سرطان

Grape_22054 🇪🇬

منذ يوم واحد

شعور مكتئب

Lemon_76290 🇪🇬 قد ايه بجد ان شخص قوي ان انت متحمل كل دا وصدقني ربنا بيحبك اوي انت تعيش كل دا وبتدعيه وبتتوكل عليه وربنا عمره ما هيضيع صبرك وايمانك دا ربنا يقويك ويعافيك ويارب تحقق كل الي انت عايزه

عرض الكل 3 نصيحة

عبّر عن شعورك بشكل مجهول

حابب اتكلم واحكي قصتي اللي لسه طبعا مخلصتش بس حابب اتكلم عن أهم جزء ف حياتي 
انا واحد ١٩ سنه اتمنيت كليه مجتليش وبقيت بشوف ناس بتحقق احلامي اتمنيت كذا حاجة وبردو مجتليش حبيت واتكسرت وحصلي كذا دروب كدا ف سن يعني اللي يسمعني يقولي لسه بدري عليك انت بتتدلع عشان كدا مبحبش احكي عمتا 
انا طبعي كتوم اوفر وبعرف البس ماسك يعكس حالتي الحقيقيه قدام اهلي وأصحاب عشان محبش حد يعرف مالي 
المهم حابب النهارده احكي قصه انا شايف نفسي فيها قوي اني عديت بيها وفرحان اني عديت بيها عشان ممكن تكون علمتني نفسيا شويه حاجات كويسه 
انا كنت ف تالته ابتدائي بطني بدأت توجعني غير طبيعي وكل شويه في مستشفي وعند دكتور ومش عارف اعيش سني زي بقيت زمايلي وصحابي اللي في سني لحد ما اتشخصت اني عندي كانسر ف الأمعاء عملت العمليه وروحت اتعالجت في مستشفي ٥٧٣٥٧ كانت اكتر خمس سنين صعبه في حياتي الكيمياوي وشكلي قدام الناس لما بدأت انزل الدروس تاني وانا لابس كاب بس شكلي مختلف وكلو بيبصلي بسبب أن شعر حواجبي واقع وشعر راسي طبعا ولابس كاب وبحاول اداري علي قد ما اقدر ونظره الناس ليا ف الدروس وانا طفل لسه ووجعي كل يوم وانا بتألم ف المستشفي من الكيماوي ووجعه وكميه الابر اللي اتشك بيها جسمي ويوميا ينسحب مني دم اللي هو يجدعان انا طفل علي كل اللي بيحصلي ده حتي العيد ورمضان قضيتهم ف المستشفي مش ف الملاهي ولا الشارع زي صحابي حصلي موقف هناك وحش وانا بسحب دم وده مسببلي تروما عمتا لحد دلوقتي من سحب الدم 😂
بس شوفت ايام صعبه كتير وايام حلوه كتير بس لما كبرت شويه وخفيت وبقيت اقول اشمعنا واشمعنا ولي دول محصلهمش كل اللي حصلي في حياتي 
بدأت افهم واقرب من ربنا اكتر وفهمت أن كل اللي بيحصلنا في حياتنا مش حاجه غير أنه ربنا عاوز يحقق حلمنا اللي بنحلمه من واحنا اطفال بس عشاان تحققه لازم تحققه بشخصيه معينه وهيئه معينه ويمكن كل اللي حصل ما هو إلا تجهيزات لحلمي ربنا بيجهزني ولسه بيجهزني وربنا عالم نفسيتي عامله ازاي ف الفتره الحاليه وعالم قد اي انا تعبان الفتره دي وشايل جوايا ومش بحكي لبني آدم بالعكس بضحك واهزر واكتم كل اللي محتاج اقوله أن اكيد ربنا ليه حكمه ومقتنع بحمله 
✨ حكمه ربنا مش بتبان دلوقتي ✨
بتمني بجد من ربنا اهم من اي حلم بحلمه ونفسي فيه بتمني من ربنا أني أكون مؤثر في حياه حد ولو شخص واحد بس يقول اني أثرت فيه في يوم واتعلم مني حاجة فضل يعملها باقي عمره نفسي لما اكبر وعمري يخلص اموت وانا سايب اثر في حياه كل اللي حواليا مش عاوز اكون صفحه وخلصت ❤️‍🩹

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_79268 🇪🇬

منذ شهرين

شعور متعب

■( بين الامل والخوف والدعاء)■ يمكن ماحدش يحس بالوجع غير اللي عاشه… أنا مريض بالسرطان، وكل يوم بيعدي عليّ بيكون اختبار بين الصبر والأمل، بين الخوف والدعاء. الوجع مش بس في الجسد، الوجع الحقيقي لما تبص حواليك وتشوف الناس بتجري في حياتها وانت واقف بتحارب علشان تكمّل يومك. بس رغم كل ده… الحمد لله. الحمد

Grape_65005 🇦🇪

منذ 3 أشهر

شعور مليء بالحياة

موضوع:

الذكريات السيئة

من اسوأ السنين اللي مرت عليا من 3 سنين اولا اكتشفت اني عندي كانسر ثانيا نهيت علاقتي باللي كنت خاطبها ثالثا سبت شغلي عشان المرض رابعا في نفس السنة والدي اتوفي . لكن الحمد لله اتعالجت ورجعت تاني لخطيبتي واتجوزنا وشوفت شغل افضل من اللي كنت فيه والحمد لله فابعتبر سنة 2021 تحديدا و 2022 اسوء سنين حياتي و

Strawberry_70881 🇪🇬

منذ 3 أشهر

شعور مكتئب

بابا عمل اشاعه على البطن وطلع في بؤره في الكبد واحتمال تكون نواقل من مكان تاني وعندو كحه شديده ودقيق في التنفس انا خايفه جداً تكون النواقل دي من الرئه وكمان كان عندو فيرس سي ومتعالجش منو فا عاملو تضخم في الكبد وتعبان جداً واحنا ده كلو مستنيين تطلع نتيجه الاشاعه بصبغه والتقرير بتاعها عشان نعرف النواق

Strawberry_74772 🇪🇬 اعمل صدقة جارية له عسي كل من دعي من استخدمها كانت له شفاء

عرض الكل 5 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Apple_75709 🇪🇬

منذ 3 أشهر

شعور متعب

انا بقى لي فتره كبيره متوقع ان انا عندي سرطان في الدم فده مش عارف حقيقه ولا وهمي من الشيطان بصراحه لو طلع حقيقه انا هكون فرحان جدا عشان خاطر انا زهقت من الدنيا كلها وبتمنى اموت النهارده قبل بكره من غير ما اقدم ربنا

Mango_67819 🇪🇬

منذ 3 أشهر

شعور مهتم

بمر بفتره صعبه شويه اول مره أمر بيها و المشكله اني بعد عده مواقف حصلت في حياتي وتراقمات زعلت جدا جدا جدا وده سبب مشاكل صحيه ولسه عارف انهارده بس اني عندي كانسر في الدم من الدرجه 3 وطبعا مش عايز اقول اني بعد ما عرفت حالتي النفسيه عامله ازي بس الغريبه اني فرحان من جوايا وراضي رضا تام بقداء ربنا ليا

Tofu_19483 🇪🇬

منذ 4 أشهر

شعور محبط

عبّر عن شعورك بشكل مجهول

طيب بما إن بوستي اتمسح ف ده هيكون آخر بوست ليا هنا إن شاء الله،مش هيهمني أطمن حد عليا أنا خفيت ولا لا 
كنت نزلت بوست بتكلم عن أختي وإني خايفه عليها كانت الردود كلها كسر بخاطر وكلام يكسرني لسنه قدام كلام مخليني من الصبح لحد دلوقتي بعيط،طلعتوني شيطانه وإبليس وحقوده وغيرانه ومريضه ومعقده وبطلع عقدي على أختي طلعتوني بكرهلها الخير وبخرب حياتها طلعتوني إبليس بمعنى الكلمه وأنا اللي مبستحملش فيها نسمة وجع حتى،أنا اللي علشان مش ضامنه عمري كان نفسي أتطمن إنها ف مكان آمن ومرتاحه فيه ،مش ضامنه هخف م الكانسر ولا هبقى ضحيه جديده من ضحايا الكانسر 
أنا اللي أول ما عرفت إني مريضة كانسر فضلت أحمد ربنا مليون مره إنها جت فيا ومجتش ف حد من اخواتي علشان مقدرش أستحمل أشوفهم موجوعين،لو انتوا أهاليكوا ربوكوا على إن عادي تحقدوا وتغلوا على اخواتكوا ف أنا أهلي مربوناش على كده وربونا نحب بعض أنا عمري ما أشيل غل ف قلبي لأختي زي ما طلعتوني غلاويه حقوده مريضه معقده على كلامكوا،واللي يقولولي متخربيش بيتها إن شاء الله تتجوزي أنتِ كمان بطلي غيره،أغير ايه وأتجوز ايه؟مش لما يبقى عندي أمل أعيش علشان أبقى زعلانه إني متجوزتش؟..مش لما أعيش الأول وأخف علشان أبقى أفكر ف الجواز وأغل وأحقد زي ما بتقولوا؟
ليه توجعوا قلبي وتخلوني أنهار أنا قلبي كان هيقف ولما نزلت بوست تاني بعتولي تقولوا متعيشيش دور الضحيه،طب يارب تعيشوا دور الضحيه اللي أنا عايشاه وتدوقوا من نفس الكأس علشان تبقوا تعرفوا أنا مكبره الموضوع زي ما بتقولوا ولا لا وحسبي الله ونعم الوكيل ف كل حد قالي كلمه تكسر بخاطري
لأني ضحيت بحاجات كتير علشان أختي اللي بتقولوا إني بحقد عليها ولو طولت أديها عيوني تشوف بيها هديها ده أنا بحمد ربنا إن المرض جه فيا أنا ؟هتمنالها الشر وهخرب حياتها وأغل وأحقد عليها وكمان أطلع عقدي عليها؟ايه عقدي دي؟انا معقده ف ايه أصلا ؟علشان بحكي إني خايفه عليها وإن اللي هياخدها هيعذبها وخايفه عليها و خايفه أموت وهي تكون ف مكان بتتعذب فيه!!خايفه عليها وبحبها طلعتوني إبليس !!ليه وجع القلب أنا انهرت م العياط انتوا معندكوش دم ولا إحساس أبدًا وربنا ينتقم منكم وبحق القهره اللي اتقهرتها بسببكم تتردلكم يارب والله ما مسامحه ليوم الدين اتهمتوني بحاجات مش فيا علشان كل يرى الناس بعين طبعه علشان كلكوا غل وحقد ومشوهين من جوه فاكرين إن مفيش اخوات بيحبوا بعض ويخافوا على بعض دي روحي دي اللي ف عز ما كنت بموت كنت بهون عليها ،تهون عليا أخرب فرحتها ليه بجد ؟
وأخيرًا حسبي الله ونعم الوكيل فيكم ومش هتشوفوا وشي تاني هنا إن شاء الله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

French Fries_74826 🇪🇬

منذ 4 أشهر

شعور مرهق

انا تعبت جدا و بقيت مرهق ان حاجات كتير باظت في وقت قصير اكتر بنت بحبها و كنا هنتجوز اختفت و بعدها بابا تعب ب كانسر علي القلب انا الحمد لله في شغل كويس بس فلوس العمليه اللى ف دماغي طول الوقت لاني مش عارف اجمعها حاولت اهرب و انتحر بس ربنا عاوزني اكمل

Tofu_19483 🇪🇬

منذ 4 أشهر

شعور لا مبالٍ

سالوا يا حبايب قلبي.. نسيت أحتفل معاكوا إني خلصت جلسات العلاج الإشعاعي هو اه خلصت من يومين بس نسيت أحتفل معاكوا علشان الناس اللي بيقولولي إني سلبيه ومتشائمه علشان معظم بوستاتي حزينه وده غصب عني.. ف باركولي بقه وزغرطولي يا بناويت🥰 كده قدامي شهر إن شاء الله وأعمل مسح ذري تاني علشان أعرف العلاج جاب ن

Tofu_19483 🇪🇬

منذ 4 أشهر

شعور لا مبالٍ

بقيت مؤمنه إن كل الناس الحلوه بتمشي بدري وأنا كمان حاسه إني همشي بدري خالتي الله يرحمها ماتت بالكانسر وكان سنها صغير بس هي أطيب قلب ف أخواتها وأغلبهم أنا كمان من زمان عندي إحساس غريب من وأنا ف إعدادي إن هيجيلي كانسر والله ما أعرف كنت حاسه ازاي بالشكل ده لدرجة إني كنت بعيط كتير وقتها وبقول لماما أنا

Tofu_71960 🇪🇬

منذ 4 أشهر

شعور مكسور القلب

موضوع:

ما هو أكثر شيء تفتقده من طفولتك؟

جدي الله يرحمو كل الي احنا فيه ده من خيرو قبل م يموت بس عاش حياه صعبه عشان يوفر كل الحجات دي اتخذل من اقرب صاحب ليه سرقو وخد فلوسو كلها وهرب واستحمل واستحمل حجات عمر محد قدر يستحملها ومع ذلك كان حنين علينا كلنا وبيجبلنا كلنا كل الي نفسنا فيه بس للاسف مات بكانسر ادعولو بالرحمه..

French Fries_71810 🇪🇬

منذ 4 أشهر

شعور متعب

كنت بحب واحده حب خمس سنين كانت جميله وطيبه اوي وبعد لما حددنا معاد للخطوبه جالها كانسر وتوفت بعدها ب5 شهور ومن وقتها وانا فاقد الشغف ف اي حاجه ولما بفتكر اي موقف كان بينا بحسها كانت لسه موجوده. كانت دايما حاسه ان عمرها قصير .. مكنتش اعرف انها هتمشي بسرعه كدا💔 الله يرحمها يارب🤲

Tofu_19483 🇪🇬

منذ 4 أشهر

شعور محبط

عبّر عن شعورك بشكل مجهول

مساء أو صباح الخير يا إخواااااااااااااتيييييييييييي حسب ما تقرأوا كلامي ده..
عندي خوف مش طبيعي من الأيام..خوف من الثانيه اللي جايه من كل دقيقه بتعدي من كل يوم بيعدي..خايفه من الأيام ومن غدر الدنيا ومن الأحوال اللي بتتبدل فجأه..شهر 9 الجاي ده هكون كملت سنه وأنا مكتشفه إني عندي كانسر..زي النهارده من السنه اللي فاتت كنت بخير وفرحانه بصحتي مش شايله هم حاجه ولا هم علاج ولا هم بهدله ف مستشفيات وعيادات وأستنى دوري..كنت قاعده رايقه ف البلكونه..أنا قاعده ف نفس البلكونه دلوقتي بس وأنا تعبانه وشايله هم جلسة بكره إن شاء الله والحقنه بتاعت الأسبوع الجاي ف المستشفى..زي النهارده السنه اللي فاتت كنت قاعده ف البلكونه بقرأ كتب وبشرب قهوه بمزاج رايق لا شايله هم تعبي ولا بتوجع من حاجه..فجأه لقيتني ف دوارة مرض مش عارفه أخلص منها..كل حاجه اتغيرت فجأه بدون أي سابق إنذار...خايفه من تقلب الأحوال ومن اللي الدنيا شايلاهولي..معرفش ليه بقالي ٤ سنين كده كل سنه ف شهر ٨ أو ٩ لازم تحصلي مصيبه معرفش ايه مشكلتي مع الشهرين دول أو ليه كل المصائب مبتحصليش غير ف الشهرين دول..بقالي ٤ سنين مرتاحتش
٤ سنين وأنا بعاني نفسيًا وجسديًا
بداية من الحادثه اللي عملتها ف شهر ٩ لغاية سلسلة الأمراض اللي كل شويه بتعب بسببها لحد ما وصل بيا الحال لكانسر..غير الألم النفسي اللي اتعرضتله من أقرب الناس ليا لحد ما وصل بيا الحال لاضطراب نفسي من كتر اللي شوفته
لو بتقرأوا كلامي ادعولي الشهرين دول يعدوا على خير وباقي السنه والسنين كلها من حياتي يعدوا على خير مبقيتش حمل أي وجع أو ألم تاني تعبت كتير وأنا لسه المفروض كنت ف بداية حياتي لقيتني ف حياه أكبر مني ومشاكل أكبر مني
لسه عندي ٢١ سنه وبيحصل معايا كل ده 
مش معترضه على قضاء ربنا الحمد لله على كل حال 
لكن خايفه..أمانه تدعولي إن جيت على بالكوا
شهر ٩ الجاي إن شاء الله هعمل مسح ذري تاني علشان أشوف جسمي استجاب للعلاج ولا لا وهل فيه خلايا سرطانيه ولا كله اختفى 
بالله عليكوا لو افتكرتوني ف مره متنسوش تدعولي 
أنا حياتي بقت كلها خوف وقلق بشكل لا يطاق

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_19483 🇪🇬

منذ 4 أشهر

شعور محبط

زعلانه من ماما جدًا بجد.. عندنا زيتون وبنعصره كل سنه ماما بتطلع زيت الزيتون كله حتى مش بتسييلنا خالص..لحد ما جالي كانسر والدكاتره وصوني آكل بزيت زيتون ف سابتلي قاروره ليا وتمام وبأكل بيه والدنيا حلوه جت خدته وأنا نايمه وادته لواحده غريبه عندها كانسر والدكتور موصيها تأكل بيه ،لما جيت أكلمها ف الحوار

Strawberry_89628 🇪🇬

بدقق على تفاصيل الكلام ومحدش يفهمني

هو انا الوحيدة اللي بدقق اوي على تفاصيل الكلام وطريقة الكتابة وبتضايق اوي لما بلاقي حد بيكتب غلط و عنده أخطاء إملائية 🙂نفسي الاقي حد زيي ويفهمني نفسي الاقي حد تفكيره نضيف وعميق وراق مش زي باقي الناس.. أشارك أفكاري الغريبة من غير ما يفكرني غريبة او مجنونة.. بس محدش كدا خالص دلوقتي مع العلم انا 17سنة ...عرض المزيد

3 الدعم

29 نصيحة

Croissant_58520 🇪🇬

محتاجة حد أفضفض معاه من غير أي إغراض

محتاجة حد افضفض معاه من غير اى اغراض تانى نيتياسياممسنيتيتميمؤنؤوؤوؤنؤظمؤمؤنؤنؤزؤوتؤتؤنؤتؤننؤنؤنؤنؤنؤتؤتتؤتؤؤتؤتتؤتؤتؤتؤنؤنز،ز،مم،مءزؤزسززءزءمؤمؤزنؤمؤمؤنؤننؤتؤتؤتءتتءتءتءتتءتءتءتؤتتؤتءتءتءتءتؤتتءنءممؤمؤمؤممؤمؤمؤميمميميكؤكمؤممؤمؤنؤنزؤززؤزؤزؤنؤءنءننءتءتءتءنءننءنءنءنءنءننءنءنءنءنءتوؤمؤؤككؤمؤظؤوت،هزسزيميكيكمؤنؤنؤنءتءتتءتذتءاذتتذتذتءتذتنذنذزذزذززذزذزءنءنءننءنءنءنءننءنءتءتءتتءتءتءتءننءتءنءممسميمؤممؤمؤمؤنزءوءتتيمسميككيكسمميميمؤممءمءممءمءممءمءممءمءمؤممءمءمءممءمءخءممءمءممءمءممءمءؤخءمظءزسنينؤكحؤحءحءمءمنءتءتنؤنؤم،م،ككءحءمءننؤتستايتين ...عرض المزيد

0 الدعم

29 نصيحة

Moon_89252 🇪🇬

شتمت الاكس وقليت من رجولته! باركولي يبنات بقى

دخلت شتمت الاكس وقليت من رجولته وحسسته انه ولا حاجه وانه مالهوش قيمه ولا رجوله وحاسه اني فرحانه جدا 💞💞💞باركولي يبناتت بقى💞💞 اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ...عرض المزيد

3 الدعم

26 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع