كتمان

Coconut_88400 🇪🇬

منذ 3 أيام

شعور ضائع

عارف انت لما يبقى جواك حاجات كتير اوى بس مش عارف تشرح منها اى حاجة لأنك مش فاهمها اصلا ولا فاهم نفسك والله الإحساس ده مرعب اوى ي جدعان فكرة ان انت لوحدك محبوس جوه مشاعرك ومش قادر تشرحها انت بس بتتعذب بيها وبتدفع تمن كتمانك طول السنين اللى فاتت

Banana_69853 🇪🇬

منذ 3 أيام

شعور آسف

السلام عليكم عاملين ايه و اخباركم اي يارب تكونو في أحسن حال الحياه بقت كلها تعب و مشقه و الله يعين اي حد بيصبر و بيتحمل و بيكتم جواه بجد و رغم انك بتتحمل كل حاجه لسه فيك طاقه تشيل هموم غيرك مش عارف ازاي الله المستعان

Coffee_58959 🇪🇬

منذ 5 أيام

شعور مستنزف

على طول بحس اللي حواليا احسن مني حتى ولو في ابسط الامور مش عارفه ليه ممكن موقف حد غيري يعرف يحلو انا مبعرفش بحس اني متكتفه مش عارفه اتصرف دايما بشوف ان صحابي احسن مني وبحس اني انا الطرف الزياده اللي لو بعد مش هيفرق بقيت احس بالوحده اوي مبقاش في حاجه حلوه بالنسبالي بحس بملل اتجاه كل حاجه لما حد

Watermelon_81568 🇪🇬

منذ أسبوع واحد

شعور لا مبالٍ

ساعات بتحس إنك مش عاوز حل لأي حاجه إنت بتمر بيها، انت مجرد بس إنك عاوز حد يسمعك من غير حتي ما يقولك حلول أو حتي يعلق علي كلامك ، عاوز بس حد يسمعك ويتفاعل معاك وكل ما يلاقيك مش بتتكلم يشجعك آكتر علي أنك تتكلم، في اسئله كتييير جدا في عقلك انت بتسالها لنفسك وبتحاول ترد علي نفسك ، و الاساله دي هتستمر

Avocado_58162 🇪🇬

منذ أسبوع واحد

شعور مرتبك

عبّر عن شعورك بشكل مجهول

أنا دلوقتي بسمع كتير ان الشخص لما يبقى عنده مشكلة ومش قادر يحلها بنفسه والمشكلة دي معطلة حياته يبقى ساعتها فعلا محتاج يروح لدكتور نفسي، أنا في الاغلب محتاج اروح لدكتور نفسي من زمان بس بجد أنا دايما بحاول اهرب من الموضوع والهي نفسي بأي حاجة، بس الفكرة اني خايف اكون بتدلع واني مش محتاج ولا حاجة، حاسس اني اقنعت نفسي بالفكرة دي ومستني اروح لدكتور علشان حياتي تتصلح، بس خايف بردو ليكون فعلا اللي محتاجة دكتور نفسي علشان ارجع امارس حياتي بشكل طبيعي، الفكرة اني عمال اهرب واماطل علشان مش عارف ابدأ منين ومحدش يعرف اي حاجة عن اللي انا فيه علشان انا مش حد بيحكي خالص ولا بيحب يبين هو حاسس بايه، يعني لحد دلوقتي مش قادر اهلي لاني محتاج اروح لدكتور، واه انا ولد وعندي 18 سنة نسيت اقول في الأول، المهم اني بجد مش قادر حتى اقول لاي حد من اصحابي يفكر معايا وتعبت من التفكير في الموضوع لوحدي، انا بجد خايف من حاجات كتير اوي خايف يطلع الدكتور مش كويس، خايف محسش بتحسن، خايف مقدرش احكي، خايف من حاجات كتير اوي بجد ومش عارف لو فعلا قررت اروح ادور ازاي ولا اسأل مين، اروح عند دكتور راجل ولا دكتورة ست، اختار الدكتور على اساس ايه واتأكد ازاي انه كويس، مش عارف اي حاجة بجد وتعبت من اللي انا فيه، يريت أي حد قصته مشابهة شوية لقصتي يبعتلي ويقولي هو عمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_56919 🇪🇬

منذ أسبوع واحد

شعور آسف

بما اجي اوصل لي مرحلة الضحك الهستيري اللي يخلي عينك تدمع من كتر الضحك بقيت بكتشف اني مش بدمع عشان بضحك انا بدمع لما بوصل لي مرحلة الضحك دي عشان استغل فرصة اني اعيط لان مش عارف اعيط قدام حد لان مش عايز احس بنظرة شفقه أو اسمع تريقه او كلمه ملهاش لازمه بعيد بقا علي حالي من مراحل الكتمان اللي جوايا لان

