الذكريات ، المشاعر، الطاقة، الشغف، الامل، المحاولة، الإرادة،الزمن كل حاجة بنمر بيها وعقلنا بيخزنها بتكون مع الوقت إحنا،أخلاقنا،أفكارنا،إيمانا،وطاقتنا،ضمايرناواعتقادنا عن نفسنا وعن الحياة والناس كل كلمة بتتقال وكل موقف بتكون ذكرى ممكن تبنيك وممكن تهدك لدرجة تفضل فاكرها حتى وانت عجوز يمكن دااكتر شئ بيخليك حريص ع ذكريات الأخرين حتى لو انت اتأذيت كتير بتقول انا إتعودت لكن مش عايز اعرض اى حد عديت في حياته لنفس الشعور.. المشاعر الى في طفولتك وبداية شبابك بتكون فياضة وعندك أمل كبير في العوض وانك هتتحب اكيد هتتحب ولو مرة واحدة بالطريقة الى بتتمناها انت مش محتاج أكتر من شخص واحد بس مش بتلاقيه بتتحب بس مش زى م بتتمنى وبتعوض إحتياجك للمشاعر دى بحبك لشخص خيالى طيف لطيف بتقوى نفسك بيه وانت عارف انه مش حقيقي. بتبهت روحك بتبهت وبتفقد طاقتك لما الوقت يطول من غير الحاجة الى بتتمناها وافكارك وذكرياتك الى مسيطرة عليك بتلوم نفسك كل لحظة ع الماضي الى كنت اضعف طرف فيه وتقول يمكن انا فعلا مستحقش. الشغف!! كلمة متعرفهاش انت بتتحرك عشان مطالب تتحرك لان دا الواجب وغالبا هتكون بتعمل حاجات كتير مش بتحبها بس لازم تعمل حاجه. فيه لحظة كدا مش بتيجي كتير بتحس انك بتتنفس نفس مرتاح ودفا الشمس لامس وشك والهوى لطيف وشايف كل حاجة جميلة فبيتجدد جواك أمل ان احلامك هتتحقق أمنية بسيطة بس في أقدارك مكتوب تكون سكتك فيها طويلة يمكن توصل ويمكن لا. انت بتوصل لمرحلة ان روحك بتتحرق وم بس مينفعش تستسلم بس انت من جواك مستسلم ومن زمان بس لازم تبان تمام وبتحاول المهم يشوفوك بتحاول. الإرادة مش هتعرف تتحكم فيها بسهولة ومش بالضرورة توصل بيها لكل شئ بتتمناه.. الإرادة بتيجي بعد وجع كبير وكتير والرضى بالموجود حتى لو ناقص حاجات كتير.. الزمن!! زى الحلم حلو او وحش مش هيستناك وسط م انت بتحاول وتتعلم وبتقع وتقوم وتتوجع وتتعافى الزمن مش هيستناك واول م تحاول تشم نفسك مش هيسيبك يمكن أكتر حاجة هتكون محتاج تقاوم اثرها النفسي عليك هى الزمن يهزمه ي يهزمك

3

1