انهارده وانا ف الشغل كنت شغاله لاول يوم بتركيز محترم من بعد فتره طويلة دماغي منفوخه فيها بسبب مشاكل البيت لقيت بابا بيتصل بيا انا مبقتش ارد عليهم ف الشغل عشان ببقي عارفه هما هيعملوا ايه هيصدرولي كل مشاكلهم وانا يومي يبوظ بس انهارده رديت عشان بحس ان ممكن محتاج حاجه او حتي خلاص بطلوا ومش هيحملوني مشاكلهم تاني .. لقتني بعد ما رديت وعمل نفس الحاجه وبدأ يحكي ويسترسل ف مشاكل وانهم اتخانقوا تاني انهارده واللي بسمعه بيبقي بشع وبعدها بيشيلني مسؤلية اخويا واني اتكلم معاه عشان هو مش عارف مصلحته كل ده ف مكالمه واحده قفلت معاه رجعت تاني مضايقه ومش مركزه عماله اقول لنفسي خدي نفس واشربي مايه وركزي تاني بس خلاص طالما شدني لتحت معاهم انسي فكرة اني اطلع تاني طول ما بيصعبوا عليا وبديهم فرصه هفضل مغروزة ف القرف اللي هما عايشين فيه ومكملين محدش قادر يستوعب او يفهم التاني ولا حد بيتنازل واولهم بابا اللي البيت خراب بسببه ومتصل يشتكي محدش بيفكر ف مستقبلي ولا يهتم اني اكون كويسه كله بيرمي عليا بس انا مش هدي لحد فيهم فرصه تاني وعلي اد ما هقدر هبعد عنهم لحد ما ربنا يطلعني من البيت ده

0

4