Apple_78453 🇪🇬

منذ أسبوع واحد

شعور مكسور القلب

عدينا بسنه صعبه جدا خت منها دروس بعمري كله بقالي ٩ سنين بمر بتجارب اه صعبه ومتعبه بس دايما عندي امل للحياه انها هتكون احسن السنه دي ختمت بدرس صعب ان اتعلق بحاجه مش متاكده انها هتكون ليا ولا لا يمكن دي اكتر حاجه تعباني ان طول السنين الفااتت متعلقتش بحد بس المشكله هنا بقي ان الحد ده مش فاهم قد ايه ان

Guava_89879 🇪🇬

منذ أسبوع واحد

شعور مكسور القلب

عبّر عن شعورك بشكل مجهول

انا عايزة اكتب مش عايزة اتكلم
عايزة اقولكم اتعرفت عليه ازاي
كان منزل استوري حزين بالانستا وانا علقت عليه بالصدفه والستوري كان حزين اوي وانا وقتها اصلا كنت في حالة مش حلوة وكان صعبان عليا ف فضلت اقوله نصايح كتير وكلام تفاىل وكدا وبصراحة هو رد والكلام جاب بعضه واتعرفت عليه ولقيته مفعل الماب وانه ساكن بنفس المدينة بتاعتي بصراحه اتخضيت وخوفت منه، كلمته يومين كلام عادي اوي وكان هو اللي بيسأل وعملتله بلوك عشان مكنتش مرتاحه وبعديها بشهرين عمل اكونت جديد ودخل كلمني ولما سألته انت مين قالي كان بنا كلام من فترة ومكملش فقولتله ازاي ومين انت ف فكرني بنفسه وقتها استغربت اوي واتكلمنا بس قولتله لو سمحت متبعتليش تاني وقالي حاضر وسلام سلام وشوفت عنده حد معرفتي بيه قوية جدا ف استغربت هو يعرفه منين ودخلت سألته وقالي معرفتي بيه سوشيال ميديا بس مكنتش مصدقاه بس عرفت بعد كدا انه كان بيعمل فولو لناس كتير وخلاص، المهم حصل بنا كلام كتير بعدين كنت دايما برد بس كان بيبقا ردي تقيل والكلام عالقد وحاولت كتير ابعده بس معرفتش كنت مع الوقت بتشدله اوي وبقينا نتكلم كتير اوووووي وطول الوقت حرفيا 24/ ساعه مع بعض حتى وهو في وسط اهله وفي وسط اصحابه انا معاه عالخط حاطط السماعه وانا كأني قاعدة معاهم لدرجة انه كان قاعد في وسط اهله وبيتكلموا في موضوع مهم قولتله عايزة اشوفك وفتحنا كام وقالي اقفلي الصوت من عندك وقولتله افتح الصوت عندك عشان اسمعك كان في اليوم دا واحشني اوي مكناش اتكلمنا طول اليوم خالص غير شات بس عشان كان لسه نازل شغل جديد ومش عارف يمسك الموبايل 
دا اليوم اللي اعترفتله فيه اني بحبه يوم9 اكتوبر بعد 6 شهور عارفين بعض
كنا بنلعب اصلا لعبة اسئلة واجوبة وجه سؤال ايه الحاجه اللي عايز تقولها لي ومتردد كان رده عليا منك لله انا فهمتها طبعاً وقولتله عشان فتحت باب للعلاقه دي قالي ايوا لانه دايما كان يقولي انا اول مرة احس الحب دا 
وانتي غير واول مرة احب كدا دايما كان محسسني ان اي حاجه بيحسها معايا كانت اول مرة يحسها ولما اتردلي السؤال سكتت شوية قالي اخلصي وقولي بقا قولتله اني بحبك كنا وقتها فاتحين كام اصلا وهو اتصدم حرفيا عشان متخيلش اني هقولها خالص لاني كنت ببعده عني كتير وبرد ببرود ف كان دايما يقولي انا مش فارق معاكي بس والله هو كان فارق جدا وانا اللي كنت بكابر وبقاوم مشاعري ليه لحد ماعترفتله
عمري مهنسا اليوم دا ولا هنسا عينيه ازاي بصتلي وازاي شوفت فيها فرحه غريبة ولا هنسا مشاعره اللي بانت على وشه وقتها
هكملكم في بوست تاني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_22054 🇪🇬

منذ أسبوعين

شعور مكتئب

Lemon_76290 🇪🇬 قد ايه بجد ان شخص قوي ان انت متحمل كل دا وصدقني ربنا بيحبك اوي انت تعيش كل دا وبتدعيه وبتتوكل عليه وربنا عمره ما هيضيع صبرك وايمانك دا ربنا يقويك ويعافيك ويارب تحقق كل الي انت عايزه

عرض الكل 3 نصيحة

عبّر عن شعورك بشكل مجهول

حابب اتكلم واحكي قصتي اللي لسه طبعا مخلصتش بس حابب اتكلم عن أهم جزء ف حياتي 
انا واحد ١٩ سنه اتمنيت كليه مجتليش وبقيت بشوف ناس بتحقق احلامي اتمنيت كذا حاجة وبردو مجتليش حبيت واتكسرت وحصلي كذا دروب كدا ف سن يعني اللي يسمعني يقولي لسه بدري عليك انت بتتدلع عشان كدا مبحبش احكي عمتا 
انا طبعي كتوم اوفر وبعرف البس ماسك يعكس حالتي الحقيقيه قدام اهلي وأصحاب عشان محبش حد يعرف مالي 
المهم حابب النهارده احكي قصه انا شايف نفسي فيها قوي اني عديت بيها وفرحان اني عديت بيها عشان ممكن تكون علمتني نفسيا شويه حاجات كويسه 
انا كنت ف تالته ابتدائي بطني بدأت توجعني غير طبيعي وكل شويه في مستشفي وعند دكتور ومش عارف اعيش سني زي بقيت زمايلي وصحابي اللي في سني لحد ما اتشخصت اني عندي كانسر ف الأمعاء عملت العمليه وروحت اتعالجت في مستشفي ٥٧٣٥٧ كانت اكتر خمس سنين صعبه في حياتي الكيمياوي وشكلي قدام الناس لما بدأت انزل الدروس تاني وانا لابس كاب بس شكلي مختلف وكلو بيبصلي بسبب أن شعر حواجبي واقع وشعر راسي طبعا ولابس كاب وبحاول اداري علي قد ما اقدر ونظره الناس ليا ف الدروس وانا طفل لسه ووجعي كل يوم وانا بتألم ف المستشفي من الكيماوي ووجعه وكميه الابر اللي اتشك بيها جسمي ويوميا ينسحب مني دم اللي هو يجدعان انا طفل علي كل اللي بيحصلي ده حتي العيد ورمضان قضيتهم ف المستشفي مش ف الملاهي ولا الشارع زي صحابي حصلي موقف هناك وحش وانا بسحب دم وده مسببلي تروما عمتا لحد دلوقتي من سحب الدم 😂
بس شوفت ايام صعبه كتير وايام حلوه كتير بس لما كبرت شويه وخفيت وبقيت اقول اشمعنا واشمعنا ولي دول محصلهمش كل اللي حصلي في حياتي 
بدأت افهم واقرب من ربنا اكتر وفهمت أن كل اللي بيحصلنا في حياتنا مش حاجه غير أنه ربنا عاوز يحقق حلمنا اللي بنحلمه من واحنا اطفال بس عشاان تحققه لازم تحققه بشخصيه معينه وهيئه معينه ويمكن كل اللي حصل ما هو إلا تجهيزات لحلمي ربنا بيجهزني ولسه بيجهزني وربنا عالم نفسيتي عامله ازاي ف الفتره الحاليه وعالم قد اي انا تعبان الفتره دي وشايل جوايا ومش بحكي لبني آدم بالعكس بضحك واهزر واكتم كل اللي محتاج اقوله أن اكيد ربنا ليه حكمه ومقتنع بحمله 
✨ حكمه ربنا مش بتبان دلوقتي ✨
بتمني بجد من ربنا اهم من اي حلم بحلمه ونفسي فيه بتمني من ربنا أني أكون مؤثر في حياه حد ولو شخص واحد بس يقول اني أثرت فيه في يوم واتعلم مني حاجة فضل يعملها باقي عمره نفسي لما اكبر وعمري يخلص اموت وانا سايب اثر في حياه كل اللي حواليا مش عاوز اكون صفحه وخلصت ❤️‍🩹

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Gold_76647 🇪🇬

منذ أسبوعين

شعور شاعر بالملل

الليل مش بس وقت… الليل حالة. فيه السكات بيبقى أوضح من أي كلام، والقلب يتكلم من غير صوت، والوجع يطلع على مهله كأنه لاقي مساحته أخيرًا. الليل بيكشف اللي النهار كان مخبيه، وبيحضن التعب من غير ما يسأل عن سببه. في السكات، الواحد يسمع نفسه… ويمكن لأول مرة يفهمها. الليل صديق اللي اتعود يكتم، وشاهد على دموع

Coconut_52562 🇪🇬

منذ أسبوعين

شعور ضائع

حاسس ان اللي هقوله تافه بس انا نفسي اوي العب حجز كوره ااه والله نفسي العب حجزين كدا حلو زي زمان وحاسس نفسيتي هتبقا تمام اوي اوي اخر كام حجز لعبتهم كان من فتره والفتره دي كنت مكتئب وكالعاده مش مبين حاجه بس بان فالملعب بان والنا مش سامع صوت حد حوليا من التفكير من شدة التفكير مكنتش مستوعب اللعب ولا ا

Chilli_89568 🇪🇬

منذ أسبوعين

شعور محبط

موضوع:

ازاي قدرت تخرج من انعزالك عن العالم ؟

مازلت منعزله عن العالم وانا معاهم يعني انا موجوده بس دماغي مش معاهم.. عايشه جوايا جدا.. يمكن زمان كنت بقدر اعبر احس افهم اتوجع دلوقتي كل دا اختفي صعب عليا اتكلم وافهم في اي وغالبا بيزود سكوتي والكتمان اني بشوف ان كل الناس عندهم مشاكل وغالبا دلوقتي مبقاش في حد سوي نفسيا كلنا محتاجين حد يسمعنا ويفهمنا

Apple_22069 🇪🇬

منذ أسبوعين

شعور عاطفي

بقيت بعيش في خيالي اكتر ما بحب اعيش في الواقع دا كمان الواقع بقي يعصبني اوي ونبقتش بستحمل اي حاجة بجد خيالي احلي من الواقع بكتيير بعمل فيه كل اللي نفسي فيه انا في حياتي بستحمل حاجات كتير وكتومه للاسف فا دايما بطلع كل اللي محتاجاه في خيالي ودا بقي مؤذي

Avocado_66913 🇪🇬

منذ أسبوعين

شعور خجلان

ي جماعة انا بعامل والدي بطريقة صحاب بس بطريقة وحشه بصراحه وفي نفس الوقت مش بلاحظ ده وانا بكلمو ساعات بعلي صوتي فيه و بقيت حاسس اني بتخنق من اي سؤال ليه وهوا علي طول يقولي عامل اي و لو داخل البيت زهقان يقولي مالك وهكذا بس انا اصلا مش بتكلم في مشاكلي خالص مع اي حد والحمد لله انا في نعمة

Coffee_89112 🇪🇬

منذ 3 أسابيع

شعور مرتبك

بقيت حاسس ان معظم اللي ف سني أو من فتره بدايه الجامعه لحد بدايه ال30 مثلا بقينا تقريبا شبه بعض بقينا ف عزله غريبه معظمنا عنده مشاكل نفسيه بس ساكت أو بيكابر أن معندوش حاجه بقينا ساكتين ومعزولين عن كل حاجه حياتنا كلها الموبايل او اي حاجه تريند ماشين وراها حاسس اللي قبلنا مكانوش كدا يعني اهلنا زمان ال

Peanut_76092 🇪🇬

عيد ميلادي ومحدش فاتحني.. بحس إني وحيدة

يمكن كتير منكم يشوف الموضوع تافه بس انا بالنسبة لي مش تافه، عيد ميلادي كان امبارح محدش قالي كل سنه وانتِ طيبة غير ماما واختي و اتنين لسه عرفاهم من قريب سوشيال، رغم ان في عيد ميلاد اي حد بقعد اجهز قبلها بفترة وبجهز الهدية وبحاول اكون اول واحدة تقولهم كل سنة وانتم طيبين، احساس اني وحيدة ده احساس بشع.. يزداد خوفي من موتي وحيدة.. ...عرض المزيد

3 الدعم

20 نصيحة

Apple_56646 🇪🇬

انا مخنوقه وحاسه الدنيا مقرفه سيكا

انا حاسه اني مخنوقه و الدنيا مقرفه سيكا llllllllllllllllllllllllllllllllllll llllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllll llllllllllllllllllllllllllllllllllll llllllllllllllllllllllllllllllllllll llllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllll llllllllllllllllllllllllllllllllllll llllllllllllllllllllllllllllllllllll llllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllll llllllllllllllllllllllllllllllllllll ...عرض المزيد

1 الدعم

19 نصيحة

Coffee_87812 🇪🇬

ليه مفيش ناس خلصت دراسة وبتسترخي كده؟

هوا ليه كل الي هنا طلبة وعندهم امتحنات مفيش ناس خلصت دراسة وبتسترخي كده 😂😂 اااااااااااااااااااااا اااااااااااااااااااااا اااااااااااااااااااااا اااااااااااااااااااااا اااااااااااااااااااااا اااااااااااااااااااااا اااااااااااااااااااااا ...عرض المزيد

1 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع