الطرف التالت مردغانه.. أختيارات قلبي بشعة!

Question

الاوحش من الحب من طرف واحد هو الطرف التالت مردغانه والله 
تكوني بتحبي حد ومتعلقه بيه وهو بيقول انه بيحبك بس هو متجوز ف انتي طرف مرمي كده ع جمب اتشاف فيكي حاجة مختلفة ف انتي قاعدة ع دكة البدلاء ف الاحتياطي ولما تكوني هتمشي طلبك ده يترفض وتتثبتي بكلمتين ويتقالك خليكي بحبك ماتبعديش ولما الموضوع اتكشف اتخلى عنك علشان مش قادر انه يواجه طلاق ومشاكل ويخربيته اللي ماكنش مرتاح فيه
ااااه مني لله بجد بختار اختيارات بشعة اوي وقلبي بيتعلق بيها

Chocolate_25476 🇪🇬 · Accepted Answer

ليه اصلا احط نفسي وقلبي وكرامتي تحت رجلين واحد مش قادر يواجه حد علشاني ليه اخد واحد من مراته وانا مقبلش انه يحصل فيا ليه اخرب حياتي وحياة واحده تانيه عشان واحد عينه زايغه قالي كلمتين ليه مستخدمش عقلي وافكر طويس بدال م اتعب نفسي واتعب واحده تانيه من التفكير في اشغال جوزها عنها بيا ليه اعمل في نفسي وفي واحده متعرفنيش اصلا كل دا ليه عشان راجل خاين وبيريل على اي واحده وفي الاخر لو حد عرف هيقول بجري ور

Marshmallow_25575 🇪🇬 · Answer

للاسف البداية ماكنتش زي مامتخيلة فجأة لقيت نفسي بحبه بسبب اهتمامه ووجوده طول الوقت ف يومي حتى لو انا مش معاه ف نفس المكان وعمري ماحاولت اوقع بينهم او اسببله مشكلة ولو كان بيزعلها او يتخانق ويقول هطلقها كنت بلومه وبنصحه مافكرتش اخده منها وكنت راضية بجزء بسيط ليا مجرد مشاعر مش اكتر

Pumpkin_25836 🇪🇬 · Answer

الحمد لله انك بقيتي بعيده عنه . مهما كان اللي حصل هو كان بيستغلك وكلمه بحبك دي مكنتش حب اصلا هي مراته ممكن يكون  ناقصها حاجه وهو بيحاول يلف ويعوضها فيكي. أو اصلا دائما عينه زايغه .  هتنسيه بسهوله لانه رخيص . ربنا يرزقك براجل يصونك وتحيبه ويخاف عليكي . ربنا يهون

Marshmallow_25575 🇪🇬 · Answer

شكرا بجد ليكي هي دي الحقيقة فعلا هو كان بيعوض حاجة ناقصة بيا بس انا قلبي واجعني اوي وان ازاي كل ده كان كدب انا ماكنتش بسعى لوجوده هو كان بيعمل كده لوحده وكان بيحب يشوفني ويكلمني طول الوقت ازاي كان كدب طيب واهتمامه طيب ازاي هونت عليه بسهولة وكأني ماكنتش موجودة ف حياته ف اي وقت

Pumpkin_25836 🇪🇬 · Answer

معلش حبيتي فتره وهتنسيه ربنا يخفف ويرفع عنك كل حاجه مزعلاكي . الحمد لله انك اكتشفتيه بدري . ربنا اكيد هيعوضك .

Pumpkin_25836 🇪🇬 · Answer

هنتي عليه لأنه مش حبك اصلا . انا مش كاتبه دي علشان تزعلي مني بس دي حقيقه

Marshmallow_25575 🇪🇬 · Answer

لا مش زعلانه منك انا عارفة ان دي الحقيقة