كثرة ما اهلي كانو يتقابضو قدامي من صغري في موضوع الخيانة ولات عندي عادي لوكان راجلي يخوني او يتزوج عليا و وليت اي انسان نكون معاه مهما عطاني حب و اهتمام جامي نحبو و لا نحس بانك تحب واحد بلا ما تكون متوقع انو يجي نهار وين يخدعك مستحيل يكون لانو والديا عاشو قصة حب و خرجو بزواج فاشل

Strawberry_89635 🇪🇬

اخترت زوج غلط وعايزة انفصل مع رفض الجميع

إزاي ممكن أتخطي اني اخدت أهم خطوة في حياتي غلط اخترت زوج غلط.... او بمعني اصح مش انا الي هو عايزها مع رفض الجميع في الانفصال عشان في بيبي هو مسافر بيكلمني دقيقتين كل جمعه مثلا جوايا رغبه رهيبة اني امشي من الدنيا لاني تعبت ...عرض المزيد

0 الدعم

17 نصيحة

Strawberry_89111 🇪🇬

نزلت مسلسل ميد تيرم بالصدفة وطلعت جامد! مين متابع؟

انا بعد م سمعت مسلسل ميد تيرم كنت ببحث علي لينك وبعدين بصدفه لقيت تعلقيات كتير ب اسم البرنامج دا ونزلته بس المسلسل جامد بيحكي عن حياه البشر الحزينه😂 انتو نزلته البرنامج من امتا ومين متابع المسلسل ...عرض المزيد

2 الدعم

16 نصيحة

Pineapple_73013 🇪🇬

حاسة بالوحدة ومش عارفة أتكلم مع حد

حاسة اني لوحدي دايما و كل ما اتعرف على حد يا مبيكونش في بينا حاجة كومن يا بنزهق و كل وقتي بقى شغل و بيت و بس. عايزة اتكلم و اطلع اللي جوايا و في نفس الوقت خايفة اكرر تجربة وحشة مع حد مش سوي. مش عارفة الاحسن ايه بجد ...عرض المزيد

0 الدعم

14 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع