غياب الأب

Strawberry_74327 🇪🇬

منذ شهر واحد

شعور مكسور القلب

من وإحنا صغيرين وإحنا مظلومين من أهلنا، وكبرنا وبقينا بنتخذل من الناس اللي بنحبها. يا ترى هنفضل كده طول العمر؟ مش هنلاقي حد يخاف علينا ويعمل عشانّا ويحبنا بصدق؟ من كتر حبي ف بابا، عمري ما حبيت حد يتكلم عنه بطريقة وحشة، حتى لما الناس تقول إنه ظلمنا لما سابنا وإحنا صغيرين في أكتر وقت كنا محتاجينه فيه

عبّر عن شعورك بشكل مجهول

من وإحنا صغيرين وإحنا مظلومين من أهلنا، وكبرنا وبقينا بنتخذل من الناس اللي بنحبها.
يا ترى هنفضل كده طول العمر؟ مش هنلاقي حد يخاف علينا ويعمل عشانّا ويحبنا بصدق؟

من كتر حبي ف بابا، عمري ما حبيت حد يتكلم عنه بطريقة وحشة، حتى لما الناس تقول إنه ظلمنا لما سابنا وإحنا صغيرين في أكتر وقت كنا محتاجينه فيه.
سابنا وراح اتجوز، ومع كده أنا بحبه جدًا، بحبه حبّ يمكن يكون مؤذي، حبّ مرضي.
بحاول دايمًا أبرر له كل حاجة، عمري ما شُفت إن غلطه غلط، دايمًا كنت بقول يمكن عنده مبرر، يمكن هو مضغوط، يمكن ماما السبب.
ومعرفش ليه، بس جوايا دايمًا إحساس إن ماما السبب في بعده عنّا، رغم إني عمري ما حسّيت بحضنها ولا حنانها، ولا حتى بقيت عايزة أحس بده منها.

ماما طول عمرها عايشة ف غفلة، مش شايفة غير البيت والمطبخ ، وبابا عايش بره حياته كأننا مش موجودين.
هو بيصرف علينا، بس عشان يريح ضميره، مش عشان عايز يعرفنا أو يفهمنا.
ميعرفش إحنا بنمر بإيه، ولا بنحس بإيه، ولا حتى محتاجين إيه.
إحنا بين الاتنين… لا لينا حضن هنا، ولا أمان هناك.

بنظهر قدام الناس كأننا أحسن عيلة ف الدنيا، بس الحقيقة إن كل واحد فينا بيموت من جواه بصمت.

كبرت، وبقيت فاهمة إن كل ده مأثر فيّ جدًا.
بقيت بتعلق بالناس بسرعة، وبستحمل الوجع، وبفكر إن الحب صعب ولازم أعمل مجهود عشان حد يحبني.
بخاف من الفقد، وبضعف قدّام الوجع، وبحس إني مش مستاهلة الحب.
كل مرة بحب فيها حاجة، بتبعد عني… كأن الوجع هو الحاجة الوحيدة اللي بتفضل قريبة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_84662 🇪🇬

منذ شهر واحد

شعور مستنزف

بابا طول عمره كان مسافر برا، ما كان حاضر ولا مرة بأي لحظة مهمة بحياتي، ولا حتى بلحظات العادية. سنة ٢٠١٩ قرّر يستقرّ معنا، وضَلّ معنا خمس سنين، بس كل هالمدّة ما كانت غير صريخ ومشاكل على طول. أغلبها على المصاري، يلي معه أصلًا، ومع هيك دايمًا يعطي لإخواته وأمه، ونحن آخر شي بباله. صارت كتير مشاكل، وقال

Hazelnut_84060 🇪🇬

منذ شهر واحد

شعور قلق

Coffee_73439 🇪🇬 انا شايف انك في طريقين أحلاهم مر بس خلينا نحط قدامنا الاختيارت ونشوف انهي احسن انك تكوني زي مانتي دلوقتي قافلة علي نفسك ومش مدية اي فرصة لأي شاب او انك تدخلي في علاقة مرة واتنين وتتعلمي من ده وده وتستنزفي مشاعرك في الاماكن الغلط ملحوظة ان جوزك المستقبلي مكتوبلك هو مين من قبل حتي ما تتولدي ومش هتقدري تغيري في القدر فهل شايفة في المستقبل لما تتجوزي تكوني في شبابك اختارتي الاختيار الاول ولا التاني؟

