ماما نرجسيه بطريقه بشعه ومتسلطه بشكل مش طبيعي عايزه كل حاجه تمشي على مزاجها لو ممشيتش هتحسسك انك انتي وعدمك واحد هتكرهك في كل حاجه، من وانا صغيره اتعودت محكيلهاش اي حاجه عني ولا بحب ده ولا برتاح ف ده بحس بضيقه ف صدري مش طبيعيه لو فكرت بس مجرد تفكير اني احكيلها، من وانا صغيره لما كنت بخبي عليها كنت بشوف اوسخ رده فعل من زعيق شتم ضرب كانت مفكره أنها لما تعمل كدا اني هخاف ومش هخبي عليها حاجه وهحكيلها كل حاجه هي نجحت اه بس ف أنها تخوفني منها بطريقه تخليني محكيلهاش اي حاجه حتى لو كانت صغيره، خلتني اول ما اقع في مشكله مستحيل تكون هي أول شخص اجري عليه ولا استناه يحللي المشكله منغير ما اخاف بالعكس، دانا ببقى حريصه أنها اخر شخص يعرف بالمشكله دي، لما بشوف صحابي ازاي بيجروا يحكوا لامهاتهم على مشاكلهم على الي حصل معاهم وأمهاتهم فعلا بيسمعوهم وبيعلموهم الصح من الغلط منغير ضرب ولا زعيق قلبي بيوجعني بجد بالنسبالهم الحاجه دي سهله وده الطبيعي عشان اتعودوا عليها من صغرهم لكن انا صعبه صعبه محدش هيحس بيها غير الي جربها، طريقتها معاملها طول الوقت معايا الي بتحسسني اني عدوتها وبعدين تيجي تقولي انتي ليه مش بتحكيلي حاجه؟ وبتقعد تبص في تلفوني بتفتش فيه وانا لما عرفت ده بقت اي حاجه على تلفوني بعملها أن شاءالله حتى لو وسخه المهم اثبتلها أن تفتشيها ف تلفوني مش عالفاضي، شوفتوا المرحله الي وصلتني ليها؟؟ اوقات بحسها مريضه بجد مش هزار مفيش بني ادم كدا والله مافي كدا انا مش عايزه ابقى ام مستقبليا خايفه اكرر الي هي عملته! بحمد ربنا على وجود بابا عشان انا متاكده أن لولاه عمري ما كنت هقدر اكمل العيشه معاها، عمري ما اتوقعت اني اكره حد بالطريقه دي! انا البني ادمه دي لو قعدت طول عمري اشرح قد ايه انا بكرهها عمري ما هخلص، كرهي ليها يكفي ويفيض ولو وقع الاختيار يوم بينها وبين بابا عمري ما هتردد لحظه اني اختاره.

0

2