تعبت سنين وناجح وفخور ووقعت بسبب التوتر

Blueberry_90256 🇦🇪

منذ 22 ساعة

شعور مرهق

اصعب حاجه بجد انكو تكونو تعبتو كتير اوي على نفسكو سنين و كنتو دايما ناجحين و فخورين بنفسكو و اللي حواليكو كانو متوقعين منكو كتير اوي و فالاخر بسبب التوتر و الضغط تقلو كتيييير عن اللي انتو تستحقوه و تشوفو الناس اللي كانو بيتعلمو منكو حرفيا بقو احسن بكتيييير منكم انا اكيد مش قصدي اقلل من حد او اقول اني احسن من حد بس مش عارفه ازاي ممكن ارجع اشوف نفسي ناجحه و اقدر اعوض الوقعه الجامده اللي وقعتها دي بجد بحاول بس مش قادره و كل ما احس اني خلاص قربت انسى و ارجع اكمل الاقي نفسي مهزومه و مش قادره اعمل حاجه خالص بجد محتاجه مساعده اوي😢

ضغط الثانوية دمر ثقتي في نفسي ومقدرش اذاكر

من أيام ثانويه عامة وانا حالي اتبدل كنت شاطرة وكانت المذاكرة عندي مش ضغط كنت بزهق اكيد من المذاكرة بس كنت بخلص كل اللي عليه وكنت شاطرة وبقفل وكده في ثانوية انا المذاكرة كانت مشكله عليا ضغط كنت بقعد علي الكتاب طول النهار وقافل الاوضه عليه بذاكر دون تحصيل من كتر مانا كنت واخده الموضوع حياه او موت مكنتش باكل كويس يا ريت بعد الضغط ده كله كنت بعرف اذاكر كويس حرفياً من كتر الضغط النفسي مستوايا نزل خالص وانا والله ما كنت بطلع من اوضتي المهم عدت كنت مفكرة أنه خلاص عدت بس هي عدت علي نفسيتي وثقة في نفسي لحد مدخلت الكليه وانا بواجهه صعوبه اني اذاكر المذاكرة ارتبطت في مخي بالضغط ممكن تكون حاجه بسيطه ألمها يعني وبيكون في حاجز بيني وبين المذاكرة ودائما شايفه نفسي اني مش هقدر اعملها لدرجه اني دخلت مواد من غير ما افتحها وده مأثر عليه اووي نفسي ارجع زي زمان بجد هيفرق معايا اووي دلوقتي اتخرجت بعد معاناه دراستي انجليزي وامتحانات طول السنه مش عارفه كل ده عدي ازاي انا دلوقتي المفروض اعمل انترفيو وده حاجه المفروض اكون عندي معلومااات كتير عشان اتقبل المفروض دلوقتي اذاكر زي كتاب كده ٢٥٠صفحه وقاعده نفس القاعده اللي كنت بقعدها في الامتحانات ومافيش حد حاسس بيا ولا حد هيفهم انا بجد فيه حاجز كبير بيني وبين المذاكرة من الثانوي حاسه بالفشل وقلة الحيله قدامي احلامي اللي مش قادرة احققها ببص لنفسي زمان ودلوقتي بحس بخيبة الأمل مش عارفه اعمل ايه تعبت من كتر الضغط والتوتر ومن احساس اني مش كفايه مش كفايه حتي اني افرح نفسي واحقق حلمي . ...عرض المزيد

6 الدعم

5 نصيحة