عرض الكل 14 نصيحة

عبّر عن شعورك بشكل مجهول

السلام عليكم 
انا اول مرة ليا هنا و حبيت الجو اوي و عايزة اتكلم بصراحة و عايزة بنت كبيرة شوية تنصحني انا عمري في حياتي ما ارتبط ولا دخلت في أي علاقة قبل كدا ديما في حرب جوايا اني عايزة ارتبط بس مش عارفه و بتكسف و بخاف من ربنا و بقرف لما بفكر كدا و في نفس الوقت مش عايزة ادخل في أي حاجة رسمي ابدا حاسة اني معقدة و مش فاهمة نفسي بجد بحس اني عندي احتياج عاطفي كبير بس بحاول اتحكم في نفسي عشان مش عايزة ادخل في أي حاجة كدا و السلام تقلل مني و الفكرة اني اصلا ماليش اي تعامل خالص مع الجنس الآخر من و انا صغيرة و لحد ما أنا في الكلية بخاف منهم و ببقى طول الوقت حاسة بقرف منهم و من تصرفاتهم مش عارفة بقى ازاي عايزة ارتبط و ازاي بقرف منهم و كمان لاحظت للاسف اني ينجذب اللاكبر مني في السن بكتير لدرجة اني مرة اعجبت بمدرسة الفيزيا بتاعي رغم أنه كبير جدا في السن و كان جد اصلا بس مجرد أنه أظهر ليا اهتمام طبيعي فضلت فترة موهومة اني بحبه و طبعا السبب الواضح هوا غياب حب ابويا عني رغم أنه حاليا ندم و بقى حنين بس مش حاسة من ناحيته بأي مشاعر مش عارفة لما بتخيل اني اكون في علاقة مع راجل بيعاملني باهتمام مبالغ فيه بكون راضية بس بحس أنه ضعف كبير مني واني مش اكيد مش هيكون فيه راجل كدا اصلا و فكرة اني ادي الأمن دي مستحيلة بالنسبة ليا لأن حرفيا لما بسمع موضوع الجواز ده بترعب بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pumpkin_80812 🇩🇿

منذ شهر واحد

شعور مكتئب

Cherry_79713 🇩🇿 mem ana hkk papa yrouh 3mois w yji hna chhar meana men li zedt w hwa haka w Doka rah kharj l blad w hada kol bsbt jedi w mchakil khdem m3ahm w klawh w mkhslohch w swalh drahmeh ki rah l’armée w day3olh hyateh ki mn9rach w mnjibch bien tehkmni l ghoma w en plus Mditch l bac sm3ini hbiba kol ma Tjik haka ghomma nodi sali w d3ilh nchlh ywli 9rib likm w diri gae wch t9dri bah tfr7ih w ki tl9y rohk

عرض الكل 5 نصيحة

عبّر عن شعورك بشكل مجهول

ملي كنت صغيرة بابا يروح يخدم بعيد علينا وحنا نقعدو غير مع ماما أنا وخاوتي فالاول كنت ما نحسش بصح ضركا بزاف ولات تضرني كيفاش ڨاع عمومي يخدمو مع الصباح ويولو لعشية وأنا بابا تشوفو يومين كل شهرين هوما دارولو مشاكل في الخدمة باش همل وراح يخدم بعيد على مشاكلهم علاه بابا لي يخلص وأنا نكبر بلا بيه وزيد ويستغلوه في دراهمو وحنا ندو غير لفتات وحتى واحد ما مقيمنا ولا يطل علينا عماتي تقدر تقول جيرننا بصح يريوحو يطلو عليهم وحنا مكاش لي يطل علينا والعام لي جوزت فيه الباك تاع الصح عييت وتمرمد فالكار بسك مكاش لي يديني ويجيبني وخطرة تفاهمت مع عمي باش يجي يدني بصح كي يعطتلو قالي مانجيش تخيلو طفلة وحدي على الستة تاع لعشية فبلاصة مانعرفهاش واول مرة نكون فيها ثقتي في نفسي تدهورت بسبب انو الجميع يمدح غير خواتاتي وأنا مانبانش قدامهم وحدة شابة وقارية ووحدة شخصية قوية وقارية بلا جهد غير أنا نص نص ونضل نخبش ووالو حتى الباك لي قريت عليه وتعبت جبتو فمعدل ماتوقعتوش ڨال وماقدرت ندير والو عاودت وجبتو اقل حسيت روحي ضايعة اول باك قريت بيولوجي بصح ثاني باك ضرك قريت علم الاجتماع وحرت إذا نكمل ولانعاود باش ندير قابلة ..حسيت روحي فاشلة ومانصلح لوالو ووحدة حتي تجرحني بالهدرة وماتخلي فيا والو يا باشعة يالي ماشي قارية مالڨري أنا مليحة فالزين بصح تاع الصح نتجرح وماكاش لمن نحكي حتى ماما بسبة حكاية بابا ديما عيانة ومقلقة و وتعيط وأنا كرهت العياط كرهت من كلشي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Apple_4481 🇪🇬

منذ 3 أشهر

شعور متعب

السلام عليكم عايزا حد يفيدني ازاي اطور من نفسي بعد التخرج وازاي اشيل مسؤلية واساعد معاهم في مصاريف البيت خصوصا اني البنت الكبيرة ازاي اتعايش واتقبل غياب بابا عننا اغلب الوقت بسبب شغله واكون حد يسد ف ضهره وعايزا أأمن له شغل قريب مننا عشان تعبنا من غيابه ازاي اكون راجل البيت وهو مش موجود واحافظ على

