ضحيت بفلوس أكل علشان صاحبتي وأهلي زعلانين

Question

جماعه انا كليتي بسافرلها ومن فتره كان عيد ميلاد صاحبتي البيست ف كانت لما بسافر باخد الفلوس اللي المفروض هاكل وافطر بيها احوشها علشان عيد ميلادها قرب ومكنش معايا فلوس ف فضلت احوشهم لحد ما بقا معايا مبلغ وادتهولها ف عيد ميلادها ومقولتش لأهلي ع الحوار ده وبابا مضايق وبيقولي أن هو انا طلعته مغفل وان هو مبعرفش عن حاجه

Nutella_39839 🇪🇬 · Accepted Answer

باباكي خايف عليكي و عنده حق هدية عيد الميلاد مش اهم من صحتك و المفروض صحبتك كمان تبقي شايفة كدة و انك لو كنتي جبتلها حاجة رمزية صغيرة كانت هتفرحها بردو و تقدر اللي انتي فيه و انك محتاجة لكل جنية و مع ذلك افتكرتيها .. هي دي الصحوبية اللي بجد  صالحي باباكي و حاولي تلمي الدنيا عشان هو عنده حق انتي اتصرفتي بحسن نية بس هو هامه مصلحتك

Apple_50225 🇪🇬 · Answer

ومين قال ليابا

Coffee_47120 🇪🇬 · Answer

انا اللي قولتله

Apple_50225 🇪🇬 · Answer

طب دي حاجه بينك وبين صحبتك لي تتحكي؟

Coffee_47120 🇪🇬 · Answer

حصل موقف بيني وبينها يوم عيد ميلادها وانا اتاخرت شويه علشان اروح واحنا عندنا الشارع بيبقا ف ناس مش كويسه ف اهلي رنو عليا وكان لازم اروح ومن يومها وهي عامله مشاكل معايا أن المفروض أن اهلي كانو يثقو فيها وأن هو يوم وبتاع وبعدنا وبابا كان شايل هم هدية عيد ميلادها اني مجبتلهاش حاجه وانا مقولتش غير اول امبارح لما هي قالتلي نحتفل بعيد ميلادي وقالي أن أنا مجبتلهاش حاجه لو هي جابتلي هديه هاخدها والا لا

Coffee_47120 🇪🇬 · Answer

هي طبعها من الناس اللي بتهتم بالهديه بكام وبشوف أن غلو الهديه من غلوها مع أن هي ف المقابل ممكن متجبش هديه غاليه بس تحاول تقنعك انها غاليه وانا بجد مش بيشغلني الهديه بكام وايه انا يهمني انك افتكرتني ولو بكلمه حتي وبس وعلشان مش عاوزه اضغط ع اهلي واطلب منهم فلوس لهديتها عملت كده وكنت شايفه أن هو الحل ده كويس ويرضي جميع الجيهات

Nutella_39839 🇪🇬 · Answer

خدي بالك منها كويس و بلاش تروحي معاها اي مكان مغلق مهما كنتي واثقة فيها .. خدي بالك هي مش كويسة و استغلالية .. ربنا يسترها عليكي يارب و ينجيكي .. لو تقدري تنهي الصحوبية دي متتأخريش احسن من لما تندمي بعدين انتي مش شبهها و لا تربيتك زيها ربنا يهديها

Coffee_47120 🇪🇬 · Answer

اصعب حاجه بالنسبالي اني ابعد عن حد بحبه