انا نجيت مهما كان احساسي دلوقتي ف انا نجيت من علاقه مشوهه وكانت بتموت وانا بحاول احييها من تاني .. انا نجيت من انسان كان ممكن يستقوي عليا ف يوم من الايام وانا معاه لمجرد اني مش حاسه زيه او شايفه زيه .. انا نجيت من شخص مش قادر يعمل حاجه لمستقبله ولسه هيبدا بعد ٧ سنين تخرج .. انا نجيت من بني ادم معنوش شقة وكنت هتبهدل معاه ف الايجار حتي لو وعدني انه هيسافر ويجيب فلوس الوعد ده كان متاخر اوي.. انا نجيت من انسان غلط ف اهلي وغلط فيا .. انا نجيت من انسان مش سوي نفسيا ولا مسؤول كان قبلي بيدخل يكلم اي واحده واهتماماته كلها السوشيال ميديا ولا خد اي كورس ولا شغل نفسه بحاجه عدله مع انه ف الظاهر بقي احسن دينياً .. انا نجيت من واحد مش امن وكان حقي امشي اي وقت احس فيه اننا مش نافعين.. انا نجيت من انسان كان بس بيتغذي علي وجودي وانا سمحتله ب ده وبيدخل دواير علاقاتي ويبوظها ولما واجهته قارن ده بالبنات اللي بيكلمها مع اني مش بكلم اي ولد ولا حد يقدر يتخطي حدوده كلها علاقات سطحيه.. انا نجيت من حد بسببه انا مش قادره اقوم من السرير وانا معاه وبعديه اسوء .. انا نجيت من حد للمره المليون حاول يطلع ملاك ويطلعني شيطان مع ان احنا الاتنين عانينا واتوجعنا.. انا نجيت من شخص انتقم منيوسمعني كلام بشع كسر فيا ودعي عليا انا واهلي عشان قولتله مش هينفع نبقي مع بعض مع انه كان مدي لنفسه المساحه انه يختار حد تاني وانه يمشي لو مش مرتاح وانا كنت هتقبل واتمني الخير بجد .. انا نجيت من النسخه الجديده الابشع والاسوء منه لانه مبقاش زي زمان طيب بقي اسوء لانه زي ما بيقولي معيش دور الضحية وبيسقط عليا مشاعره هو اللي عاش الدور ده كل اللي فات.. انا كنت واقفه علي رجلي وقاومت وصلحت كل الل اتكسر بسببه ف علاقتنا سنة ونص بشتغل علي نفسي وبقيت احسن مش عايشه اتنقل من علاقه لعلاقه .. انا نجيت حتي لو كل حاجه دلوقتي جوايا بتقولي عكس ده .. انا نجيت لاننا لسه كنا هنتكلم ف الحرام شويه حلوين علي ما يتقدم تاني اه كان بيتحكم اننا منتكلمش غير بحدود بس كل ده عذاب وبس .. انا نجيت من حد كنت هحط عليه امل جديد بعد ما اصلا كنت مستنياه ٩ سنين قبل السنة ال١٠ اللي كانت لسه هتضيع برده عليه .. انا نجيت مش عشان انا حلوه او كامله انا نجيب عشان ربنا كاتبلي فرصه احسن من غيره .. انا نجيب من حب كان دمار ليا وكان نجاه ليه لاني انسانه مش مؤذيه وتقبلت كل اللي حصل منه السنين اللي فاتت وكنت هغصب نفسي اتحمل اللي جاي بس كل ده كان ليه .. انا نجيب من حد سمح لنفسه يجي عليا عشان يفرغ غضبه وبعدها مشي حتي مراعاش اي يوم كويس ويمكن ده بيتردلي لاني عملت ده زمان بس كان ليا اسبابي .. يمكن احنا الاتنين ظالمين ومحدش احسن من التاني .. بس اللي عارفاه اني هحاول ابطل اظلم نفسي تاني واخليها تنهار .. لاني انهارده وبسبب القصه ديه اتمنيت اني اموت .. مع ان ربنا خالقني عشان اقدم حاجات كتير ف الدنيا غير الحب وان حد يكون كويس معايا .. يمكن انا. نصيبي كده .. انا نجيب عشان انا اللي اخترت امشي للمره المليون عشان انا مكنتش كويسه معاه ب اي شكل مهما حاول يتفه من اسبابي ويبان الملاك الطيب وعقلي فضل يقولي انتي شيطان لان محدش شافني شيطان غيره

3

1