Nutella_74415 🇪🇬

منذ 3 أشهر

شعور مستنزف

عبّر عن شعورك بشكل مجهول

انا تقريبا لسه طفله وبشوف نفس طفله بس الظروف حكمت عليا ان اعيش سنين اكبر من سني ماما وبابا منفصلين من 10 سنين ماما ست مكافحه وسبوره وب 100 راجل احنا اربعه انا وولدين اصغر مني واختي الصغيره انا الكبيره بتاعتهم باختصار عشت اسوء فتره حياتي بيجي عليا وقت اقول الفتره دي بتبقى احلى فتره في حياه الانسان انا دي اسوء فتره في حياتي هل لما اكبر واخرج واروح واعرف الدنيا هعرف اعيش مش هقدر ماما بقى لها ثلاث سنين بتشتغل دلوقتي عشان المسؤوليه زادت وانا اللي استحملت البيت وكل حاجه كنت على طول بجيب من العشره الاوائل على المدرسه كنت بخش مسابقه قران واجيب المركز الثاني او الاول دلوقتي حتى صلاتي مش قادره اعملها بصحى من نومي اعمل البيت اودي اخواتي الدروس واروح اجيبهم من الدروس واجي اعمل لهم ياكلوا اكتب معاهم الواجب ويا دوبك اقوم اغير هدومي واروح لدروسي مع العلم ان انا دلوقتي في ثانويه عامه عمري في حياتي ما حسيت ان انا متقمره او ان انا دي مش العيشه اللي انا بتمناها بالعكس بحمد ربنا وبقول الحمد لله على النعمه دي كنا في الاول ماجرين بعد كده لما الظروف ساءت رحنا قعدنا في بيت اهل ماما اللي هم اهلي بمعنى اصح وكل حاجه حلوه في حياتي بس لو فضلنا قاعدين مع تيته في بيتها تيته قديمه وبنتخانق وكده مع العلم ان في شقه فوق مبنيه ولكن ما فيش فيها كهرباء ولا اي حاجه ولا شبابيك ولا اي حاجه طلعنا قعدنا في الشقه دي عادي وعملنا خشب على الشبابيك وظبطنا البيت وكنا مبسوطين وراضيين بابا اتجوز اول جوازه وفشلت بعد ماما وثاني جوازه بس فرق ثاني جوازه دي المجمع مراته الثانيه دي باولادها وانا واخواتي بعيد عنه كانت صدمه نفسيه ليا ولاخواتي اخواتي ابتدوا يطلبوا ان هم نفسهم يشوفوا يشوفوا بابا ويقعدوا معاه ويصحوا يلاقوه في البيت طلبوا طلبات لنا ولا ماما نقدر نعملها ماما معيشانا في مستوى كويس اللي بنحتاجه بتجيبه وبنتفسح وبنخرج وبنلبس احسن لبس العائق الوحيد الشقه اللي احنا عايشين فيها بس والله راضيين الحمد لله وعمرنا ما اتقمرنا بس يعني المشكله في دي بقى وان اخواتي ابتدوا يبصوا لما عرفوا ان اولاد مرات بابا عايشين مع بابا وان بابا جاب بنت اختي لينا طب ليه هي هتبقى عايشه كده واحنا عايشين كده طب ليه بابا بيحبها وليه مش بيفكر يسال على حد فينا بقى لي سنتين مقصره في دراستي تاثير جامد اول سنه في ثانويه عامه جبت ملحق فيزياء مع اني شاطره بس كنت مقصره في دراستي مع العلم اني كنت جايبه اصلا مجموع يدخلني ثانوي عام انتظام لكن لما ماما خرجت واشتغلت كنت لازم اقدم منازل علشان اخد بالي من اخواتي ثاني سنه جبت ملحقين والوقت دي اهم سنه في حياتي نفسي احقق حلمي بس في نفس الوقت مش قادره اتكلم واقول لماما الحمل كبر عليا ومش قادره اذاكر وانتظم في دروسي انا قايمه بدور الام والاب بعمل كل حاجه وماما بتعمل كل حاجه لكن دايما بيبقى في حاجه ناقصه وخصوصا ان هو قدام عيننا على طول بياذينا وبيخلينا نكرهه بزياده لان بنبقى محتاجين ومش بنلاقيه خالو اخو ماما الاصغر منها عنده ثلاث اولاد ربنا يخليهم له ويبارك له فيهم قال لنا انا ابوكم بيجيب لنا كل حاجه بيعمل لنا كل حاجه بيعملنا احسن معامله حرفيا اكنه ابونا هو بالنسبه لي ابويا اما الشخص الثاني ده انا مش عارفاه بس لما بشوف بابا قدامي ومعاه اولاد مراته واختي بقول انتم حلمتوني منه انا واخواتي لما بيبقى خال ومراته و اولاده معزومين عند تيته واحنا بنبقى قاعدين بحس ان انا واخواتي وحشين لان اخذين خاله من اولاده زي ما مرات بابا اخذت بابا مننا فكرت في الانتحار كتير بس كل مره كنت بنجد منها زي اللي ربنا بيقول لي عايزك تقعدي في الدنيا كمان بس انا لو فضلت قاعده اكثر من كده بقت اذى اؤذي حد في اللي حواليا فكرت كتير اني افتح انبوبه العز واحنا نايمين علشان اخواتي ما يتعذبوش من بعدي وكلنا نرتاح حتى ماما للحمل بقى كبير عليها رجعت لصلاتي ورجعت احفظ قران ورجعت انتظم في حياتي بس حاسه ان انا عملت ذنب ان ربنا هيفضل يحاسبني طول حياتي عليه بس ايه هو انا مش عارفه وغير كده كل بني ادم ليه طاقه احيانا اهل ماما هنا بيسمعونا كلام بيجرحنا ماما احيانا بتقول انا وانا وانا وانا بحسها بتعايرني بشوف في كل عيون الناس في المكان اللي انا عايشه فيه كلمه باباكي سابك بقول اكيد خير وربنا جايب العوض الكبير قدام بس انا بقى لي 10 سنين ما فيش يوم عدى في حياتي كويس بفضل اقول الحمد لله وراضيه واسفه اني طولت عليكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_73126 🇪🇬

منذ 3 أشهر

شعور متعب

حاسه ان شايله مسئوليه اكبر من سني تعب ماما اللي مخليها طفلها بعد ما كنت اذكي. اقوي حد اخ عمره ما كان سند وقت جد م موجود الاب الوحيد اللي كان بيفهمك و مات علي ايدك بحاول اغروش علي كل ده بي ضحكه اللي ع طول م بتفارني و بوازن بين شغل ودراسه ومسئوليه بيت وانا لسه صغيره

Biscuit_71546 🇪🇬 اعانكي الله وسدد خطاكي .. استعيني دايما. بالصبر والصلاه والقرب والمناجاه خلي لسان حالك دايما شاكي لله حامد لله .. مفتقر لله حسي بمعيه الله وانه هو دايما اللي مديكي القوه والطاقه علشان تكملي وغيرك كان ما يقدرش يقاوم ولا يمكل انتي علي الطريق فخلي البوصله دايما لله 🌹

عرض الكل 5 نصيحة

Pineapple_72547 🇪🇬

منذ 3 أشهر

شعور ضاق ذرعًا

حد يقول التعافي من غياب بابا ازاي انا مش عرفة اعيش مش قادرة اتقبل فكرت اني موجود بس ميعرفوش عنا حاجه انا بعاني انا حسه اني هتجنن أو هتجرالي حاجه 15سنة بعاني لحد أمتي هفضل كدا لحد أمتي ياربي

Apple_72535 🇪🇬 مش فاهم يعني هو بعيد عنك ولا ايه؟

عرض الكل 9 نصيحة

Strawberry_64061 🇪🇬

منذ 3 أشهر

شعور مكسور القلب

اهلا... الحمد لله ع كل حال رغم اني مش متعافيه بشكل كامل .... انا فيا عيب ومشكله اني عارفه سببه أنا مبقدرش أو مش بعرف اعيش لوحدي من غير مااحس أن في راجل ف حياتي وأنه بيديني الامان والحب بس السبب ده خلاني ادخل في علاقات كتيره كلها كدب وغش وسبتلي ندوب كتيره ووجع وقهره اكتر .....كنت مستنيه النهايه السعي

Donut_69897 🇪🇬

منذ 4 أشهر

شعور عاطفي

انا في ثانوي حواليا ولاد كتير في المدرسة والدروس وفي كلام في جروب المدرسه مثلا بس عن الدراسه والدروس لو مش عارفه سؤال وبعته وحد رد عليا بس الدروس مش اوي المهم اني بنجذب حرفيا لولاد كتير جدا وحتى مش شبهي ولاد صيع وانا الحمد الله متربية في بيت ملتزم ولبسي كويس ومتكلمتش مع حد قبل كده بس بحس دلوقتى اني

Blueberry_59831 🇪🇬

منذ 4 أشهر

شعور مرهق

موضوع:

اهلك عملوا معاك ايه مش هتعمله مع عيالك؟

ياااااه مش عارفة اعد .... يارب ربنا يقدرني و اكسر دايرة الالم دي بجد.. بالذات قسوة و خذلان و غياب الأب .. و قلة حنية الأم .. حتى لو مكنوش عارفين اوي اثر دا و حاولوا يكونوا كويسين و يدونا حب بالطريقة اللي هم فاكرينها صح او بالطريقة اللي هم عارفينها و اللي هي مش صح .. او جرحوا بدون قصد.. بس دا لا ينف

Marshmallow_67691 🇪🇬 اشتغلى على نفسك وسمحيهم وادي وكونى احسن منهم وخليكى قريبة وبعيدة عنهم فى نفس الوقت واختارى شريك صح تكونى معاه فى احسن نسخة منك وربنا يسعدك ويحلى ايامك

عرض الكل 4 نصيحة

Pear_65090 🇪🇬

منذ 4 أشهر

شعور مكسور القلب

انا زياد مدمن بقالي ٤سنين ونا عندي ٢٠سنه ممكن حياتي كدا علشان ابويا مش معايا وي طالع في الحياه لوحد الدمن دا حجات كتير مش شرط مخدرات بس انا كونت مدمن مخدرات وي مدمن سلوكي لحد معملت حدث وقلت بعدها ربنا هيهديني لقيت نفسي بادمن اكتر عوز حل من حد معرفوش

