ازاي أقول لـ بابا إني محتاجة جمبي وهو بعيد؟

Kiwi_89150 🇪🇬

منذ 4 أسابيع

شعور مكسور القلب

اقول ل بابا ازاي اني محتجاله جمبي وهو مش شايف ولا مقدر دااا اقوله ازاي يكون جمبي وهو بكامل ادراته بعيد عني أنا قربت انسي ملامحه شعور حنان الأب دا عامل ازاي ؟ ءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءء ءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءءء

كلمة بابا "انتي بتاعة مشاكل" مأثرة فيا ومش عارفة اتخطاها

أنا الكبيرة في اخواتي طول عمري عودت الناس اني رامية حملي عليهم ومسؤولياتي بسيطة اول لما جيت ادخل الجامعة بابا قالي خدي مدينة عشان انتي مسوولياتك بسيطة قلت له لا عايزة سكن خارجي قالي خدي غرفة عشان انتي ولا عندك صحاب هناك لما قلت ماشي قرايبي أقنعوه اخد سرير لما اخد غرفة كنت ولا مستريحة اوي وقلت له عايزة اخد غرفة لوحدي البنت اللي معايا مستواها مش زيي قالي اي حاجة تشفع ليها المهم انها متحملاكي ومش اي حد يتحملك بعدين حصلت مشاكل جامدة في السكن وقلت لازم أسيبه فبابا قالي خدي غرفة لحالك عشان انتي بتاعة مشاكل من اول ما اخد الغرفة وانا بطلع القطط الفطسانة فيها كل دة عشان كلمة بابا ليا انتي بتاعة مشاكل وانا مش شايفة نفسي كدة أنا شايفة نفسي بعفوية جامدة بيحصل كدة مش بقصد الاذي قعدت ألوم بابا ودخلت في حالة اكتاب قالي خدي اللي يريحك بس بردو حساه مش مرحب اوي بوجود بنت فانا دلوقتي اللي مضايقني كام نقطة اول نقطة اني مش مستريحة في السكن اوي بجد بسبب هدوء البنات الجامد بس خايفة أغيره تحصل مشاكل ؟تاني حاجة خايفة أكون عاقة لو غيرت السكن؟تالت حاجة كلمة بابا مأثرة فيا اوي ومش عارفة اتخطاها ولا اتقبل ان دة احسن ليا؟رابع حاجة زعلانة شوية ان بابا شايفني مش قد اني اسكن مع حد؟خامس حاجة حاسة بغيرة شوية من اخواتي وكره لنفسي جامد ان أنا بقع في مشاكل من غير اي قصد مني بالاذي (زي اني مثلا في مرة استعملت طبق بنت وولا عرفت أنظفه كويس بسبب ضعف العضلات اللي عندي)واخواتي حياتهم اسهل مني وبابا مديهم حريتهم وعارف ان هما مش هيعملوا مشاكل في اي حالة اتمني حد يجاوبني وبكل أريحية بالاخص الحاجة التالتة والأخيرة؟ ...عرض المزيد

