الحب من طرف واحد بس التوكسيك ده صعب جدا تكون بتحب حد وفاكره بيحبك ده اصعب بكتير اوي من انك تكون بتحب حد مش بيحبك بيكون بيحب وجودك واهتمامك بيحب حبك ليه بيطمن انك موجود بيديلك إشارات علشان انت بتحبه ومتعلق بيه بتفهمها بقلبك ومش بيحاول يعدل ده بيسيبك تفهم براحتك ده هيزود اتهمامك بيه بيفضل كده لحد ما يخليك تصدق انك اكتر من صديقك وتعيش وهم مش بتاعك تتجرأ من حبك تبقي عايزه اكتر في حياتك تتكلم بشكل واضح يجي قدامك بكل براءه احنا اصدقاء مقربين بحب وجودك فعلاً بس انا موعدتكش باي حاجه و برضه مش عايز اخسرك فا انت يا تمشي يا تتعايش وتحس انك ممكن ظلمته هو فعلا مقالش حاجه و تفضل موجود بس برضه هو لسه بيستغل مشاعرك بقف قدام الحب ده بحاول افهم من الضحيه هل الشخص اللي بيحب بس برضه الشخص اللي بيحب ده بيبقى هو اللي ظلم نفسه اكتر بان هو رضي ببواقي اهتمام رضي ميكونش محبوب بنفس درجه حبه رضي ما ينامش الليل من الفرحه لو عمل له لاف بالغلط على الستوري قلل من قيمه نفسه عاش قصه لوحده في خياله فهم كل نفس من التاني على انه حب مع انه من حقه يتقال له انا بحبك في وشك عادي برده ما اقدرش الوم الشخص اللي بياخد الاهتمام ما حدش يكره حد يهتم بيه للدرجه دي مش كلنا عندنا قدره أننا منستغلش ده احنا بشر بلاش ادعاء المثاليه ممكن دي اكتر حاجه بتحكيلي كقصه حب بقف قدامها كده بعقلي مش بعرف الوم اي حد شايفين الموضوع ازاي هل فيه ظالم ومظلم حقيقي؟

0

1