مش عارفة ابطل الذنب دا خالص.. حد يساعدني؟

Question

انا بعمل ذنب ومش عارفة ابطلو خالص وكل شوية اتوب وارجع اتوب وارجع وفعلاً كل مرة ببقى ندمانة ومقررة معملوش تاني وفالاخر بعمله و بعدها بقعد استغفر طول اليوم واصلي واقرأ قرآن لأني عارفة ان الحسنات يذهبن السيئات حد عنده فكرة ازاي ابطل الذنب دا خالص؟

Strawberry_21599 🇪🇬 · Accepted Answer

علي حسب الذنب دا ايه بس انتي محتاجه تعملي كنترول علي نفسك تاني وافتكري قبل ماتعملي الذنب دا مره تانيه انتي بتقعدي استغفري قد ايه عشان ربنا يسامحك

Avocado_21389 🇨🇭 · Answer

املي وقت فراغك🤍

Cherry_21061 🇪🇬 · Answer

قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ  
ف انتي كل ما تقعي تاني في الذنب توبي تاني 
وصومي علي قد ما تقدري 
ومتخليش عندك وقت فراغ 
ومتقعديش لوحدك 
اسال الله ان يهديك ويتقبل توبتك 🤍

Watermelon_21601 🇪🇬 · Answer

اللهم امين

Tofu_21445 🇩🇿 · Answer

لازم الذنب ده لا تبطليه تعوضيه بحاجة تانية عشان تنسيه و ما ترجعلوش تاني لانه لما تبطليه و ما عوضيش بأي حاجة دماغك هتفكرك بيه و تلقائيا تلاقي نفسك رجعتيلو تاني

Sugar_21531 🇪🇬 · Answer

احلفي علي المصحف انك مش هتعمليه لمده شهر وبعدها زودي المده تحلفي علي المصحف مش هتعمليه لمده شهرين وكل مره زودي المده 
وقت ما شيطانك يوزك تعمليه مش هتقدري وهتغلبيه عشان انتي حالفه علي كتاب ربنا

Avocado_12291 🇪🇬 · Answer

صومي

Ice Cream_21551 🇪🇬 · Answer

اشغل نفسك فشغل

Banana_21459 🇪🇬 · Answer

بلاش يبقا في فراغ ، لازم اليوم يبقا مليان حاجات سواء شغل ، دراسه ، مهارة تتقن ، ولما الحاجه الغلط دي تيجي علي البال نتذكر ان الله ينظر الينا ،وقومي / قوم صلي ركعتين ، الوقوف في البلكونه اي حاجه وحاجه كمان بعد اي ذنب بنعملوا وبنتوب منه لازم نثبت لي ربنا ان النية بتاعتنا صافيه يعني احنا فعلا عاوزين نتوب وبالتالي نتذكر ان بعد التوبه لازم الشيطان هيوسوس وده يبقا اختبار لينا ولازم ننجح فيه

Ice Cream_21524 🇪🇬 · Answer

حاولي لما تفكري ف الذنب ده تعملي حاجه بدالو

Watermelon_21412 🇪🇬 · Answer

شوفي اي اللي بيحذبك للذنب ده وامنعيه 
ابليكيشن مثلاً قومي ماسحاه، كدا

Banana_11257 🇪🇬 · Answer

ممكن تبعتلي

Watermelon_21601 🇪🇬 · Answer

.

Watermelon_21601 🇪🇬 · Answer

مش عارفة لأني جديدة هنا

Banana_11257 🇪🇬 · Answer

زيك ف لما تلاقي حل مناسب قولي

Banana_11257 🇪🇬 · Answer

لو عرفت تبعتلي ابعتلي

Watermelon_21269 🇪🇬 · Answer

لو الذنب ده ممكن يتمنع بحاجة اعملى كدا يعني فيه ذنوب عارفين أن احنا لو صومنا مثلا مش هنعملها أو لو بعدنا عن أبلكيشن معين مش هنعملها أو لو مكلمتش الشخص ده مش هنعملها ففي الحالة دي الذنب ممكن تتخلصي منه+ أنا كان فيه ذنب مكنتش عارفه اتخلص منه نهائي كنت بصلى قيام ليل وادعي ربنا بحرقة كدا واقوله يارب أنا مش قادرة ابعد خالص اقسم بالله في نفس الشهر أنا بعدت عن الذنب تماما الحمد لله بجد ادعي كتير اوي

Strawberry_21539 🇶🇦 · Answer

الله غفور رحيم بس لاتنسي وتذكري قوله تعاله ( فأخذهم الله بذنوبهم) سورة الأنفال 52 
 اول ما الشيطان يوسوسلك فكري بس ٣ ثواني قبل ما تعملي اي حاجه و تذكري تستغفري كثير ١٠٠ مره مثلا واشغلي نفسك ب اي حاجه تانيه وادعي هالادعيه:

Strawberry_21539 🇶🇦 · Answer

( اللهم اني اعوذ بك من شر ماعملت و مالم اعمل )
( اللهم طهر قلبي من النفاق و قلبي من الرياء، ولساني من الكذب وعيني من الخيانه)  
(اللهم اني اسألك الهدى و التقى و العفاف و الغنى)
( اللهم احرمني من لذه معصيتك وارزقني لذة طاعتك)
(اللهم اني اعوذ بك من شر نفسي و من شر قلبي و من شر سمعي ومن شر بصري ومن شر الشيطان وشركه )