اسامح مامتي؟ انا محتاجه مساعده لاني فعلا مش عارفة افكر ولا اعمل ايه، انا عندي ٢٠ سنه وعندي اخ واخت اصغر مني بكتير. انا المسئولة عنهم من وانا عندي ٩ سنين عشان ماما قررت انها مش حابه تكون ام. وكتبت عننا تنازل. ساعتها كنت لوحدي في البيت مع اخواتي هي كتبت كدا ومشيت وسابتنا وكانت اختي لسا مولده وبابايا كان بيتشغل في بلد أوروبيا. اختي مكنتش كملت سنة بس من يوم ما اتولدت وانا ال برعاها و كنت باخد بالي من اخويا. مكنتش طبعا بتعمل اكل ولا تكلمنا ولا اي حاجه وكان لما بابا بيكون موجود كانت بتحاول ب كل الطرق تخليه يضربني او يزعقلي كانت بتضايق ان بابا بيحبني وتفضل تقولي انا لو عليا ارميكي فالشارع بس ابوكي هيبهدلني،لما مشيت فضلنا كذا سنه مش بنتكلم و كانت رفعت قضية طلاق من بابايا، وتنازلت عن كل حقوقها، حتي احنا. انا اختي كبرت متعرفش شكل مامتها ولا عمرها كلمتها ولما شافتها صدفه من سنه قالتلها يا طنط. المهم انا حاولت كذا مرة اكلم مامتي بس مكنتش بترد أو تقولي شوية وهتكلمني طبعا مفيش، مره جاتلي المدرسه لما اتصلت بيها ضربتني بالقلم عشان مكنتش راضيه احضنها و ميس عندي ال بعدتها عني. كل دي حاجات فرعية، المهم ان ماما رفعت قضية حضانه او ضم او حاجه زي كدا لأختي. (بقالنا ١٠ سنين مبنكلمش ماما) والمحضر مجلناش (تقريبا حركة محامي صايع) ف المحكمة حكمتلها. والبوليس جيه اخت اختي فعلا بس الحمدلله رجعت، المهم ماما عايزة تشوفنا مره في الاسبوع ونبات عندها و نبقي عيلة وتعرفنا على (خطيبها الجديد ) بس احنا مش حبينها. احنا نزلنا معاها كذا مره ٣ او ٤ مرات بس بجد الموضوع صعب محدش بيكون مبسوط. وبتخليني انا الادفع كل حاجه وتفضل تتكلم وحش عن بابا. اعمل ايه؟ افضل اشوفها؟ ابعد ؟ اعمل ايه

0

7