فقدت أمي ووحيد مش عارف أتعامل مع حياتي

Orange_78979 🇪🇬

منذ 6 أيام

شعور وحيد

ازاي تعامل مع فقد شخص عزيز عليا الموضوع ده مآثر عليا جدا الفتره دي كمان أنا في تالتة ثانوي أنا والدتي متوفية من 10سنين في البداية الموضوع كان صدمة كبيرة وصعب وبعد كده عادي بس انا دلوقتي بفكر فيها كتير قد اه لو كانت معاي كانت هتفرق جدا وتدعمني جدا في الدراسة أو في الحياه عموماً مش عارف اعمل اه موضوع مآثر علي نفستي وكل ما اشوف ام مع ابنها اضايق اكتر وازعل لاني كنت متعلق بيها جدا وهي برضو كذالك توحشت حضنها وطبطبتها عليا نفسي احضنها واقعد ابكي في حضنها مش عارف اعمل اه من سعت توفت وانا خلاص مبقتش عندي امان لحد اني حكيله خدت جنب كده ومبقتش عاوز اتعامل مع حد مكنتش كده بس انا تعبت بجد مش عارف اعمل اتمني تفيدوني

حياتي مدمره بعد فقد أمي وحبي اللي خذلني

انا عندي مشكله انا حبيت حد اوي اوي بجد واول مره احب كان ف اطار الاحترام ان عمره ما يمسك ايدي اخرنا كلام الحب دا لانه ارتباط للاسف بس مفروض اختارته عشان دينه بس مكنش بيهتم غير قليل ودايما بيعدل ف شخصية انا شخصيتي كويسه ومتدينه اه مش اوي بس بحاول اقرب من ربنا لان انا اهلي كده انا امي توفت من شهر ١١ وكانت اقرب حد ليا بجد من بعدها حياتي ادمرت منكرش ان هو ساعدني كتير ف الاول وعشان كده بجد حبيته ولكن بعدها بقي بيقول كلام قاسي وجاامد وساعات يغلط وانا حساسه جداا من اقل كلمه بعيط وهو قالي دا عيب فيها مع ان بحس دي رحمه من ربنا انا لسه بحبه مش عارفه ازاي مع ان هو سابني ٤ مرات وحياتي دلوقتي مدمره عياط راضيه والله بس انا مسؤوليه البيت بعد امي وبقيت بفكر ف ابويا واخواتي وهو وصحااابي اكتر من نفسي انا نستني ومن اكتر واحده بتضحك وعندها حياه لواحدة انطوائية وبقيت مهمله ف اوضتي. شكلي لاء الحمدلله بس اكلي اه وشي بهتاان نفسيتي بقول يارب اموت كل يوم جوايا قميه وجع وجع وحش اوي من كل حاجه ومسؤليه اتحطت عليا وانا سني صغير انا ٢٠ ف مش عارفه اعمل اي وهل هو هيرجع. كان بيقولي ان مش هيلاقي زاي فجأه بقيت كبوس عشان بتخانق معاه عشان يكلمني بس يكلمني بشحط اهتمام بجد انا مستاهلش كده بس مش عارفه ابقي كويسه وفاة امي مع مسؤوليه البيت مع ان حاسه ان بقيت فشله بسبب كل الوجع انا بحاول انزل شغلي وتدريبي بس برضه. بليل بموت عياااط لربنا ادعولي انا تعبت اوي ف حياتي ولسه مش قادره اتخطي وفاة امي لانها كانت كل حاجه ف حياتي عشت معاها كل وقت ف تعبهاا نفسي ترجع يوم واشلهاا واحضنها الحمدلله انها راضيه عني انا بحبها اوي ...عرض المزيد

3 الدعم

4 نصيحة

وحشتني اوي ربنا يرحم امهاتنا جميعا

متخطيطش ابدا بس بحاول مفكرش عشان متعبش اكتر ناس كتير اوي ماتوا عزاز علي الواحد من ساعتها بس من ساعة امي مبقتش حاسس ف كل اما افتكر بدعيلها كتير عشان اي حاجة حلوة موجودة في الواحد هي اللي زرعتها راضي والله الحمدلله باللي ربنا كتبه بس وحشتني اوي ربنا يرحم امهاتنا جميعا ...عرض المزيد

3 الدعم

1 نصيحة

قصتي مع الاكتئاب بعد وفاة أمي وكيف شفيت روحيًا

انا كنت متضايق شويه كده لو ممكن تسمعوني انا شاب يتيم الاب و الام امي اتوفت من اربع سنين و اتوفت ونا متخانق معاها و ملحقتش اصالحها هيا دايما كان قلبها ابيض ف ان شاءلله تكون مش زعلانه مني مع اني حلمت بيها كذا مره و بسالها زعلانه مني تقعد تعيط و تقولي انا بحبك و دايما بحس ان في خيال وراها الخيال دا بحسه قريب مني قوي ف الحياه الحقيقية بس مش بدور ورا الاحلام و ابويا الحمدلله مش زعلان مني المهم انا عندي اخت اختي دي علي قد حبي ليها بس هيا مش من النوع اللي ينفع اشتكيله بحسها بتاخد اي حاجه تريقه و هزار و مهما اشتكي احس ان قلبي في كلام عايز يتقال المهم بعد ما امي اتوفت انا دخلت في حاله اكتئاب طويله جدا و بقيت بكلم نفسي كتيير لدرجه اني بنفصل تماما عن العالم و مكنتش اعرف الموضوع دا اصلا ولا كنت حاسس بنفسي الا لما ابن عمي الكبير كان ماشي معايا و بيكلمني ف موضوع مهم جداً و اتفقنا عليه و هنفزه بليل جه بليل بيكلمني لقاني مش عارف اي حاجه و قعد يقولي ازاي انت متفق معايا علي كل حاجه المهم اني اكتشفت اني لما اوصل للمرحله دي بسرح تماما في خيالي و بفقد وعيي عن العالم الخارجي و الناس تشوفني عادي لاكن انا والله بكون كاني في حلم ممكن اتفق علي كل حاجه و اعمل كل حاجه لاكن اجي افتكر مفتكرش المهم روحت الدكتور قالي انت عندك حاله هلع و اشتياق لشخص معياً و كميه الكتم اللي جواك هيا عملت فيك كدا و قعد يقولي لازم تعمل جلسه روحيه ف انا قررت اسمع الكلام ده روحت قعد يلعب في رجلي و بطن ايدي و ورا وداني و فجأة لفتني بقوله كلام انا معرفش ازاي دا كله كان جوايا و بقوله كلام بكل صراحه لدرجه اني مكنتش هقول كدا لو اقرب حد ليا كان قاعد الدكتور كان سامعني و مزهول قعد يكتب ف الورقه و انا بتكلم و ونا بتكلم حسيت اني بعرق مع ان التكييف شغال بحط ايدي علي وشي لقيت عيني بتدمع علي اخرها ونا مش حاسس قعدت اركز مع كلامي و تعبيرات وش الدكتور ف لقتني بقوله يدكتور انا الثانويه بتاعتي عدت عليا علي سنتين سنه جهزت فيها اختي علشان تتجوز و سنه تانيه اخدتها جد والله حصل كميه مشاكل فيها مع عيله ابويا اللي ربنا ينتقم منهم لو عرفو ياكلو لحمي انا و اختي هيكلوها و انا اللي ف الوش و قعدت اتكلم معاه كتير و خلصت الجلسه و مخدش مني فلوس الجلسة و قالي انت حلك تتجوز او حتا تخرج في مكان فيه تجمعات كتيره المهم انا سمعت كلامه و فعلاً الموضوع جه عليا ب شكل ايجابي جدا لدرجه اني بدات اشم الروائح و اشوف اللون الاخضر اللي ف الشجر و لون الورد حسيت اني كنت في مربع ضلمه يدوبك بصحى اشتغل و انام بس بعدها الموضوع اختلف حياتي بدات ترجع لمجراها قبل ما امي تتوفى و بعدها روحت عملت اعاده كشف بعد الجلسه ب ٦ شهور و الدكتور اتبسط قوي من شكلي ونا داخل و قالي انت راجل محترم جدا و وهوا بيتكلم حسيت فيه شبه كبير قوي بينه و بين ابويا ف حسيت بحنان غريب يمته بس للاسف دا دكتور مقدرش اقوله هات رقمك و عايزك تكون صحبي او حاجه شبه كده انا بالتسباله شخص بيكشف عنده ف المهم اني خلصت كلامي معاه و بعدها قررت اني كل مده لما احس اني فعلاً متضايق ادخل لاي حد انا معرفهوش اشكيله و سبحان الله يعني بحس براحه مش طبيعيه في الحياة بعض الناس بيعتبروا الدعم والتشجيع حق مكتسب ليهم لكن لما تحتاج نفس المعاملة تلاقي نفسك في مواجهة تحقيق مش في حضن تفاهم بتفهم إن التسامح شيء جميل بس أحيانًا مش متبادل وإنك لو كنتي الطرف اللي دايما بيطبطب هتيجي لحظة وتكتشفي إن مفيش حد مستعد يطبطب عليك بتفهم إن بعض العلاقات مبنية على إنك تبقى السند وقت ضعفهم لكن ضعفك انتي مش وارد في السيناريو وإن اللي بيطلب منك الرحمة هو نفسه اللي مش هيحاول يفهمك لو كنت في مكانه بس برضه بتكمل مش عشان متوقع رد الجميل لكن لأنك مش مستعد تسيب روحك تتلوث بقسوة العالم حتى لو العالم مش راحمك علشان كده دايما تلاقي في حد نصيبه اب حنون و في حد نصيبه زوج صالح و في حد نصيبه ابن بار و في حد نصيبه اهل كويسين كل واحد فينا له نصيب من حاجه و اتحرم من غيرها لان دي دنيا و ليست جنه ف استحاله هتاخد كل حاجه نفسك فيها انت متعرفش اللي معاه حاجه نفسك فيها اتحرم من ايه قصادها ولا شاف ايه في حياته وربنا عوضه بالشئ ده فاحسن ظنك بالله و اتمنا الخير للناس خليك متاكد ان الشئ اللي مش مكتوبلك مش هتاخده بقوتك و ان الشئ المكتوبلك مش هتحرم منه بضعفك بل برحمه الله و حابب اقولكم ا في اخر الكلام ده شكرا انكم سمعتونب و قريتوزكل دا ومحدش بعرفن بس ب امانه ربنا استريحت جامد شكرا بجد ليكم ...عرض المزيد

5 الدعم

3 نصيحة