استنزاف عاطفي

Broccoli_74653 🇪🇬

منذ شهرين

شعور مهتم

موضوع:

ايه اكتر حاجة لو رجع بيك الزمن مش هتعملها؟

مكنتش هتجوز. اه بظبط كده. لو رجع بيا الزمن مكنتش هتجوز لأسباب كتير انا وهي مش متفقين نهائي في اي حاجه. وجودي معاها قتل الحياه جوايا بشكل كبير جدا وتقريبا انا مكمل عشان اولادي. عارف انها قصه ممكن ناس كتير اوي سمعتها قبل كده وفيه رجاله بتستغل القصه دي عشان تشقط بنات. بس انا لا عاوز اشقط ولا بتاع. انا

French Fries_39926 🇪🇬

منذ شهرين

شعور وحيد

أنا كنت متجوز واحده نكديه وشخصيه نرجسيه بتحول كل لحظة حب او ود أو لحظه حلوه لساحه من الحزن والنكد والنديه وكانت بتصعب عليا ومش بحب اسيبها أو ابعد عنها بس خلاص زهقت ومش قادر اعيش فى النكد والاستنزاف العاطفى ده ومحتاج اعيد بناء نفسى مره تانيه واعيش حياه سليمه محتاج انسانه واعيه اعرف اتكلم معاها وافضل

Marshmallow_68870 🇪🇬

منذ 3 أشهر

شعور محبط

علطول بسأل نفسي : إذا كان الشخص بيديك حب لأنه بجد بيحبك ليه بتاخد الحب ده كشئ مكتسب كأنه شئ عادي ؟ ليه دائما الناس شايفة نفسها تستحق كل حاجة بدون العطاء؟ حاسة نفسي استهلكت عاطفيا من خلال ناس قريبة جداً مني و كل اللي خدته إنكار لكل شئ من غير حتى نظرة امتنان....

Coffee_68983 🇪🇬

منذ 3 أشهر

شعور مستنزف

انا بجد حاسة اني مستنزفة ماعنديش طاقة لأي حوار او كلام مع اي حد مابقاش ليا اي علاقات نهائي او كلها باظت بسبب اني مبسألش او بطنش ماعرفش ايه الي خلاني كدة بس حقيقي مبقيتش اعرف اتواصل مع بني آدمين بشكل طبيعي و لو حد كلمني او طلب مني حاجة برد ردود غبية لأني حاسة اني نسيت كنت بتعامل ازاي نسيت ازاي كن

Onion_60760 🇪🇬

منذ 3 أشهر

شعور مكسور القلب

Almond_65303 🇪🇬 متزعلش منى، بس كل ده حلاوة البدايات، انبهار انجذاب راجل لست، فا افضل حاجة ليك انك تبعد عن كل العك ده اللى بيستنزف قلبك ومشاعرك، وتركز فى حياتك لحد ما تبقى قادر تتقدم لأى بنت تعجب بيها وجوه الخطوبة يحصل تعارف بطريقة سوية، غير كده هتتعب وهتتعقد وهتكره الحب والجواز وكل ارتباط، لأن كل اللى واصلك منه جروح