Peanut_31827 🇪🇬

منذ 5 أشهر

شعور محبط

موضوع:

حد عاني من اهله قبل كده؟

بابا مش مهتم بينا او بماما هو بيشتغل وبس عمل فلوس كتير جدا حرفيا ملاين لانه مبيعملش حاجه ف حياته غير الشغل ده طلعني بنت مفتقده للحنيه ولخوف شخص عليا ولغيره حد عليا لان بابا كمان مبيغرش علينا وعادي عنده حاجات كتير و بيسبني اروح ف اي مكان لوحدي بالعربيه وبيكون من المفروض والصح حد يجي معايا لاني بنت بس

Candle_58539 🇪🇬 مساء الفل يارب تكونى بخير ربنا مبيديش كل حاجه، وبابا لو رامى نفسه فالشغل ف عشانكم مش عشانه النقطة التانية هل انتى اهتميتى بيه ؟ هل قدمتوله اهتمام وحسستوه انه وجوده معاكم جميل؟ اهتمى بيه واتصلى عليه كتير وابعتيله رسايل وحاجات تضحك واتصورى معاه بسبب وبدون سبب ممكن تهتمى معاه ب اهتماماته اللى هيا الشغل وتحبى الشغل عشان هيقربك منه لما تشتغلى معاه وتتعلمى شغله هوا بيحبكم والحب ليه ترجمات مختلفة ....

عرض الكل 75 نصيحة

Nutella_57677 🇪🇬

منذ 5 أشهر

شعور غاضب

عبّر عن شعورك بشكل مجهول

عندي مشكله وهي انه من وقت ما بابا اتوفى روحنا عيشنا في شقه ماما في بيت اهلها و بقا مطلوب منى اخد الاذن من خالى في اي حاجه وانا كنت بعمل كده بس هو كان كل حاجه لا لا لا حتى لو انه هسجل في دورة او كورس واسلوبه محبط و استهزائى فانا ده بياثر عليا جامد فانا بحب اغير و مش بحب الروتين فمن وقت للتانى بنزل مع صحابى و بستاذن كان بيرفض برضو فبقيت اقلل انى اعرفه و مش بخبى برضو بس كنت احيانا البس وانزل وهو يشوفنى وانا راجعه احيانا يسال كنتى فين واحيانا لا و بقالى فترة كده بس اخر فترة دي مكنتش بقوله حاجه خالص بس ماما عارفه كل خطواتى وهو مش بيسال اصلا علي اي حاجه تخصنى والله فمرة قعد عندنا و فطر و اتغدا و اتعشي وانا في اوضتى و ماما مكنتش في البيت جدتى بس اللي كانت موجودة والله ما افتكر يسالنى طفحتى والا لا والا بتعملى ايه والا فينك حتى الا لما ماما اتصلت بيه و قالتله يسأل عليا المهم انه انهاردة خرجت مع صحابى شاليه من الصبح اخو صحبتى جه اخدنى من تحت البيت هو ومامته و صحبتى و عدينا علي باقى صحابنا ووصلنا و رجع اخدنا اول ما رجعت البيت كانت الساعه ١١ونص خالى لاقيته بيتصل بيا بيقولى كنتى فين قولتله الحقيقه قالى وهو فيه شيوخ بيروحوا البحر عشان انا منتقبه يعنى فانا رديت عليه بالادب و بيقولى مش بتقولى ليه قولتله مش بشوفك قالى هو انا بلعب مانا بكون في الشغل في خرا فون تتصلى منه و بيقولى المفروض تقولى هتروحى فين و هترجعى امته و الساعه كام وانا يا اوافق يا لا قولتله انا قولت لماما راح قالى ماشي و قفلت انا كده غلطانه لانه واقسم بالله ما حاسه انه موجود اصلا لا في حياتى ولا حياة ماما اللي هي اخته وحتى اخويا كان بيرخم عليه بالكلاك احيانا لانه كان فترة مراهقه و طايش لكن بسم الله عليه دلوقتى مفيش زيه في العيله بس أخويا مسافر مش بعرف اقوله انا راحه فين

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع