المرض الحقيقي في قلوب الناس مش في جسدي

Broccoli_89702 🇪🇬

منذ ساعتين

شعور محبط

أنا لما قولت إني مريض قلب وكانسر والله مكنتش مستني من حد غير دعوة من القلب. بس بجد اللي شُفته بعدها علّمني كتير عن عقول ناس مريضة أكتر من أي مرض في الدنيا. شوفت ناس بتستهين، وناس بتسخر، وناس بتتريق وكأن كلمة "مرض" بقت نُكتة عندهم المرض الحقيقي مش اللي بيجي في الجسد المرض الحقيقي هو اللي بيعيش في القلوب والعقول اللي اتجرّدت من الرحمة. أنا قولت إني تعبان عشان الدعوة الحلوة بتتردّ للسماء مش عشان حد يشفق ولا يزايد ولا يحكم ولحد اللحظة دي أنا واثق إن ربنا شايف، وربنا قادر، وربنا أحن من أي بشر ولو في ناس واقفة تتفرّج في رب كبير بيقوي. ولو في ناس بتشمت في ربّ بيشيل ويعوض. ادعولي زي ما أنا بدعيلكم

استخاره قالت مش نصيبي.. أطمن عليها ولا أسيبها؟

انا كنت اعرف واحده من النت والمهم ارتبطنا وبقالنا سنين حتى مش شوفنا بعض المهم انا صليت استخاره وحسيت ان مش مرتاح وهبعد وكده بس اخر كلامها معايا كانت تعبانه وبترد عليا كل فتره هى مريضه قلب فا ابعتلها اطمن هي مش بتفتح تقريبا او معرفش مالها فا ابعتلها اطمن ولا خلاص علشان ربنا أظهر ليا انها مش نصيبى وكده اسكت هى المفروض بتحبنى جداااا ومتعلقه بيا جامد فا رايكم ايه اعمل الأصول واسأل برضو ولا اهمل وابعد خالص ...عرض المزيد

6 الدعم

5 نصيحة

أنا مروان ولسه مكمل.. مواجهة السرطان والقلب

أنا مروان، شاب عندي 28 سنة يمكن الظروف خدتني لطريق ماكنتش متوقعه طريق مليان وجع وتعب واختبارات ربنا بس هو اللي عارف قدّإيه كانت تقيلة عليّ. أنا مريض سرطان ومريض قلب بس رغم كل ده لسه واقف مكنتش عايز أكون ضعيف، ولا أسيب المرض يكتب نهايتي بدل ما أكتبها أنا. عشان كده دخلت مجال الكتابة يمكن الكتابة هي الحتة الوحيدة اللي قدرت أتنفس فيها اللي حسّستني إني لسه قادر لسه فيا روح ولسه عندي كلمة أقولها أنا بحاول أكون أقوى كل يوم، حتى لو جوايا خوف حتى لو التعب بيكسر فيّ. بس مهما حصل مش هستسلم لإن اللي عاش وجع زي ده يستاهل يعيش قوّة أكبر منه ومهما الدنيا دوختني لسه مؤمن إن ربنا شايف، وإن كل خطوة بتوجع هتوصلني في الآخر لحتة فيها نور وراحة أنا مروان ولسه مكمل ...عرض المزيد

7 الدعم

14 نصيحة

ربنا حاسس بيك وعوضه هييجي لا محاله

اوع تفكر انو ربنا مش حاسس بيك مش حاسس بالألم الي انت بتمر بيها مش حاسس بالاوجاع الموجوده عندك ربنا عالم بكل لحظه مرت عليك صعبه، عالم بكل لحظه مرت عليك وانت مش قادر تكمل ربنا عالم بكل حاجه جواك وانت مش قادر تحكيها لحد ،عالم بلحظات خوفك وعالم بلحظات وجعك، عالم بكل دمعه نزلت من عينك عالم باحلامك، عالم بالحاجات الي انت نفسك فيها . والله عوض ربنا جاي انت بس سعات بتبقا في اختبار بيبقا ربنا مأخر عنك حاجه عشان عددلك حاجه جميله اويي تفرح قلبك حاجه تناسبك ، حاجه تناسب احلامك تناسب حياتك تبقا متاكد مليون في الميه انو عوض ربنا كدا كداا جاي عوض عن كل يوم صعب انت شفته عوض عن كل حاجه انت مرت بيها في حياتك عوض عن كل لليله كنت واثق في الي ربنا بيعملهولك عوض ربنا جاي جاي لا محاله وتكون متأكد من كدا اهدا واطمن وسلم أمورك لربنا وهيا كدا كدا عند ربنا محلوله ...عرض المزيد

7 الدعم

1 نصيحة