0 الدعم

4 نصيحة

طفولتي وعلاقتي بابويا: جرح شكل وصورة ذاتية متهالكة

طفولتى.. اول مره هحكي عنها... الى عارفاه ان الحاجه الى خلتنى بعانى دلوقتى هيا علاقتى بابويا لكا كنت صغيره.. ابويا راجل كويس جدا متحكمش عليه.. بسس.. وانا طفله.. من اول ما بدأت اكبر من اول ٨ او ٩ سنين مثلا.. على مشارف المراهقه.. بدا شكلى يكبر و جسمى يكبر.. بابا تقريبا كان سلوكو معايا نابع من الغيره او الخوف عليا.. كان بيقوللى انى طخينه.. انا مكنتش طخينه بس مكنتش رفيعه و كان نفسى ابقى رفيعه.. كان بيتتريق عليا على طول.. بابا شخصيه منتقده اصلا على كل حاجه.. انتقاد هدام مش بناء.. انا اول نظره شفتها من راجل يا سكن فطفولتى هى انى مش حلوه.. شكلى مش مقبول.. انا كنت متوسطه الجمال كانت اختى الاصغر منى مثلا احلى منى.. انا لما كبرت احلويت شويه اما كطفله قبل معالم الانوثه كانت ملامحى عاديه جدا.. انا كنت عارفه ده ساعتها.. دلوقتى انا من الناس المهووسه بوزنها عندى فوبيا ان وزنى يزيد معنديش مانع احرم نفسى من الاكل عادى و امشى على نظام بس اهم حاجه وزنى ميزدش عن الى عايزاه زغم انى بقيت رفيعه اصلا.. ده نوع من انواع ادمان الاكل وانا عارفه ادمان سالب و ده بسبب الفتره دى من طفولتى برضو... انا بقا كنت شخصيه حساسه جداا بزعل من اقل حاجه و بتاثر بسرعه.. كنت من بظايه طفولتى بدات اعيش مود الاكتئاب.. مش بقول اكتئاب بس المود الحزين نفسو الى هو اعلب الوقت حزينه بطبعى كده.. ده اثر عليا اجتماعيا.. بقيت خجوله جدا جدا جدا.. مكنتش بعرف اتعامل نهائى بطلت اعرف اكون صداقات كنت وحيده يعتبر.. كنت بتكسف ابان فالفصل بتكسف حد يعرف اتى موجوده بتكسف حد يسمع صوتى.. ده خلى شخصيتى اجتماعيا متكونش جذابه برضو فكده لا شكل ولا شخصيه.. فالبيت كانو بيتريقو عليا عشان مكتئبه.. كانو بيقولو ان وشى عليه بؤس و شقاء.. كتريقه انى على طول مكشره يعنى.. وانا من كتر حساسيتى مفيش كلمه من دول كانت بتعدى عليا مرور الكرام.. انا فضلت سنين بيتقاللى الكلام ده.. كنت فبتدائى .. مدخلتش حتى اعدادى.. كانت العيله كلها ضد بابا فحكايه الانتقاد دى كانو بيقولو انى كده بزعل وهو لازم يوقف الى بيعمله بس هو مكانش مقتنع.. بس بعد سنين اقتنع.. وقف الكلام ده مش فاكره امتى.. مش فاكره حتى فضل يقول كده كام سنه.. بس المهم انه لما بطل يقول كنت انا خلاص.. مبقتش كويسه.. انا شخصيتى مرت بتقلباات كتير جداا.. انا مستسلمتش للوضع الى كنت فيه انا غيرت شخصيتى.. انا دلوقتى واحده اجتماعيه جدا فرفوشه جدا الكل يعرفنى و بيحبنى مفيش اى علامات اكتئاب الحمد لله خالص ولا حاله حزن بتطول معايا.. انا بنيت شخصيه جديده عملت حاجات كتير.. بس فى جرح من زمان اتساب زى ما هو.. واضح ان كل ده مشفهوش مشفاش صورتى عن نفسى لسه.. عارف؟ عشان كده كنت بدور على علاقه رومنسيه لان جرحى كان من راجل اكنى كنت عايزه شفاء جرحى من راجل برضو كنت عايزه اشوف صوره ليا متصلحه فعيون راجل.. يمكن.. تعرف؟ عمرى ما سمعت كلمه انتى حلوه من ابويا.. انتى جميله انتى اى حد يتمناكى.. عمرى ما سمعتها ولا حتى على سبيل الهزار.. كان دايما بيقول عكسها.. يمكن عشان خايف عليا اشوف نفسى مثلا فاعوز الرجاله تشوفنى.. فلجأ انه يحسسنى ان لا مش عندى جمال عشان محاولش الفت الاولاد اصلا مثلا.. النهارده انا مش مؤمنه ان اى حد يتمنانى.. مش مؤمنه ان فى حد بيتمنانى اصلا.. بذات لو كان راجل.. حاولت اثبت كتير عكس ده بس مكانتش بتضبط معايا.. كنت عايزه اتشاف فعيون راجل اكون انا مختاراه و عايزاه يكون ذوقى.. مش اى واحد معدى والسلام مش مجرد نظره اعجاب من رجاله مش عايزاهم اصلا.. كنت عايزه الى اختاره يختارنى.. مش عايزه واحد مخترتهوش يبصلى اصلا مش هيثبتلى حاجه ده.. كنت عايزه اثبت ان الى اختاره ينفع يختارنى عادى ينفع يبقى فى حب متبادل.. بس مجتش.. ولا مره ضبطت.. مره حبيت وانا فعدادى.. و اتحبيت.. كانت حب من بعيد لبعيد من النوع الى انا وهو عارفين الى فيها كويس عارفين اننا بنحب بعض بس بندارى وسط الناس.. دى كانت اول دواء للروح ادوقه.. بس بمجرد انتهاء السنه اتفرق مابيننا مشفناش بعض تانى و قعدت انا بقا اتعالج لوحدى.. بختصار انا متلقتش علاج قبل كده يا سكن.. معرفش اى بالضبط الى بهدل جوايا كده.. بس مش عارفه اى برضو الى ممكن يخليني انسانه طبيعيه.. ...عرض المزيد

0 الدعم

6 نصيحة