عرض الكل 12 نصيحة

عبّر عن شعورك بشكل مجهول

السلام عليكم اولا 
انا كنت عايز رايكم ف موضوع كده في واحده هي تعتبر قريبه مني بس مش اوي انا محافظ ع مسافه بينا لاني مش عايز اخش ف علاقه حاليا بسبب اني لسه طالع من ٣ علاقات يعتبر استنزفوني حرفيا وانا مش بلاير او كده نهائي يعني كل علاقه فيهم كنت ببني حرفيا حياتي عليها ومكنتش بتخلى عنها بسهوله نهائي غير لما بكون خلاص ولا انا اللي قدامي بقا شايف ذرة امل ف العلاقه دي وحتى الدخول ف العلاقه نفسه واحده منهم بس هي اللي انا خدت معاها فرست استب الاتنين التانيين كانو هما اللي واخدين الفرست استب وكل حاجه كمان مش فرست استب بس ف كنت بلاقي نفسي ولا بيا ولا عليا كده ودخلت ف علاقه هو تمم بكون حابب الشخص بس الدخول ف علاقه نفسه بلنسبالي اكيد مش لعبه وبيكون مؤذي لو هي شايفه اننا مش هنكمل يبقى كان بلاش ندخل ف العلاقه من الاول ... المهم بقا البنت اللي انا بتكلم عليها اللي هي زي قريبه مني شويه دي انا حاسس انها فعلا اللي مناسبة وحاسس معاها بجد احساس محستهوش مع اي حد ف الدنيا قبل كده وغير كده هي من البنات الهاديه جدا واللي ملهاش صحاب كتير خالص ومش مغروره ولا شايفه نفسها وف نظري شايفها برفكت ف مش عارف لو كلمتها وحاولت اقرب منها غالبا مش هكون جاهز لده نفسيا بسبب اني استنزفت بالفعل وف نفس الوقت خايف اسيبها وتتخطب او حاجه مش عارف 😔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_68133 🇪🇬

منذ 3 أشهر

شعور متعب

موضوع:

إزاي العلاقات السامة بتسرق منك نفسك؟

في يوم من الأيام كنت بضحك من قلبي، عندي طموح، طاقة، وناس بحبهم وبحب الحياة. بس دخلت في علاقة كنت فاكر إنها حب، طلعت استنزاف. كل حاجة كنت بعملها كانت بتتحسب عليّا. كل غلطة صغيرة كانت بتتعلق لي مشنقة، وكل كلمة حلوة كنت بستناها كانت بتتأجل. فضلت أدي من روحي، وأبرر، وأسكت، لحد ما نسيت أنا مين أصلاً.

Kiwi_67696 🇪🇬 ابعتلك ماسج ازاي

عرض الكل 4 نصيحة

Coffee_67966 🇪🇬

منذ 3 أشهر

شعور مكسور القلب

انا كنت بحب بنت عيشت معاها احلي ايام حياتي سبنا بعض بسبب والدتها شايفة اننا مش من مستواهم مع اني محترم واهلي ناس كويسين وبعديها بفترة اتخطبت وفركشت بس انا مش فرحان فيها ولا زعلان عليها عادي استنزفت كل مشاعري معاها حاسس اننا مش قادر ولا عايز اتعرف ع بنت تاني او بدور ع وحدة زيها تاني عارف اننا مش

Biscuit_68226 🇪🇬 هقولك حاجه صدقني لما يكون البنت مستواها اعلى والله العيشه بتكون مرار .. انت مش هتبقى فاهم الحاجات الي بتجبها دي بالثمن دا لي ومش مستاهله كل دا .. وهي هتشوفك بخيل ف متزعلش علي الي فات ومعاك حق قبل ما تاخد خطوه مع اي بنت لازم تتخطي وتعيش حياتك لنفسك ثم لله وصدقني هتجمع شتات نفسك من جديد والي حبو وسابوا بعض ممتوش كله لسه عايش ركز بس علي انك تقف علي رجلك تاني

عرض الكل 3 نصيحة

Croissant_61867 🇩🇿

منذ 3 أشهر

شعور محبط

عبّر عن شعورك بشكل مجهول

اتخيلو معايا تتجوزو حد يجي يقلكم حاجه مهمه فحياته و يشار معاكم يومياته على جروب هو و اخته و أنا فكره عادي لو احنا في جروب عايله لي هو أصلا أنا مش فيه بس عشان أستاذ  مش مستوعب انه عنده مراته مفروض يتشارك معايا فحاجات اتخيلو متلا أنا اروح ابعتله فحروب هو و اختي هاي يجماعه بكرا مسفره أو هاي أنا فتحت شركه و هو جوزي يعرفها من جروب هل ده منطق  اختلافات دي بتقرفني جدا و بحس اعععع إيه قرف ده على قلته و أنا بعدتي في اول كنت بروح و بقله من حاجات دي أو أي مشكله عشان ينتبه و عشان احنا ناضجين بس كل مره أتكلم فيه عن حاجه مش متعوده عليه أو حاجه بتضرني أو تجرح مشعرني كشريكه بيطلعني غلطانه و وحشه و لو رحت قلت لحد عارف علقتي بيه حيقلي إيه قرف ده و تقالت من تلات تيربيست من جنسيته و من جنسيه تانيه عشان أنا كنت بقول اختلاف ثقافات بس لا صح عندنا أو عنده في ثقافته لي مش صح لي تعود عليه أو لي شافه أو معرفش احيانا بحس بيكون عارف الغلط بس عشان يحور علي أو عشان يغلطني يعمل فيها انه ده الصح فمصر و ده لي بيتعمل و بتقالي كده مفيش راجل يعمل ده و أنتي عبيطه أنا سيباها على ربنا زي مجابه في طريقي يعرف يعدله أو يربيه أو ياخده أو يأخذني من طريقه ….حسه قصه
تنفع فلم هندي لو اتكلمت على قصص كتيره بتحصل ربنا يجيب الخير

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_67047 🇪🇬

منذ 3 أشهر

شعور مستنزف

كنت مع بت Toxic بشكل مرعب و تقريبا وصل لي قناعة هي مش بتحبني انا بس كانت بتحب الاحساس اللي بجيها و انا بحبها بس كانت دايما تحطني في اختبارات و تطلب مني طلبات كتيرة أوي و علشان انا بحبها و ما بعرفش أقول لا و دايما كنت بدي و خلال سنه كاملة انا استهلك و بقت طاقتي مفيش و كانت هي في قمة الانانية

Blueberry_67063 🇪🇬 ابعد عنها واستعوض ربنا خير هتتعب شويه بس لو كملت مع وحده زي دي هتعيش حياتك كلها في ندم وتعب

عرض الكل 4 نصيحة

Peanut_64426 🇪🇬

منذ 3 أشهر

شعور محبط

موضوع:

بعدت عن حد قبل كده وهو بيحبك?

انا كنت مرتبط بي بنت كانت لذيذه اوي وبجد مهتمة بيا وبتحبني بجد وانا كمان بحبها ولحد دلوقتي لدرجة اني رسمت معنى اسمها على ايدي تاتو بس للاسف انا اللي معرفتش اديها برضو الحب والإهتمام اللي عيزاه عشان دماغي كانت مشغوله بي اني اشتغل و اعمل cv محترم وكمان عشان انا استنفزت نفسي في علاقه قبليها فا مبقاش عن

Carrot_63919 🇪🇬 بص يا صديقي هتروح لكتاب( احببت وغدا) هتقرأ بيتكلم عن النرجسي وشوف هل ده بيتكلم عنك ولا لا بيشخصك ويديك الحل الحق نفسك بيه وافهم نفسك

عرض الكل 12 نصيحة

Corn_61463 🇪🇬

منذ 4 أشهر

شعور مكتئب

عبّر عن شعورك بشكل مجهول

انا وصلت لمرحلة مش حلوة خالص مع مراتي, بقالنا ١٥ سنة جواز.. هي شايفة انها مش بتغلط وبالتالي قليل جدا لما بتعتذر، مطلوب مني الا انا اللي اصالح واخد المبادرة الا الاقي نفسي بتعامل مع حد غريب في تصرفاته، فلوس تتصرف بشكل غريب في حاجات اغرب، رغم اننا ظروفنا المادية مش احسن حاجة.
عدم تقدير لظروفي النفسية الحالية بسبب خروجي لسه من سنة مليانة وجع والم لوفاة والدي والمشاكل اللي حصلت من بعد الوفاة،وهي مش شايفة اني المفروض اكون زعلان اصلا.
تاخد بناتنا الاتنين وتروح عند مامتها بالايام وممكن اسابيع، ولا تسأل او تتطمن عليا مثلا كلت روحت عملت كده يعني، هروب من اي مشاكل حياتية ممكن الواحد طبيعي انه يقابلها.
ديما شايفة ان المشكلة عندي، والمبرر اني عصبي، و دي حقيقة بس الناس مش قادرة تفهم ان النرفزة دي بتكون في الغالب رد فعل من حاجة حصلت، وطبعا مش قاعدة بس دي بامانة ربنا في حالتي انا.
طول مانت مش شايف ان اصلا المشكلة عندك، المشكلة دي عمرها ما هتتحل، ازاي بتعترض على حاجة حلها عندك مش عندس انا.
طول عمري قلبي بياكلني عليهم، مش بقدر اشوفهم متضايقين او مخنوقين واسكت، لازم اعرف السبب واحاول احل، لكن صراحة الموضوع بقى صعب عليا المرة دي بسبب ظروفي النفسية، انا محتاج احتواء مخدة اريح عليها دماغي بعد كمية المعارك اللي خضتها الفترة اللي فاتت بسبب وفاة ابويا، انا شغلي اتأثر جدا بسبب اللي هي بتعمله معايا، لوي دراع الا تيجي تعتذر وتراضي الا اسيبك كده لوحدك وهي تروح تسعد نفسها زي ما بتقولي.

ديما بناتي طول الوقت قصادي عيني (١٢-٦ سنة) مش عايزهم يتأثره بده, وهي مش بتساعد خالص شايفة نفسها ومصلحتها وتيك توكها وانا مش مهم، مع اني انا مصدر دخل البيت الوحيد هي مش بتشتغل.
بشوف الكلام والمناقشة افضل طريقة لحل اي مشكلة او لتحقيق اي هدف، اسمع فكر اتكلم دي القاعدة، وهي بقى لا بتحب تتكلم خصوصا لو موضوع مش حاباه، وتقعد تبوخ باي كلام اللي ساعات بيكون بيجرح ومش المفروض اني ازعل، على كلامها انه عادي يعني لما اقول او اعمل.

محتاج رأي و نصايح منكم .. نفسي اطلع من اللي انا فيه ده علشان اعرف أكمل، عندي بنات ومستقبل محتاج كتير لسه.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Kiwi_47592 🇪🇬

منذ 5 أشهر

شعور لا مبالٍ

Donut_55472 🇪🇬

منذ 5 أشهر

شعور محبط

موضوع:

ندمت علي اي وهل عرفت /ي تتخطى؟

على جوزي استنزفني ، ومفهمتش الا متاخر بعد ما ربنا رزقني ببنت بيت واقفة ع السلم ، ولا قادرة اتطلق ، ولا قادرة أكمل طفل وعاوز أم مش زوجة ، احتياجاته رقم واحد وأولع انا ، فلوسي المفروض تتصرف عليه ، مفيش وقت ليا وقف حياتي

Mango_22117 🇪🇬

منذ 6 أشهر

شعور مستنزف

بمر بمشاكل كتير و وسط كل دا بردوا بقعد اسمع صحابي بالساعات و اقف جمبهم و ادعمهم و انا اصلا متدمره بجد بس بحب اعمل كدا بحس ان بطمن عليهم كدا .. بس انا فالواقع مستنزفه بساعد ناس ومش بساعد نفسي و حاسه محدش فاهمني ولا حاسس بيا و بضيع بجد وصلت لمرحله وحشه بجد من تعب النفسي و التوهان .. معرفش اقولكم ادعول

Donut_25498 🇪🇬

منذ 7 أشهر

شعور متعب

كل يوم يقسو العالم على قلبي و تجعلني حياة النضج لست أنا كل يوم أُعاني مِن قسوة الرحلة، التفكير، القلق، الذكرى، النهايات، الأشخاص، كب طريق لم يكتمل. كل يوم أشعر بِعدم الإنتماء لي، ولما أنا عليه، و أكره الإستمرارية في طرق تستنزفني، و لكن فرضها الواقع علي.. مع أن يداي حنون

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع