شريكة حياتي من مستوى اجتماعي أعلى.. أتقدم؟

Carrot_55533 🇪🇬

منذ ساعة واحدة

شعور لا مبالٍ

سؤال للبنات و للشباب أنا عندي اقتناع إن لما اختار شريكة حياتي تبقى من نفس مستوايا الاجتماعي أو أقل و ده أريح ليا و ليها ، بس لما لاقيت مواصفات شريكة حياتي دي حرفياً زي ما أتمنى و آكتر، بس مستوى اجتماعي تاني خالص يعني تقريبا إللي البيت عندنا بيصرفه في شهر هما بيصرفوه في يومين ..... هي متقبلاني جدا و متفاهمين جدا جدا جدا و بتحاول تقول إنه عادي و حتى زواجنا يبقى علي قد اللي متاح بس حاسس إني هبقى مضغوط بردوا معاها و مش عايز أقدم كل اللي عندي و يبقى في نظرها ده الطبيعي و أقل من الطبيعي بالنسبة لحياتها العاديه

مش عارف ألاقي شريك حياتي من غير صالونات!

جماعه بتبدؤا ازاي تدوروا علي شريك حياتكم اللي معرفتوش تgain ف الجامعه ولا الشغل ومش عارفين تتقبلوا فكرة الصالونات خالص .. وف نفس الوقت مش حاسين ان ده الطريق المناسب ليكوا كpartner تعيشوا معاه العمر كله مش اي حد وخلاص ! ... لان بعد فتره الspots كلها ف فكرة ان يلا حد مناسب اهو ...عرض المزيد

1 الدعم

12 نصيحة

نصيحة بعد زواج فاشل: اختار بنت من بيت فيه راجل

أنا إنسان مؤمن بقضاء الله وقدره، يمكن قصتي مختلفة شوية… فضلت سنين بدوّر على الجواز عن حب، مش جواز صالونات ولا جواز تقليدي. كنت بدوّر على شريكة حياة تشاركني الحياة بحلوها ومرها. لكن للأسف، كل الطرق رجّعتني لاختيار الصالونات. وبعد خطوبة دامت ٧ شهور وجواز استمر شهرين فقط — وهي كانت حامل — حصَل اللي عمري ما كنت أتخيله، سيبت البيت وهي حامل، وبدأت القضايا والمشاكل. سعيت كتير عشان أحافظ على الزواج، مش عشاني، ولا عشانها… لكن عشان الطفل اللي مالوش ذنب. طلبت بس أشوف بنتي وقت الولادة، وأشارك في مصاريفها، وأسميها باسمي، لكن كل رد كان بـ”لا”. ولما حاولت مع أهلها، كان ردهم بكل برود: “ربنا يعينك يا ابني… بس انت وقعت في ناس بتدور على فلوس ولقب مطلقة.” وللأسف، لحد النهاردة لا شوفت بنتي ولا حتى عرفت اسمها. رسالتي لأي حد لسه بيدوّر على شريكة حياته: اختار بنت من بيت فيه راجل… بيت الكلمة فيه كلمة راجل.👌 واختار بنت تحبك بجد، وتحترمك، وتضحي عشانك زي ما انت هتضحي عشانها🤍 ...عرض المزيد

6 الدعم

1 نصيحة